ନୂଆଦିଲ୍ଲୀ, ୨୦/୦୩ : ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ରେଡିଓ କାର୍ଯ୍ୟକ୍ରମ ‘ମନ୍ କି ବାତ୍’ ବିଗତ ୧୨ ବର୍ଷ ମଧ୍ୟରେ ୩୮ କୋଟି ଟଙ୍କା ଆୟ କରିଛି । ସାମାଜିକ ଏବଂ ରାଜନୈତିକ କାର୍ଯ୍ୟକର୍ତ୍ତା ବିବେକ ପାଣ୍ଡେଙ୍କ ପକ୍ଷରୁ ମଗାଯାଇଥିବା ଏକ ଆର୍ଟିଆଇ ଆବେଦନର ଉତ୍ତରରୁ ଏହା ଜଣାପଡ଼ିଛି । ସେ ଅନୁସାରେ, ୨୦୧୪ ମସିହାରୁ ୨୦୨୨ ନଭେମ୍ବର ମାସଯାଏ ‘ମନ୍ କି ବାତ୍’ର ପ୍ରମୋସନ ଲାଗି ସରକାରଙ୍କ ପକ୍ଷରୁ ୫ କୋଟି ୮୮ଲକ୍ଷ ୮୯ ହଜାର ୬୫୬ ଟଙ୍କା ଖର୍ଚ୍ଚ ହୋଇଥିଲା ।
ତେବେ ୨୦୧୪ରୁ ୨୦୨୬ ଜାନୁଆରୀ ମାସ ଯାଏ ୧୨ ବର୍ଷରେ ଏହା ମୋଟ ୩୮ କୋଟି ୪୯ ଲକ୍ଷ ଟଙ୍କା ରୋଜଗାର କରିଛି । ସେଥିମଧ୍ୟରେ ବିଗତ ୩ ବର୍ଷରେ ହୋଇଥିବା ୫.୩୩ କୋଟିର ଆୟ ସାମିଲ ନାଗରିକଙ୍କ ସହ ସିଧାସଳଖ ସଂଯୋଗ ସ୍ଥାପନ, ତୃଣମୂଳସ୍ତରର ପ୍ରେରଣାଦାୟକ ଉଦ୍ୟମ ଉପରେ ଆଲୋକପାତ କରିବା ଲାଗି ୨୦୧୪ ମସିହା ଅକ୍ଟୋବର ମାସରେ ଏହି ରେଡିଓ କାର୍ଯ୍ୟକ୍ରମ ଆରମ୍ଭ ହୋଇଥିଲା । ଏହା ଏକ ଯୋଗାଯୋଗ ପ୍ଲାଟଫର୍ମ ଭାବେ କାର୍ଯ୍ୟ କରିବା ସହ ଆର୍ଥିକ ଭାବେ ଲାଭଦାୟକ ମଧ୍ୟ ସାବ୍ୟସ୍ତ ହୋଇଛି । ୨୦୧୪ ରେ ଆରମ୍ଭ ହୋଇଥିବା ଏହି କାର୍ଯ୍ୟକ୍ରମ କେବଳ ଏକ ଯୋଗାଯୋଗ ପ୍ଲାଟଫର୍ମ ଭାବରେ ନୁହେଁ ବରଂ ଆର୍ଥିକ ଭାବରେ ମଧ୍ୟ ସଫଳ ହୋଇଛି ।
ଏହା ବି ପଢନ୍ତୁ...HDFC ବ୍ୟାଙ୍କ ବୋର୍ଡରୁମରେ ମହାଭାରତ, ଜଣାପଡିଲା କାହିଁକି ଅଧ୍ୟକ୍ଷ ପଦରୁ ଇସ୍ତଫା ଦେଇଥିଲେ ଅତନୁ ଚକ୍ରବର୍ତ୍ତୀ ?
୨୦୧୪ ମସିହା ଅକ୍ଟୋବର ୩ ତାରିଖରେ ‘ମନ୍ କି ବାତ୍’ ର ପ୍ରଥମ ଏପିସୋଡ଼ ପ୍ରସାରଣ ହୋଇଥିଲା । ଏହା ପରଠାରୁ, ଏହି କାର୍ଯ୍ୟକ୍ରମ ସାରା ଦେଶରୁ ସକାରାତ୍ମକ ସାମାଜିକ ପଦକ୍ଷେପ ଏବଂ ବ୍ୟକ୍ତିଗତ ସଫଳତାକୁ ଉଜ୍ଜ୍ୱଳ କରିବା ଉପରେ ଧ୍ୟାନ କେନ୍ଦ୍ରିତ କରୁଛି । ପ୍ରତିମାସରେ ଶେଷ ରବିବାର ଦେଶବାକୀଙ୍କୁ ‘ମନ୍ କି ବାତ୍’ ଶୁଣିବାକୁ ମିଳେ । ବର୍ତ୍ତମାନ ଏହା ୨୩ଟି ଭାରତୀୟ ଭାଷା ଏବଂ ୨୯ଟି ଉପଭାଷାରେ ପ୍ରସାରିତ ହେଉଛି । ଏହାର ସଦ୍ୟତମ ଏପିସୋଡ୍ (୧୩୧ତମ) ଚଳିତ ବର୍ଷ ଫେବୃଆରୀ ୨୨ ତାରିଖରେ ପ୍ରସାରିତ ହୋଇଥିଲା । ପରବର୍ତ୍ତୀ ପ୍ରସାରଣ ମାର୍ଚ୍ଚ ୨୯ ତାରିଖରେ ହେବ । ଏହି କାର୍ଯ୍ୟକ୍ରମ ମାଧ୍ୟମରେ, ପ୍ରଧାନମନ୍ତ୍ରୀ ମୋଦି ସ୍ଥାନୀୟ ସଫଳତା କାହାଣୀ ଏବଂ ସମାଜିକ ପରିବର୍ତ୍ତନରେ ଯୋଗଦାନ ଦେଉଥିବା ସମ୍ପ୍ରଦାୟ-ଚାଳିତ ପ୍ରୟାସ ଉପରେ ଆଲୋକପାତ କରିଥାନ୍ତି ।
