ଭୁବନେଶ୍ୱର,୦୬/୦୭: ମୁମ୍ବାଇର ଘରୋଇ ହସ୍ପିଟାଲରେ ଚିକିତ୍ସିତ ହେଉଥିବା ବିରୋଧୀ ଦଳ ନେତା ନବୀନ ପଟ୍ଟନାୟକ ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ଏ ନେଇ ଦଳର ବରିଷ୍ଠ ନେତା ସୂଚନା ଦେଇଛନ୍ତି । ଖୁବଶୀଘ୍ର ସେ ଭୁବନେଶ୍ୱର ଫେରିବେ । ଭୁବନେଶ୍ୱର ଫେରିବା ଦିନ ବିଜେଡି ପକ୍ଷରୁ ତାଙ୍କୁ ବିମାନବନ୍ଦରରୁ ପାଛୋଟି ନେବା ପାଇଁ ଭବ୍ୟ ସ୍ୱାଗତ କାର୍ଯ୍ୟକ୍ରମ କରିବାକୁ ଯୋଜନା ଚାଲିଥିବା ଖବର ମିଳିଛି । ନବୀନ ସୁସ୍ଥ ହୋଇ ଫେରୁଥିବାରୁ ହଜାର ହଜାର କର୍ମୀ ତାଙ୍କୁ ସ୍ୱାଗତ ଜଣାଇବାକୁ ବିମାନବନ୍ଦରରେ ପହଞ୍ଚିବେ ।
ସର୍ଭାଇକାଲ ଆର୍ଥ୍ରାରାଇଟିସ୍ ଚିକିତ୍ସା ପାଇଁ ଗତ ୨୦ ତାରିଖରେ ନବୀନ ଭୁବନେଶ୍ୱରରୁ ମୁମ୍ବାଇ ଗସ୍ତ କରିଥିଲେ । ବିଶିଷ୍ଟ ଡାକ୍ତର ରମାକାନ୍ତ ପଣ୍ଡାଙ୍କ ତତ୍ତ୍ୱାବଧାନରେ ମୁମ୍ବାଇସ୍ଥିତ କୋକିଲାବେନ୍ ଧୀରୁବାଇ ଅମ୍ବାନୀ ହସ୍ପିଟାଲରେ ଗତ ୨୨ ତାରିଖରେ ତାଙ୍କର ଅସ୍ତ୍ରୋପଚାର ହୋଇଥିଲା ।
