ଚାନ୍ଦବାଲି, ୧୮/୦୮ : ଭାରସାମ୍ୟ ହରାଇ ନୟନଯୋରିକୁ ଓଲଟିଲା କୋଇଲା ଭର୍ତ୍ତି ପିକଅପ୍ ଭ୍ୟାନ୍। ରବିବାର ରାତିରେ କୋଇଲା ନେଇ ଯାଉଥିବା ଗୋଟିଏ ପିକଅପ୍ ଭ୍ୟାନ୍ ଭଦ୍ରକ-ଚାନ୍ଦବାଲି ରାଜପଥର କୁଆଁରସର ଛକ ନିକଟରେ ନୟନଯୋରିକୁ ଓଲଟି ପଡିଛି। ପିକଅପ୍ ଭ୍ୟାନ୍ ଓଲଟିବା ପରେ ଚାନ୍ଦବାଲି ପୁଲିସର ମିଛ ଧରାପଡ଼ିଛି।
ସ୍ଥାନୀୟ ଲୋକଙ୍କ ଅଭିଯୋଗ ଅନୁଯାୟୀ, ଧାମରା ରେଳପଥରୁ ଅନବରତ କୋଇଲା ଚୋରି ଚାଲିଛି। ପ୍ରତିଦିନ ଭଦ୍ରକ-ଚାନ୍ଦବାଲି ରାଜପଥରେ ୧୫ରୁ ଅଧିକ ପିକଅପ୍ ଭ୍ୟାନ୍ରେ ଏହି କୋଇଲା ଚାଲାଣ ହେଉଛି। ହେଲେ କୋଇଲା ଚୋରି ବନ୍ଦ ହୋଇଯାଇଥିବା ଚାନ୍ଦବାଲି ପୁଲିସ କହୁଛି। ଏବେ କୋଇଲା ଭର୍ତ୍ତି ପିକଅପ୍ ଭ୍ୟାନ୍ ଓଲଟିବା ପରେ ପୁଲିସର ମିଛ ପଦାରେ ପଡ଼ିଛି।
