ନୂଆଦିଲ୍ଲୀ,୧୯/୦୭: ଭାରତର ଅପରେସନ ସିନ୍ଦୂରକୁ ନେଇ ପୂର୍ବତନ ପାକିସ୍ତାନ ପ୍ରଧାନମନ୍ତ୍ରୀ ଇମ୍ରାନ ଖାନଙ୍କ ଭଉଣୀ ନୁରିନ ନିଆଜ ଏକ ବଡ଼ ଦାବି କରିଛନ୍ତି । ସେ କହିଛନ୍ତି ଅପରେସନ ସିନ୍ଦୂର ସମୟରେ ପାକିସ୍ତାନୀ ସାମରିକ ନେତୃତ୍ୱ ଏକ ବିପଦପୂର୍ଣ୍ଣ ସ୍ଥିତିରେ ଥିଲା । ଭାରତ ପକ୍ଷରୁ ବାରମ୍ବାର ଆକ୍ରମଣ ପରେ ସେମାନେ ସାହାଯ୍ୟ ପାଇଁ ଅନ୍ତର୍ଜାତୀୟ ଶକ୍ତି ସହିତ ଯୋଗାଯୋଗ କରିଥିଲେ । ପରବର୍ତ୍ତୀ ସମୟରେ, ସେମାନେ ବିଭିନ୍ନ ଆପୋଷ ବୁଝାମଣା ମାଧ୍ୟମରେ ପାକିସ୍ତାନର ପ୍ରତିଷ୍ଠାକୁ କ୍ଷତି ପହଞ୍ଚାଇଥିଲେ । ନୂରିନଙ୍କ ଅନୁଯାୟୀ, ଏସବୁ ସତ୍ତ୍ୱେ ପାକିସ୍ତାନୀ ସେନା ମୁଖ୍ୟ ଆସୀମ ମୁନିର ଏବଂ ପ୍ରଧାନମନ୍ତ୍ରୀ ଶାହବାଜ ସରଫ ଜନସାଧାରଣଙ୍କୁ ବିଜୟର ମିଛ କାହାଣୀ କହୁଛନ୍ତି । ଭାରତର ଆକ୍ରମଣରେ ଭାରତର ଆକ୍ରମଣରେ ପାକିସ୍ତାନ ସାମରିକ ବାହିନୀ ଗୁରୁତର ସଙ୍କଟରେ ପଡିଥିଲା । ପାକିସ୍ତାନ ଭାରତକୁ ରୋକିବାକୁ ଚେଷ୍ଟା କରିଥିଲା କିନ୍ତୁ ବିଫଳ ହୋଇଥିଲା । ପାକିସ୍ତାନ ସେନା ବି ଏହାକୁ ସମ୍ଭାଳିବାରେ ଫେଲ୍ ମାରିଥିଲା । ପାକିସ୍ତାନ ବିପର୍ଯ୍ୟୟରୁ ମୁକୁଳିବାକୁ ଅନ୍ତର୍ଜାତୀୟ ସମୁଦାୟକୁ ଗୁରାହି କରିଥିଲେ । ଡ୍ରୋନାଲ୍ଡ ଟ୍ରମ୍ପ ଯିଏ ବର୍ତ୍ତମାନ ଏପର୍ଯ୍ୟନ୍ତ ଏହାଠାକୁ ଦୂରେଇ ରହିଛନ୍ତି, କିଛି ସର୍ତ୍ତରେ ପାକିସ୍ତାନ ସହ ଆଲେଚନା କରିବାକୁ ରାଜି ହୋଇଥିଲେ ।
ଭାରତ କାହିଁକି ଆକ୍ରମଣ ବନ୍ଦ କଲା- ନୁରିନ ନିଆଜିଙ୍କ ଅନୁଯାୟୀ, ଇସ୍ରାଏଲ ସହିତ ଭାରତର ଭଲ ସମ୍ପର୍କ ରହିଛି । ଟ୍ରମ୍ପ ପାକିସ୍ତାନ ସମ୍ମୁଖରେ ଇସ୍ରାଏଲକୁ ସ୍ୱୀକୃତି ଏବଂ ଆବ୍ରାହମ ଚୁକ୍ତିନାମା ସମେତ ଅନେକ ସର୍ତ୍ତ ରଖିଥିଲେ । ପାକିସ୍ତାନ ସାମରିକ ପ୍ରଶାସନ ଭାରତର ଆକ୍ରମଣରେ ଏତେ ବିଚଳିତ ହୋଇଯାଇଥିଲା ଯେ, ଇସ୍ରାଏଲକୁ ମଧ୍ୟ ସ୍ୱୀକୃତି ଦେବାକୁ ରାଜି ହୋଇଥିଲା । ଏହି ସମୟରେ ଭାରତ ଦକ୍ଷିଣ ଏସିଆରେ ଶାନ୍ତି ସନ୍ତୁଳନ ପାଇଁ ଏହି ସୁଯୋଗକୁ ହାତଛଡ଼ା କରି ତାର ଆକ୍ରମଣର ବେଗ ହ୍ରାସ କରିଥିଲା ।
ଏହା ବି ପଢନ୍ତୁ...School Closed: ଆସନ୍ତାକାଲି ବନ୍ଦ ରହିବ ସମସ୍ତ ସ୍କୁଲ-କଲେଜ, ଜାଣନ୍ତୁ କାହିଁକି ନିର୍ଦ୍ଦେଶ ଦେଲେ ରାଜ୍ୟ ସରକାର ?
