ନୂଆଦିଲ୍ଲୀ,୨୫/୦୫: ପହଲଗାମ ପ୍ରତିଶୋଧ ନେଇ ଅପରେସନ୍ ସିନ୍ଦୂରରେ ଭାରତର ପ୍ରଚଣ୍ଡ ପ୍ରହାର ପାକିସ୍ତାନର ଅଣ୍ଟା ଭାଙ୍ଗି ଦେଇଛି । ଭାରତର ଆକ୍ରମଣରେ ଆତଙ୍କୀସ୍ଥାନର ନିଦ ଉଡ଼ିଯାଇଛି । ପ୍ରତି ମୁହୂର୍ତ୍ତରେ ଡ଼ରି ଡ଼ରି ବଞ୍ଚୁଛି । ଭାରତର ଭୟ ଘାରିଛି । ତେଣୁ ପ୍ରତିରକ୍ଷା ବଜେଟ୍ ବଢାଇବାକୁ ପ୍ଲାନ କରୁଛି ପାକିସ୍ତାନ । ଏବେ ପାକିସ୍ତାନ ପାଖରେ କେବଳ ୧ ଟ୍ରିଲିୟନ ବିକାଶ ବଜେଟ୍ ରହିଛି ।
ଅପରେସନ୍ ସିନ୍ଦୂର ଜରିଆରେ ପାକିସ୍ତାନ ଆଣ୍ଠେଇଛି । ଭାରତର ଭୟରେ ଥରୁଥିବା ପାକିସ୍ତାନ ଆଗାମୀ ଆର୍ଥିକ ବର୍ଷ ୨୦୨୫-୨୬ରେ ତାର ପ୍ରତିରକ୍ଷା ବଜେଟ୍ ବଢାଇବାକୁ ଯୋଜନା କରୁଛି । ଏ ନେଇ ପାକ୍ ପ୍ରତିରକ୍ଷା ମନ୍ତ୍ରୀ କହିଛନ୍ତି ସାଧାରଣ ଜନତାଙ୍କ ଉପରେ ବୋଝ କମ୍ କରିବାକୁ ପ୍ରଚେଷ୍ଟା ଚାଲିଛି । ହେଲେ ପାକିସ୍ତାନର ରକ୍ଷା ପାଇଁ ପ୍ରତିରକ୍ଷା ବଜେଟ୍ ଖର୍ଚ୍ଚା ବଢାଇବା ଅନିର୍ବାଯ୍ୟ ହୋଇଛି । ଏ ନେଇ ପାକ୍ ଅର୍ଥ ମନ୍ତ୍ରଣାଳୟ ଆଇଏମ୍ଏଫ୍ ସହ ଆଲୋଚନା କରୁଛି ।
ପାକ୍ ମନ୍ତ୍ରୀ ଇକବାଲ୍ କହିଛନ୍ତି, ଏହା ଆମ ରାଷ୍ଚ୍ରୀୟ କର୍ତ୍ତବ୍ୟ କି ଆମେ ଆମର ସଶସ୍ତ୍ର ବଳକୁ ସେ ସବୁ କିଛି ଉପଲବ୍ଧ କରିବୁ ଯାହା ଆବଶ୍ୟକତା । ସଶସ୍ତ୍ର ବଳ ଭବିଷ୍ୟତରେ ଦେଶର ରକ୍ଷା କରିପାରିବେ । ଏହା ପ୍ରମାଣିତ ହୋଇ ସାରିଛି କି ଆମ ପଡ଼ୋଶୀ (ଭାରତ) ଆମ ପାଇଁ ବହୁତ ଭୟଙ୍କର । ଯିଏ ରାତିର ଅନ୍ଧାରରେ ଆମ ଉପରେ ଆକ୍ରମଣ କରିଥିଲା ।'
ଅଧିକ ପଢ଼ନ୍ତୁ...'ତୁମକୁ ସୁରକ୍ଷା ଉପରେ କହିବାର ଅଧିକାର ନାହିଁ ଭାଷଣ ବନ୍ଦ କର'; UNSCରେ ପାକ୍ ଉପରେ ବର୍ଷିଲା ଭାରତ
ବିକାଶ ବଜେଟ୍ ହ୍ରାସ-ପାକ୍ ମନ୍ତ୍ରୀ ଇକବାଲ୍ ଏହା ସ୍ପଷ୍ଟ କରିଛନ୍ତି କି, ଏହି ସମସ୍ତ ଯୋଜନାକୁ ସଫଳ କରିବାକୁ ପାକିସ୍ତାନ ପାଖରେ କେବଳ ୧ ଟ୍ରିଲିୟନ୍ ଟଙ୍କାର ବିକାଶ ବଜେଟ୍ ରହିଛି । ଯୋଜନା କାର୍ଯ୍ୟକାରୀ ନେଇ ୩ ଟ୍ରିଲିୟନ ଟଙ୍କା ଦାବି ହୋଇଥିଲା । ଖୁବଶୀଘ୍ର ଯୋଜନା ପୂରଣ କରିବାକୁ ଚେଷ୍ଟା କରିବୁ । ପାକିସ୍ତାନ ସଂଘୀୟ ବଜେଟ୍ ଜୁନ୍ ୨ରେ ଉପସ୍ଥାପନ ହେବ । ମାତ୍ର ଅର୍ଥମନ୍ତ୍ରୀ ପରାମର୍ଶଦାତା ଖୁରର୍ମ ଶହବାଜ କହିଛନ୍ତି ଜୁନ୍ ୧୦ରେ ବଜେଟ୍ ଉପସ୍ଥାପନ ହେବ । ଗୋଟିଏ ଦିନ ପୂର୍ବରୁ ପାକିସ୍ତାନ ଆର୍ଥିକ ସର୍ବେକ୍ଷଣ ରିପୋର୍ଟ ଉପସ୍ଥାପିତ ହେବ ।
