ନୂଆଦିଲ୍ଳୀ,୨୫।୪: ୨୦୨୫ ବିହାର ବିଧାନସଭା ନିର୍ବାଚନରେ, ସ୍ପେଶାଲ ଇନଟେନିଭ୍ ରିଭିଜନ୍ ବା ଏସଆଇଆର ପରେ ଭୋଟର ତାଲିକା ସଫା କରାଯାଇଥିଲା। ତତ୍କାଳୀନ ବିହାର ସରକାର ଏବଂ ଭାରତୀୟ ନିର୍ବାଚନ କମିଶନ ଏହି ଗୁରୁତ୍ୱପୂର୍ଣ୍ଣ ନିଷ୍ପତ୍ତିରେ ଅଟଳ ରହିଥିଲେ। ଯେତେବେଳେ ଏସଆଇଆର ରିପୋର୍ଟ ବାହାରିଲା, ଲକ୍ଷ ଲକ୍ଷ ନାମ ବାଦ ଦିଆଯାଇଥିଲା, ତଥାପି ୬୭ ପ୍ରତିଶତ ଭୋଟିଂ ହୋଇଥିଲା। ସବୁଠାରୁ ଗୁରୁତ୍ୱପୂର୍ଣ୍ଣ କଥା ହେଉଛି, ଏହା ବିହାରର ସର୍ବକାଳୀନ ସର୍ବାଧିକ ମତଦାନ ଥିଲା। ଫଳାଫଳ କ’ଣ? ନୀତିଶ କୁମାରଙ୍କ ଏନଡିଏ ଏକ ବଡ଼ ବିଜୟ ହାସଲ କରିଥିଲା, ତାଙ୍କର ଦୁଇ ଦଶନ୍ଧି ଶାସନ ବଜାୟ ରଖିଥିଲା। ଲୋକମାନେ କୁହନ୍ତି ଯେ ସ୍ୱଚ୍ଛ ତାଲିକା ଯୋଗୁଁ ପ୍ରକୃତ ମତଦାତା ପ୍ରକୃତ ଭୋଟର ଆସିଥିଲେ ଓ ନୀତୀଶ କୁମାରଙ୍କ ଲାଭ ହୋଇଥିଲା। ଏଭଳି ଭାବରେ ପଶ୍ଚିମବଙ୍ଗରେ ମଧ୍ୟ ଏସଆଇଆର ହୋଇଛି, କିନ୍ତୁ ରାଜନୈତିକ ଦୃଶ୍ୟ ଅଳ୍ପ ଅଲଗା।
ମମତା ବାନାର୍ଜୀ ଏସ୍ଆଇଆର ବିରୋଧରେ ରହିଥିଲେ ଓ ଏହାକୁ ‘ଭୋଟ୍ ଚୋରି’ ଓ ‘ବଙ୍ଗଳାର ମା’ଙ୍କ ଅପମାନ’ ବୋଲି କହିଥିଲେ। ତେବେ ନିର୍ବାଚନ କମିଶନ ତାଙ୍କ ନିଷ୍ପତ୍ତିରେ ଦୃଢ଼ ରହିଥିଲେ ଏବଂ ସୁପ୍ରିମକୋର୍ଟଙ୍କ ସମର୍ଥନରେ ଏସଆଇଆର ପ୍ରକ୍ରିୟା ସମାପ୍ତ ହୋଇଥିଲା। ବର୍ତ୍ତମାନ, ପ୍ରଥମ ପର୍ଯ୍ୟାୟ ମତଦାନ ଚାଲିଥିବାରୁ, ଭୋଟରଙ୍କ ମତଦାନ ହାର ୧୦ ପ୍ରତିଶତ ବୃଦ୍ଧି ପାଇଛି। ବର୍ତ୍ତମାନ ପ୍ରଶ୍ନ ହେଉଛି: ଏହି ବୃଦ୍ଧି ଶାସକ ତୃଣମୂଳ କଂଗ୍ରେସ ସପକ୍ଷରେ ନା ବିପକ୍ଷରେ?
