ଟାଙ୍ଗୀ, ୪।୫ : କ୍ରିକେଟ ଖେଳରୁ ମହାଭାରତ । ସାଙ୍ଗ ଭୁସି ଦେଲା ସାଙ୍ଗ ବେକରେ ମଦ ବୋତଲ। ଖୋର୍ଦ୍ଧା ଜିଲ୍ଲାର ନାଚୁଣୀ ଥାନା ଅଧିନସ୍ଥ କୟଥପଲା ଗାଁର ଖେଳ ପଡିଆରେ ଘଟିଛି ଏହି ଅଘଟଣ ।
ଅପରାହ୍ନ ସମୟରେ ସାଙ୍ଗ ମାନଙ୍କ ମଧ୍ୟରେ ଚାଲିଥିଲା କ୍ରିକେଟ ଖେଳ । ବ୍ୟାଟିଂ ବେଳେ 'ନୋ' ବଲ ବୋଲିଂ କୁ ନେଇ ଦୁଇ ସାଙ୍ଗଙ୍କ ମଧ୍ୟରେ ହୋଇଥିଲା ଯୁକ୍ତିତର୍କ । ତା'ପରେ ଗୋଟିଏ ସାଙ୍ଗ ଅନ୍ୟ ଏକ ସାଙ୍ଗର ବେକରେ ଭର୍ତ୍ତି କରିଦେଲେ ବିୟର ବୋତଲ । ଏହା ପରେ ଗୁରୁତର ଆହତ ହୋଇଥିବା ଆଦିତ୍ୟ ବିଶୋଇଙ୍କୁ ଚିକିତ୍ସା ପାଇଁ ଟାଙ୍ଗୀ ମେଡିକାଲରେ ଭର୍ତ୍ତି କରାଯାଇଥିଲା। ମାତ୍ର ଅବସ୍ଥା ଉଦବେଗଜନକ ସ୍ଥିତିରେ ଥିବାରୁ ଅଧିକ ଚିକିତ୍ସା ପାଇଁ ଭୁବନେଶ୍ବର ଏମ୍ସ କୁ ସ୍ଥାନାନ୍ତରିତ କରାଯାଇଛି । ଘଟଣା ଘଟିବା ପରେ ଆକ୍ରମଣକାରୀ ଉତ୍ତମ ମଙ୍ଗରାଜ ଫେରାର ଥିବା ପୋଲିସ ସୂଚନା ଦେଇଛି ।
ଆହୁରି ପଢନ୍ତୁ : ଖାଇବା ଦେବାରେ ହେଲା ବିଳମ୍ବ, ମା’ର ତଣ୍ଟି ଚିପି ହତ୍ୟା କଲା ପୁଅ