ନୂଆଦିଲ୍ଲୀ,୨୪।୪: ଆଜିକାଲି କିଶୋରଙ୍କ ମାନସିକ ସ୍ବାସ୍ଥ୍ୟ ଉପରେ ସୋସିଆଲ ମିଡିଆ ଗଭୀର ପ୍ରଭାବ ପକାଉଛି। ଏନେଇ Pew Research Center ଦ୍ବାରା ନିକଟରେ କରାଯାଇଥିବା ସର୍ଭେରେ ଏହା ସାମନାକୁ ଆସିଛି। ଆମେରିକାର କିଶୋର ଏବେ ସୋସିଆଲ ମିଡିଆର ପ୍ରଭାବକୁ ନେଇ ପୂର୍ବ ଅପେକ୍ଷା ଅଧିକ ସତର୍କ ହୋଇଯାଇଛନ୍ତି।
ସର୍ଭେରେ ସାମିଲ ପ୍ରାୟ ୪୮% କିଶୋରଙ୍କ ମତରେ ସୋସିଆଲ ମିଡିଆ ତାଙ୍କଠାରୁ ବୟସ୍କ ସାଙ୍ଗଙ୍କ ପାଇଁ କ୍ଷତିକାରକ। ସେଭଳି ୨୦୨୨ ରେ ଏହି ସଂଖ୍ୟା ୩୨% ଥିଲା। ସବୁଠାର ବଡ଼ କଥା ହେଲା ଯେ, ନିଜ ପାଇଁ ଏହି କ୍ଷତିକୁ କେବଳ ୧୪% କିଶୋର ହିଁ ସ୍ବୀକାର କରିଛନ୍ତି। ପ୍ରାୟ ୪୪% କିଶୋରଙ୍କ କହିବା ଅନୁସାରେ, ସୋସିଆଲ ମିଡିଆ ଓ ସ୍ମାର୍ଟଫୋନ୍ର ବ୍ୟବହାର କମ୍ କରିଦେଇଛନ୍ତି। ଯାହାକି ଏହି ଆଡକୁ ଇଶାରା କରୁଛି ଯେ, ଏହି ଡିଜିଟାଲ ଦୁନିଆର ପ୍ରଭାବକୁ ନେଇ ସଚେତନତା ବଢୁଛି।
ଏହି ସର୍ଭେ ୧୩ ରୁ ୧୭ ବର୍ଷ ବୟସର ୧,୩୯୧ କିଶୋର ଓ ତାଙ୍କ ବାପା-ମାଙ୍କ ଭିତରେ ୧୮ ଡିସେମ୍ବରରୁ ୧୦ ଅକ୍ଟୋବର ୨୦୨୪ ଭିତରେ କରାଯାଇଥିଲା। ଏଥିରେ ସୋସିଆଲ ମିଡିଆ ଓ ସ୍ମାର୍ଟଫୋନ୍ର ବ୍ୟବହାର ସମ୍ପର୍କିତ ତାଙ୍କର ରାୟ ଓ ଅନୁଭବକୁ ବୁଝିବାକୁ ଚେଷ୍ଟା କରାଯାଇଥିଲା। ସେଠାରେ ୫୦%ରୁ ଅଧିକ ବାପା-ମା କିଶୋରଙ୍କ ମାନସିକ ସ୍ବାସ୍ଥ୍ୟକୁ ନେଇ ‘ଅଧିକ’ କିମ୍ବା ‘ତାଠାରୁ ଅଧିକ’ ଚିନ୍ତିତ ଅଛନ୍ତି। ସେଭଳି କେବଳ ୩୫% କିଶୋର ନିଜକୁ ନେଇ ଏଭଳି ଚିନ୍ତା ପ୍ରକାଶ କରିଛନ୍ତି। ଝିଅମାନଙ୍କୁ ମାନସିକ ସ୍ବାସ୍ଥ୍ୟକୁ ନେଇ ଚିନ୍ତାର ସ୍ତର ପୁଅଙ୍କ ତୁଳନାରେ ଅଧିକ ରହିଛି। ୪୨% ଝିଅ ଏହାକୁ ଗମ୍ଭୀର ପ୍ରସଙ୍ଗ ବୋଲି ମାନିଛନ୍ତି। ସେଭଳି ଝିଅମାନଙ୍କ ମଧ୍ୟରେ ଏହି ସଂଖ୍ୟା ୨୮% ରହିଛି। ବାପା-ମା’ଙ୍କ ଭିତରେ ମା’ (୬୧%) ବାପା(୪୭%) ରୁ ଅଧିକ ଚିନ୍ତିତ ଦେଖିବାକୁ ମିଳିଛନ୍ତି।