ଅସୀମ ମୁନିର ଏବଂ ଶାହବାଜ ସରିଫ ଲୋକଙ୍କୁ କାହାଣୀ ଶୁଣାଇଲେ- ନିଆଜି କହିଛନ୍ତି ଯେ, ଭାରତ ଏବଂ ପାକିସ୍ତାନ ବିବାଦ ଶେଷ ହେବା ପରେ, ଅସୀମ ମୁନିର ଏବଂ ଶାହବାଜ ସରିଫ ଏହାକୁ ଜନସାଧାରଣଙ୍କ ସମ୍ମୁଖୀରେ ସେମାନଙ୍କର ବିଜୟ ଭାବରେ ଉପସ୍ଥାପନ କରିବା ଆରମ୍ଭ କରିଥିଲେ । ପାକିସ୍ତାନୀ ସାମରିକ ପ୍ରଶାସନ ଇସ୍ରାଏଲକୁ ଚିହ୍ନଟ କରିବା ଦ୍ୱାରା ସୃଷ୍ଟି ହେଉଥିବା କ୍ରୋଧକୁ ଦମନ କରିବା ପାଇଁ ଏହି ବିଜୟର ଆନନ୍ଦକୁ ବ୍ୟବହାର କରିବାକୁ ଚାହୁଁଥିଲେ । ଏହା ପୂର୍ବରୁ ଇରାନ ପ୍ରସଙ୍ଗ ଉଠାଇ ମାମଲାକୁ ସ୍ଥଗତି କରାଯାଇଥିଲା । ଇମ୍ରାନଙ୍କ ଭଉଣୀଙ୍କ ଅପରେସେନ୍ ସିନ୍ଦୂର ସମ୍ପର୍କରେ ଏହି ବୟାନ ନୂଆ ନୁହେଁ । ପୂର୍ବରୁ ଅନେକ ପାକିସ୍ତାନୀ ନେତା ସମାନ ବୟାନ ଦେଇଛନ୍ତି । ଗୁଇନ୍ଦା ଅଧିକାରୀ ଅନୁଯାୟୀ, ଇସଲାମାବାଦର ଏପରି ବୟାନ ଅପରେସନ ସିନ୍ଦୂରର ସଫଳତାକୁ ନିଶ୍ଚିତ କରେ । ପହଲଗାମରେ ଆତଙ୍କବାଦୀ ଆକ୍ରମଣର ପ୍ରତିଶୋଧ ନେବା ପାଇଁ, ଭାରତୀୟ ବାୟୁସେନା ଅପରେସନ ସିନ୍ଦୂର ଆରମ୍ଭ କରିଥିଲା । ଏଥିରେ ପାକିସ୍ତାନ ଏବଂ ପିଓକେରେ ପ୍ରାୟ ୯ଟି ଆତଙ୍କବାଦୀ ଶିବିର ଧ୍ୱଂସ କରାଯାଇଥିଲା । ଏହି ଘାଟିଗୁଡିକୁ ନଷ୍ଟ କରି, ଭାରତୀୟ ମିସାଇଲ ଏକ ସ୍ପଷ୍ଟ ବାର୍ତ୍ତା ଦେଇଥିଲା ଯେ କୌଣସି ପରିସ୍ଥିତିରେ ଆତଙ୍କବାଦକୁ ବରଦାସ୍ତ କରାଯିବ ନାହିଁ ।
ଏହା ବି ପଢନ୍ତୁ...Iran Missile Technology: ଇରାନର 'ବ୍ରହ୍ମାସ୍ତ୍ର' ମିସାଇଲ୍ ! ଆମେରିକା-ଇସ୍ରାଏଲର ଡିଫେନ୍ସ ସିଷ୍ଟମ୍କୁ ବଡ଼ ଚ୍ୟାଲେଞ୍ଜ ?
ଏହା ପରେ ପାକିସ୍ତାନ ପ୍ରତିଆକ୍ରମଣ କରିବାକୁ ଚେଷ୍ଟା କରିଥିଲା । କିନ୍ତୁ ଭାରତୀୟ ବାୟୁ ପ୍ରତିରକ୍ଷା ବ୍ୟବସ୍ଥା ଏହାକୁ ସମ୍ପୂର୍ଣ୍ଣ ଭାବରେ ବିଫଳ କରିଥିଲା । ଜବାବରେ ଭାରତୀୟ ସେନା ଏବଂ ବାୟୁସେନା ମିସାଇଲ ଏବଂ ଡ୍ରୋନ୍ ବ୍ୟବହାର କରି ପ୍ରତିଆକ୍ରମଣ ଆରମ୍ଭ କରିଥିଲା । ପାକିସ୍ତାନର ଅନେକ ସ୍ଥାନରେ ବିସ୍ଫୋରଣ ଘଟିଥିଲା । ଭାରତୀୟ ବାୟୁସେନା ପାକିସ୍ତାନର ନୁର ଖାନ ଏୟାରବେସ୍ ଏବଂ ଅନ୍ୟାନ ଅନେକ ଘାଟିକୁ ଟାର୍ଗେଟ କରିଥିଲା । ଯାହା ପାକିସ୍ତାନକୁ ଶକ୍ତ ଧକ୍କା ଦେଇଥିଲା ।
