କନ୍ଧମାଳ,୦୭/୧୧: କନ୍ଧମାଳ ଜିଲ୍ଲାରେ ବିଭିନ୍ନ ମହାବିଦ୍ୟାଳୟରେ ପଢୁଥିବା ଛାତ୍ରଛାତ୍ରୀଙ୍କ ନିକଟକୁ ଆସୁଛି ଫୋନ କଲ୍ । ପରୀକ୍ଷାରେ ଅଧିକ ନମ୍ବର ଦେବା ସହ ପାସ କରିଦେବା ପାଇଁ ଫୋନ କରି ବିଭିନ୍ନ ପେମେଣ୍ଟ ଆପ୍ ଯଥା ଗୁଗୁଲ୍ ପେ, ଫୋନ୍ ପେ କିମ୍ବା ଜନ ସେବା କେନ୍ଦ୍ର ମଧ୍ୟରେ ପାଞ୍ଚ ହଜାର ଟଙ୍କା ମାଗିଥିବା ନଜରକୁ ଆସିଛି ।
ସୂଚନା ମୁତାବକ, ଫୁଲବାଣୀ ସରକାରୀ ଉଚ୍ଚ ମାଧ୍ୟମିକ ବିଦ୍ୟାଳୟର ଅଧ୍ୟକ୍ଷ ଜ୍ୟୋତି ପ୍ରକାଶ ରଥଙ୍କ ନାମରେ ସାଇବର ଠକ ଛାତ୍ରଛାତ୍ରୀ ମାନଙ୍କୁ ଫୋନ କରି ଟଙ୍କା ମାଗୁଛନ୍ତି । ଯୁକ୍ତ ଦୁଇ ବିଜ୍ଞାନ ଦ୍ୱିତୀୟ ବର୍ଷର ପରୀକ୍ଷା ଆସନ୍ତା ଫେବୃୟାରୀ ମାସରେ ହେବାକୁ ଥିବା ବେଳେ, ପ୍ରାକ୍ଟିକାଲ୍ ଓ ଥିଓରୀରେ ମାର୍କ ବଢେଇବା ସହ ଅଧିକ ନମ୍ବର ଦିଆଯିବ । ସେଥିପାଇଁ ସନ୍ଧ୍ୟା ଭିତରେ ଫୋନ ପେ କିମ୍ବା ଜନ ସେବା କେନ୍ଦ୍ର ରେ ଶୀଘ୍ର ପାଞ୍ଚ ହଜାର ଟଙ୍କା ଦିଅ । ସେହିଭଳି ଜିଲ୍ଲାର ବିଭିନ୍ନ କଲେଜ୍ର ଛାତ୍ର ଛାତ୍ରୀ ମାନଙ୍କୁ ମଧ୍ୟ ଫୋନ କଲ୍ ଯାଇଛି । ଏହି ଫୋନ୍ କଲ୍ ପରେ, ଅବିଭାବକ ମାନେ ସତ୍ୟତା ଜାଣିବା ପାଇଁ କଲେଜ୍ ଅଧ୍ୟକ୍ଷଙ୍କ ସହ ଯୋଗାଯୋଗ କରିଥିଲେ । କିନ୍ତୁ ଏହା ସାଇବର ଠକେଇ ଜାଣିବା ପରେ, ମହାବିଦ୍ୟାଳୟ ଅଧକ୍ଷ ଜ୍ୟୋତି ପ୍ରକାଶ ରଥ ଏବଂ ଛାତ୍ରଛାତ୍ରୀ ତଥା ସେମାନଙ୍କ ଅବିଭାବକ ଫୁଲବାଣୀ ସାଇବର ଥାନାରେ ଲିଖିତ ଅଭିଯୋଗ କରିଛନ୍ତି । ତେବେ ଏହି କଲ୍ ଗୋଟିଏ ନମ୍ବରରୁ ଆସୁଥିବା ବେଳେ, ଜଣେ ହିଁ ବ୍ୟକ୍ତି ଫୋନ କରୁଥିବା ଜଣାପଡ଼ିଛି ।
