ନୂଆଦିଲ୍ଲୀ,୨୮/୦୪; ଚଳିତ ଆଇପିଏଲ ଟେବୁଲ ଟପ୍ପର ପଞ୍ଜାବ କିଙ୍ଗସ ପାଇଁ ଦୁଃଖଦ ଖବର ଆସିଛି । ଦଳ ପାଇଁ ଖେଳୁଥିବା ଆଫଗାନିସ୍ତାନ ଅଲରାଉଣ୍ଡର ଆଜମାତୁଲ୍ଲା ଓମାରଜାଇ ତାଙ୍କ ମା'ଙ୍କୁ ହରାଇଛନ୍ତି । ସୋମବାର ତାଙ୍କର ଦେହାନ୍ତ ହୋଇଛି । ଓମାରଜାଇଙ୍କ ମା' ଦୀର୍ଘ ଦିନ ଧରି ଅସୁସ୍ଥ ଥିଲେ । ତାଙ୍କ ସାଥୀ ଖେଳାଳିମାନେ ତାଙ୍କ ମାଆଙ୍କ ମୃତ୍ୟୁ ଖବର ଘୋଷଣା କରିଥିଲେ । ଆଫଗାନିସ୍ତାନର ପୂର୍ବତନ ଅଧିନାୟକ ମହମ୍ମଦ ନବି ଏବଂ ଅଲରାଉଣ୍ଡର କରିମ ଜନତ ସୋସିଆଲ ମିଡିଆରେ ଏହି ଦୁଃଖଦ ଖବର ସେୟାର କରିଥିଲେ । ପଞ୍ଜାବ କିଙ୍ଗସ୍ ମଧ୍ୟ ଓମାରଜାଇଙ୍କ ପ୍ରତି ସମବେଦନା ପ୍ରକାଶ କରି ଟ୍ୱିଟ୍ କରିଛନ୍ତି ଯେ ସେମାନେ ଏହି କଷ୍ଟକର ସମୟରେ ଖେଳାଳିଙ୍କ ସହିତ ଅଛନ୍ତି ।
ମହମ୍ମଦ ନବି ସୋମବାର ଇନଷ୍ଟାଗ୍ରାମରେ ପୋଷ୍ଟ କରିଛନ୍ତି ଯେ, ଆଜମତୁଲ୍ଲା ଓମାରଜାଇ ତାଙ୍କ ମା' ଙ୍କୁ ହରାଇଛନ୍ତି । ସେ ଲେଖିଛନ୍ତି, "ଆମର ବନ୍ଧୁ, ଆଫଗାନିସ୍ତାନ ଖେଳାଳି ଆଜମତୁଲ୍ଲା ଓମାରଜାଇଙ୍କ ମା' ଙ୍କ ଦେହାନ୍ତ ଖବର ପାଇଁ ମୁଁ ଗଭୀର ସମବେଦନା ଜଣାଉଛି । ଆଲ୍ଲା ତାଙ୍କ ପରିବାରକୁ ଧୈର୍ଯ୍ୟ ଦିଅନ୍ତୁ। " ପଞ୍ଜାବ କିଙ୍ଗସ୍ ସୋସିଆଲ ମିଡିଆ ଏକ୍ସରେ ଲେଖିଛି, "ଆମର ସମବେଦନା ଓମାରଜାଇଙ୍କ ସହିତ ଅଛି । ଏହି କଷ୍ଟକର ସମୟରେ ସମଗ୍ର ପଞ୍ଜାବ କିଙ୍ଗସ୍ ପରିବାର ତାଙ୍କ ସହ ଏବଂ ତାଙ୍କ ପରିବାର ସହିତ ଠିଆ ହୋଇଛି । "
ଏହା ବି ପଢନ୍ତୁ...Virat Kohli: କିଙ୍ଗ୍ କୋହଲିଙ୍କ ମହାକୀର୍ତ୍ତିମାନ, ଆଇପିଏଲ ଇତିହାସରେ ଏହି ରେକର୍ଡ କରି ହେଲେ ପ୍ରଥମ ବ୍ୟାଟର
ଓମାରଜାଇଙ୍କୁ ସୁଯୋଗ ମିଳିନି- ଏହି ସିଜନରେ ପଞ୍ଜାବ କିଙ୍ଗ୍ସ ଆଜମତୁଲ୍ଲା ଓମାରଜାଇଙ୍କୁ ୨.୪ କୋଟିରେ ରିଟେନ୍ କରିଥିଲା । ଏହି ଡାହାଣହାତୀ ଦ୍ରୁତ ବୋଲର ଏବଂ ସଫଳ ବ୍ୟାଟର ଏହି ସିଜନରେ ଏପର୍ଯ୍ୟନ୍ତ ଗୋଟିଏ ବି ମ୍ୟାଚ୍ ଖେଳିନାହାଁନ୍ତି । ଓମାରଜାଇ ୧୬ଟି ଆଇପିଏଲ ମ୍ୟାଚରେ ୯୯ ରନ କରିଛନ୍ତି ଏବଂ ୧୨ଟି ୱିକେଟ୍ ନେଇଛନ୍ତି । ଆନ୍ତର୍ଜାତୀୟରେ, ସେ ୫୪ ୱିକେଟ୍ ନେଇଛନ୍ତି ଏବଂ ୮୦୮ ରନ କରିଛନ୍ତି । ସେ ତାଙ୍କର ବିସ୍ଫୋରକ ହିଟିଂ ପାଇଁ ଜଣାଶୁଣା।
Our heartfelt condolences go out to Azmatullah Omarzai on the loss of his mother. The entire Punjab Kings family stands with him and his loved ones during this difficult time.
— Punjab Kings (@PunjabKingsIPL) April 27, 2026
କହି ରଖୁଛି କି, ଚଳିତ ସିଜିନରେ ପଞ୍ଜାବ ଏଯାବତ୍ ଅପରାଜିତ ରହିଛି । ସରପଞ୍ଚ ସାହେବ ଶ୍ରେୟାସ ଆୟଙ୍କର ଅଧିନାୟତ୍ୱରେ ଦଳ ୭ଟି ମ୍ୟାଚ ଖେଳି ୬ଟି ମ୍ୟାଚ ଜିତି ଟେବୁଲ ଟପ୍ପରେ ରହିଛି । ଆଜି ପଞ୍ଜାବ ରାଜସ୍ଥାନ ବିପକ୍ଷରେ ଖେଳିବ । ବିଜୟଧାରା ଜାରି ରଖିବାକୁ ପ୍ରୟାସ କରିବ । ରିୟାନ ପରାଗଙ୍କ ନେତୃତ୍ୱାଧୀନ ରାଜସ୍ଥାନ ରୟାଲ୍ସ ୫ଟି ମ୍ୟାଚ ଜିତି ଟେବୁଲର ଚତୁର୍ଥ ସ୍ଥାନରେ ରହିଛି । ଆଜି ପଞ୍ଜାବ ବିଜୟ ଧାରାରେ ବ୍ରେକ୍ ଦେବାକୁ ପ୍ରାୟସ କରିବ ରାଜସ୍ଥାନ ।
