ନୂଆଦିଲ୍ଲୀ: ଦୁଇ ପାରମ୍ପରିକ ପ୍ରତିଦ୍ବନ୍ଦୀ ଭାରତ-ପାକିସ୍ତାନର ସମ୍ପର୍କ ସମସ୍ତଙ୍କୁ ବେଶ ଭଲଭାବେ ଜଣା । ଉଭୟ ଦେଶ ମଧ୍ୟ ଦୀର୍ଘବର୍ଷ ହେବ ଦ୍ବିପାକ୍ଷିକ ସିରିଜ ଖେଳାଯାଇନାହିଁ । ଉଭୟ ଦେଶ ମଧ୍ୟରେ କେବଳ ଆଇସିସି ଟୁର୍ଣ୍ଣାମେଣ୍ଟ ଏବଂ ଏସୀଆ କପରେ ଭେଟୁଛନ୍ତି । ଦୁଇ ଦେଶର ମ୍ୟାଚ ଦେଖିବା ପାଇଁ ବିଶ୍ବ ସବୁବେଳେ ଚାହିଁ ରହିଥାଏ । ତେବେ ପାକିସ୍ତାନୀ କ୍ରିକେଟର ଭାରତରେ ଖେଳିପାରିବେ । ଏନେଇ ସରକାରଙ୍କ ପକ୍ଷରୁ ବଡ଼ ଘୋଷଣା କରାଯାଇଛି ।

ଭାରତ ସରକାର ଏକ ଗୁରୁତ୍ବପୂର୍ଣ୍ଣ ନିଷ୍ପତ୍ତି ନେଇ ପାକିସ୍ତାନୀ ଖେଳାଳିଙ୍କୁ ଭାରତରେ ଖେଳିବା ନେଇ ଅନୁମତି ଦେଇଛନ୍ତି । ଭାରତ ସରକାରଙ୍କ ଅନୁଯାୟୀ ଅନେକ ଦେଶ ସହ ଜଡ଼ିତ ଟୁର୍ଣ୍ଣାମେଣ୍ଟ ସମୟରେ ଭାରତ ଯାତ୍ରା କରିପାରିବେ । ସରକାର କହିଛନ୍ତି କି, ଭାରତରେ ଆୟୋଜିତ ଅଂଶ ଗ୍ରହଣ କରିପାରିବ ପାକିସ୍ତାନ ଟିମ୍ । ତେବେ ଭାରତୀୟ ଟିମ କିନ୍ତୁ କୌଣସି ଟୁର୍ଣ୍ଣାମେଣ୍ଟ ଖେଳିବା ପାଇଁ ପାକିସ୍ତାନ ଯାତ୍ରା କରିବ ନାହିଁ ।

ଏହାସହ ପାକିସ୍ତାନ ସହ ଭାରତର କୌଣସି ଦ୍ବିପାକ୍ଷିକ ସିରିଜ ମଧ୍ୟ ଏବେ ଖେଳାଯିବାର ଯୋଜନା ନାହିଁ । ଏସୀଆ କପ ଏବଂ ବିଶ୍ବକପ ଭଳି ଟୁର୍ଣ୍ଣାମେଣ୍ଟ ଭାରତରେ ଖେଳାଗଲେ ଏଥିରେ ପାକିସ୍ତାନୀ ଖେଳାଳି ଭାରତରେ ଖେଳିପାରିବେ । ଏନେଇ ଅନୁମତି ପ୍ରଦାନ କରାଯାଇଥିବା କୁହାଯାଇଛି । ସେପଟେ ପାକିସ୍ତାନ ପକ୍ଷରୁ କୌଣସି ପ୍ରତିକ୍ରିୟା ଏନେଇ ମିଳିନାହିଁ ।

କହି ରଖୁଛୁ କି, ଭାରତ ଏବଂ ପାକିସ୍ତାନ ସମ୍ପ୍ରତି ଦୁଇଟି ICC ଟୁର୍ଣ୍ଣାମେଣ୍ଟ ପାଇଁ ପରସ୍ପର ଦେଶ ଯାତ୍ରା କରି ନାହାଁନ୍ତି । ପାକିସ୍ତାନ ଚାମ୍ପିଅନ୍ସ ଟ୍ରଫି ଆୟୋଜନ କରିଥିଲା, କିନ୍ତୁ ଭାରତୀୟ ଦଳ UAEରେ ଏହାର ମ୍ୟାଚ୍ ଖେଳିଥିଲା । ଭାରତ ଆୟୋଜନ କରିଥିବା 2026 T20 ବିଶ୍ୱକପ୍ ପାଇଁ ପାକିସ୍ତାନ ଭାରତ ଯାତ୍ରା କରିନଥିଲା । ପାକିସ୍ତାନ ତାର ସମସ୍ତ ମ୍ୟାଚ୍ ଶ୍ରୀଲଙ୍କାରେ ଖେଳିଥିଲା । ଭାରତୀୟ ଦଳକୁ ପାକିସ୍ତାନ ବିପକ୍ଷରେ ଖେଳିବା ପାଇଁ ଶ୍ରୀଲଙ୍କା ଯାତ୍ରା କରିବାକୁ ପଡିଥିଲା । ତେଣୁ, ପାକିସ୍ତାନୀ ଦଳ ଭାରତ ଯାତ୍ରା କରିବ କି ନାହିଁ ତାହା ଏକ ପ୍ରମୁଖ ପ୍ରଶ୍ନ । ବର୍ତ୍ତମାନର ପରିସ୍ଥିତିକୁ ଦୃଷ୍ଟିରେ ରଖି, ଏହା ଅସମ୍ଭବ ।

ଏହାସହ ପଢ଼ନ୍ତୁ : ଶକ୍ତିଶାଳୀ NDAକୁ ନ ବାଛି, କାହିଁକି କଂଗ୍ରେସ ସହ ମେଣ୍ଟ କଲେ ବିଜୟ ?