ନୂଆଦିଲ୍ଲୀ,୧୦/୧୨: ସଂସଦ ଶୀତ ଅଧିବେଶନରେ ରାଜ୍ୟସଭା ଅଧ୍ୟକ୍ଷ ଜଗଦୀପ ଧନଖଡଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଛି ଇଣ୍ଡିଆ । ପକ୍ଷପାତ ଅଭିଯୋଗ ଆଣି ରାଜ୍ୟସଭା ଅଧ୍ୟକ୍ଷ ଧନଖଡଙ୍କ ବିରୋଧରେ ଅନାସ୍ଥା ଆଣିଛି ଇଣ୍ଡିଆ ବ୍ଲକ । ପ୍ରସ୍ତାବରେ ୭୦ ସଦସ୍ୟଙ୍କ ସମର୍ଥନ ମିଳିଛି । ଧାରା ୬୭ ବି ଆଧାରରେ ଅନାସ୍ଥା ପ୍ରସ୍ତାବ ଆଣିଛନ୍ତି ବିରୋଧୀ । ସେପଟେ ଆଦାନୀ, ସୋରସେ ପ୍ରସଙ୍ଗରେ ବିରୋଧୀଙ୍କ ପ୍ରବଳ ହଟ୍ଟଗୋଳକୁ ନେଇ ଆସନ୍ତାକାଲି ଯାଏ ଉଭୟ ଗୃହକୁ ମୁଲତବୀ ଘୋଷଣା କରାଯାଇଛି ।
ଜାତୀୟ ଗଣମାଧ୍ୟମ ସୁତ୍ରରୁ, ରାଜ୍ୟସଭା ଅଧ୍ୟକ୍ଷ ଧନଖଡଙ୍କ ବିରୋଧରେ ଆସିଥିବା ଅନସ୍ଥା ପ୍ରସ୍ତାବରେ ୭୦ ସଦସ୍ୟଙ୍କ ସମର୍ଥନ ମିଳିଛି । କଂଗ୍ରେସ, ତୃଣମୂଳ କଂଗ୍ରେସ, ଆମ୍ ଆଦମୀ ପାର୍ଟି, ସମାଜବାଦୀ ପାର୍ଟି ଏବଂ ଅନ୍ୟ ବିରୋଧୀ ଦଳ ଏକଜୁଟ ହୋଇ ପ୍ରସ୍ତାବକୁ ସମର୍ଥନ କରିଛନ୍ତି । ବିରୋଧୀ ସାଂସଦଙ୍କ ଅଭିଯୋଗ କ୍ରମେ ରାଜ୍ୟସଭା ଅଧ୍ୟକ୍ଷ ପାତର ଅନ୍ତର କରୁଛନ୍ତି । ଗୃହରେ କହିବାକୁ ବିରୋଧୀ ନେତାଙ୍କୁ ସୁଯୋଗ କିମ୍ବା ଅଧିକ ସମୟ ଦିଆଯାଉନାହିଁ । ବିରୋଧୀ କହିବା ସମୟର ଜାଣିଶୁଣି ବିଶୃଙ୍ଖଳା ସୃଷ୍ଟି କରିଯାଉଛି । ବିଶୃଙ୍ଖଳା ସୃଷ୍ଟି କରୁଥିବା ସାଂସଦଙ୍କୁ ଧନଖଡ କିଛି କହୁ ନାହାନ୍ତି । ଏତେ ପକ୍ଷପାତିତା କେବେ ଦେଖିନାହୁଁ । ପକ୍ଷପାତିତା ଢଙ୍ଗରେ ଗୃହ ଚଲାଉଛନ୍ତି । ଏପରି କରି ଗଣତନ୍ତ୍ରର ହତ୍ୟା ନ କରାଯାଉ । ଗୃହ ଅଧ୍ୟକ୍ଷ ଏପରି କରିବା ଠିକ ନୁହେଁ ବୋଲି କହି ବିରୋଧୀ ରାଜ୍ୟସଭା ଅଧ୍ୟକ୍ଷ ଧନଖଡଙ୍କ ବିରୋଧରେ ଅନାସ୍ଥା ପ୍ରସ୍ତାବ ଆଣିଛନ୍ତି ।
ସେପଟେ ସଂସଦର ଶୀତ ଅଧିବେଶନର ୧୨ ତମ ଦିନରେ ବି ଗୃହ କାର୍ଯ୍ୟ ଚାଲି ପାରିନଥିଲା । ଆଦାନୀ, ସୋରସେ ପ୍ରସଙ୍ଗରେ କଂଗ୍ରେସ ଓ ବିଜେପି ମଧ୍ୟରେ ହୋ ହାଲ୍ଲା ହୋଇଥିଲା । ବିରୋଧୀଙ୍କ ଆଦାନୀ ପ୍ରସଙ୍ଗରେ ପ୍ରବଳ ହଟ୍ଟଗୋଳ କରିଥିଲେ । ବିଜେପି ସୋରସ ସହ ସୋନିଆଙ୍କ ଲିଙ୍କ ଥିବା ଅଭିଯୋଗ କରିଥିଲା । ଏହାକୁ ଉଠିଥିଲା ପଡିଥିଲା ଗୃହ । ଫଳରେ ଆସନ୍ତାକାଲି ଯାଏ ଉଭୟ ଗୃହକୁ ମୁଲତବୀ ଘୋଷଣା କରାଯାଇଛି ।
