ଗୁଣପୁର,୦୪/୧୦: ବିଳମ୍ବିତ ରାତ୍ରିରେ ଶାଳ କାଠ ଚୋରା ଚାଲାଣ ବେଳେ ମାଡି ବସିଲା ବନବିଭାଗ । ଏକ ପିକ୍ଅପ୍ ଭ୍ୟାନ୍ ସହ ୨୫ ଟି ଶାଳ କାଠ ଜବତ । ଏହି ଘଟଣାରେ ସମ୍ପୃକ୍ତ ଥିବା ୨ ଜଣଙ୍କୁ ଗିରଫ କରିଛି ବନବିଭାଗ । ଗିରଫ ଦୁଇ ଜଣ ଶାକରବାଜୁ ଗାଁର ଜୟନ୍ତ ପାଲକା, ସାଇବ ଗାଣ୍ଟା ବୋଲି ଜଣାପଡ଼ିଛି । ରାୟଗଡ଼ା ଜିଲ୍ଲା ଗୁଡାରି ରେଞ୍ଜ୍ କାରାସିଂ ଛକରେ ଏଭଳି ଘଟଣା ଘଟିଛି ।
ସୂଚନା ମୁତାବକ, ରାୟଗଡ଼ା ଜିଲ୍ଲାରେ ଶାଳ କାଠ ଚୋରା ଚାଲାଣ ହେଉଥିବା ନେଇ ପୂର୍ବରୁ ଖବର ପାଇଥିଲା ବନବିଭାଗ । ଖବର ପାଇ ଗୁଡାରି ରେଞ୍ଜ୍ କାରାସିଂ ଛକରେ ପେଟ୍ରୋଲିଂ କରିଥିଲା । ଏହି ସମୟରେ ଏକ ପିକ୍ଅପ୍ ଭ୍ୟାନ୍ରେ ୨୫ ଟି ଶାଳ କାଠ ଚାଲାଣ ହେଉଥିବାର ଦେଖି ଗାଡିକୁ ଅଟକାଇ ପଚରାଉଚୁରା କରିଥିଲା । ପରେ ଏହି ବେଆଇନ କାଠ ଚାଲାଣରେ ବ୍ୟବହାର କରାଯାଇଥିବା ଗାଡ଼ିକୁ ଜବତ କରିବା ସହ ଦୁଇ ଜଣକୁ ଗିରଫ କରିଛି ବନବିଭାଗ । ଦୁଇ ଜଣକୁ ଗିରଫ କରି ଗୁଣପୁର କୋର୍ଟ ଚାଲାଣ କରାଯାଇଥିବା ଜଣାପଡିଛି ।
