ଭୁବନେଶ୍ୱର, ୦୭/୧୧ : ଭୁବନେଶ୍ଵର ଏୟାରପୋର୍ଟରେ ବିମାନ ବାତିଲ ପରେ ତାତିଲେ ଯାତ୍ରୀ। ବିମାନବନ୍ଦରରେ ଅପ୍ରୀତିକର ପରିସ୍ଥିତି। ବାରମ୍ବାର ବିମାନ ବାତିଲ ପରେ ୬୦ରୁ ଉର୍ଦ୍ଧ୍ଵ ଯାତ୍ରୀ ଧାରଣାରେ ବସିଛନ୍ତି।
ସୂଚନାନୁଯାୟୀ, ଭୁବନେଶ୍ଵରରୁ ହାଇଦ୍ରାବାଦ ଯିବାକୁ ଥିବା IX 2932 ବିମାନ ବୁଧବାର ସକାଳ ୯ଟା ୫୫ରେ ଥିଲା। କୌଣସି କାରଣ ପାଇଁ ବିମାନ ବାତିଲ ହୋଇ ଗୁରୁବାର ସକାଳ ୮ଟା ୪୫କୁ ଧାର୍ଯ୍ୟ କରାଯାଇଥିଲା। ହେଲେ ଆଜି ବି ସେହି ବିମାନ ବାତିଲ କରାଯାଇଛି। ଯାହାଫଳରେ ୬୦ରୁ ଉର୍ଦ୍ଧ୍ଵ ଯାତ୍ରୀ ଧାରଣାରେ ବସିଛନ୍ତି। ଭୁବନେଶ୍ୱର ବିମାନବନ୍ଦର ଭିତରେ ଉତ୍ତେଜନାମୂଳକ ପରିସ୍ଥିତି ଦେଖା ଦେଇଛି। ଏ ସମ୍ପର୍କରେ ବିମାନ କର୍ତ୍ତୃପକ୍ଷଙ୍କ ପକ୍ଷରୁ କୌଣସି ପ୍ରତିକ୍ରିୟା ମିଳିପାରି ନାହିଁ।
