ନୂଆଦିଲ୍ଲୀ,୦୩/୦୬: ରାଲିରେ ପହଲଗାମ ଆକ୍ରମଣକାରୀଙ୍କୁ ସମର୍ଥନ କଲେ ପଞ୍ଜାବ ପ୍ରଦେଶ ବିଧାନସଭା ବାଚସ୍ପତି  ।  ପାକିସ୍ତାନର ପଞ୍ଜାବ ପ୍ରଦେଶ ବିଧାନସଭାର ବାଚସ୍ପତି ମାଲିକ ଅହମ୍ମଦ ଖାନ ଲସ୍କର-ଏ-ତୈବା ଉପମୁଖ୍ୟ ସୈଫୁଲ୍ଲା କସୁରୀଙ୍କ ସହ ଏକ ରାଲିରେ ଯୋଗ ଦେଇ ତାଙ୍କ ସପକ୍ଷରେ ବାହାରିଛନ୍ତି ।

ସାମ୍ବାଦିକଙ୍କ ପ୍ରଶ୍ନରେ, ବିଧାନସଭାର ବାଚସ୍ପତି ନିର୍ବୋଧ ଭାବରେ କହିଛନ୍ତି ଯେ, ପହଲଗାମ ଆତଙ୍କବାଦୀ ଆକ୍ରମଣର ଅନ୍ୟତମ ମାଷ୍ଟରମାଇଣ୍ଡ କସୁରୀଙ୍କୁ ତଦନ୍ତ ବିନା ଅଭିଯୁକ୍ତ ଭାବରେ ଦେଖାଯିବା ଉଚିତ୍ ନୁହେଁ। ସେ କସୁର ସହର ସହିତ ବ୍ୟକ୍ତିଗତ ସମ୍ପର୍କର କଥା ମଧ୍ୟ ଉଲ୍ଲେଖ କରିଛନ୍ତି। ଯେଉଁଠାରେ ମେ ୨୮ରେ ରାଲି ଆୟୋଜିତ ହୋଇଥିଲା। କସୁରୀ ସହିତ ତଲହାର ଉପସ୍ଥିତି ସେତେବେଳେ ସ୍ପଷ୍ଟ ହୋଇଥିଲା ଯେଉଁ ସମୟରେ ବୈଦେଶିକ ନୀତି ମହଲରେ କସୁରୀ ଓ ତାଙ୍କ ତାଙ୍କର ଜିହାଦୀ ସାଥୀମାନଙ୍କ ବିଷୟରେ ଆଲୋଚନା ହେଉଥିଲା । 

ତେବେ ରାଲିର ଭିଡିଓ ଫୁଟେଜରେ ତାଙ୍କ ଉପରେ ଫୁଲ ପାଖୁଡ଼ା ବର୍ଷା ହେଉଥିବା ଦେଖିବାକୁ ମିଳିଛି। ସମାବେଶକୁ ସମ୍ବୋଧିତ କରିବା ସମୟରେ, ଲସ୍କର ଆତଙ୍କବାଦୀମାନେ ପୂର୍ବତନ ବାଂଲାଦେଶୀ ପ୍ରଧାନମନ୍ତ୍ରୀ ଶେଖ ହସିନାଙ୍କ ବିରୋଧରେ ପ୍ରତିବାଦରେ ସେମାନଙ୍କର ସମ୍ପୃକ୍ତି ବିଷୟରେ କହିଥିଲେ। ଆମେରିକା ଦ୍ୱାରା ଆତଙ୍କବାଦୀ ଭାବରେ ନିର୍ଣ୍ଣୟ କରାଯାଇଥିବା କସୁରୀ ଏବଂ ମୁଜାମ୍ମିଲ ହାଶମି ଗତ ସପ୍ତାହରେ ଆୟୋଜିତ ରାଲିରେ ବିଦ୍ରୋହରେ ସେମାନଙ୍କର ଭୂମିକା ପାଇଁ ଶ୍ରେୟ ନେଇଥିଲେ। ସେମାନେ କହିଛନ୍ତି ଯେ, 'ମୋଦି ତୁମେ ତୁମର ଗୁଳିରେ ଆମକୁ ଡ଼ରାଉଛ, ହେଲେ ଆମର ପିଲାମାନେ ତୁମର କ୍ଷେପଣାସ୍ତ୍ରକୁ ଭୟ କରିନଥିଲେ,ଆଉ ଆମେ ତୁମ ଗୁଳିକୁ କଣ ଡ଼ରିବୁ।' ବୋଲି କହିଥିଲେ।