ଉଲ୍ଲେଖନୀୟ ଯେ, ୨୦୨୬ ପଶ୍ଚିମବଙ୍ଗ ବିଧାନସଭା ନିର୍ବାଚନର ପ୍ରଥମ ପର୍ଯ୍ୟାୟରେ, ଏପ୍ରିଲ ୨୩ ରେ ୧୫୨ଟି ଆସନରେ ରେକର୍ଡ ୯୨.୮୮ ପ୍ରତିଶତ ମତଦାନ ହୋଇଥିଲା। ଭାରତ ସ୍ୱାଧୀନତା ପରେ ଏହା ପଶ୍ଚିମବଙ୍ଗରେ ସର୍ବାଧିକ ଭୋଟରଙ୍କ ହାର। ୨୦୨୧ରେ, ଏହି ଆସନଗୁଡ଼ିକରେ ପ୍ରାୟ ୮୩ ପ୍ରତିଶତ ଭୋଟ ପଡ଼ିଥିଲା। ସେହିପରି, ଏଥର ପୁରୁଷଙ୍କ ତୁଳନାରେ ମହିଳାମାନେ ଅଧିକ ଥିଲେ। ଆଗକୁ ଏପ୍ରିଲ ୨୯ ତାରିଖରେ ୧୪୨ଟି ଆସନ ପାଇଁ ଦ୍ୱିତୀୟ ପର୍ଯ୍ୟାୟ ମତଦାନ । ତେବେ ଏହା ସହିତ ଚର୍ଚ୍ଚା ହେଉଛି କ’ଣ ବେଙ୍ଗଳରେ ବିହାରର ଓଲଟା ହେବାକୁ ଯାଉଛି କି ? ଏହାର ଅର୍ଥ ସିଧା ଯେ, ବିହାର ମତଦାନ ପ୍ରତିଶତ ବଢିବାକୁ ନୀତୀଶ କୁମାର କ୍ଷମତାକୁ ପୁଣିଥରେ ଫେରିଥିଲେ, କିନ୍ତୁ ପଶ୍ଚିମବଙ୍ଗରେ ଭୋଟିଂ ପ୍ରତିଶତ ବଢିବାର ଅର୍ଥ ସରକାର ପରିବର୍ତ୍ତନର ସଙ୍କେତ ହୋଇପାରେ।
ଏସଆଇଆର ପରେ ଅନୁଷ୍ଠିତ ବିହାର ବିଧାନସଭା ନିର୍ବାଚନରେ, ଏନ୍ଡିଏ ମେଣ୍ଟ ଜୋରଦାର ସଫଳତା ପାଇଥିଲା। ୨୪୩ ଆସନରୁ ପ୍ରାୟ ୨୦୨ ଆସନ ଜିତିଥିଲା ଏନ୍ଡିଏ ମେଣ୍ଟ। ୨୪୩ ସଦସ୍ୟ ବିଶିଷ୍ଟ ବିହାର ବିଧାନସଭାରେ ଏହା ୧୨୨ ମ୍ୟାଜିକ୍ ନମ୍ବରଠାରୁ ଖୁବ୍ ଅଧିକ ଥିଲା। ସେଭଳି ବିରୋଧି ମହାମେଣ୍ଟ ୩୫ ଆସନରେ ସୀମିତ ରହିଯାଥିଲା। ଅନ୍ୟ ଦଳ ଏବଂ ସ୍ୱାଧୀନ ପ୍ରାର୍ଥୀମାନେ ସୀମିତ ଆସନ ପାଇଥିଲେ। ଭୋଟ ଅଂଶ ଦୃଷ୍ଟିରୁ, ଏନ୍ଡିଏ ମଧ୍ୟ ପ୍ରାୟ ୫୦% ସମର୍ଥନ ପାଇଥିଲା, ଯାହା ଏହାକୁ ଏକ ଦୃଢ଼ ଅଗ୍ରଣୀ ଦେଇଥିଲା। ଏହି ଫଳାଫଳକୁ ମତଦାନ ସୂଚୀର ଏସଆଇଆର ପରେ ବଦଳୁଥିବା ସମୀକରୀଣ ଓ ସଂଗଠିତ ଭୋଟ ଟ୍ରାନ୍ସଫର ସହ ଯୋଡାଯାଉଛି।
