ଧରାକୋଟ,୨୬/୦୬: ଗଞ୍ଜାମ ଜିଲ୍ଲା ଧରାକୋଟ ଥାନା ସିଙ୍ଗିପୁର ଗାଁର ଦୁଇ ଦଳିତଙ୍କୁ ନିର୍ଯାତନା ମାମଲାରେ ପୁଲିସ ଗୁରୁବାର ଆଉ ୨ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଗିରଫ ଦୁଇ ଅଭିଯୁକ୍ତ ହେଲେ ଜାହାଡା ଗାଁର ପ୍ରଭାକର ବେହେରା ଓ ନିକଟସ୍ଥ ବେଠୁଆର ଗାଁର ପିଣ୍ଟୁ ବିଷୋୟୀ। ଏହାକୁ ମିଶାଇ ଏହି ମାମଲାରେ ମୋଟ୍ ୧୧ ଜଣଙ୍କୁ ଗିରଫ କରାଯାଇଛି । ଘଟଣା ପରଦିନ ପୁଲିସ ଜଣେ ନାବାଳକ ସମେତ ୯ ଜଣଙ୍କୁ ଗିରଫ କରିଥିଲା। ଘଟଣାରେ ଗିରଫ ସଂଖ୍ୟା ଆହୁରି ବଢ଼ିପାରେ ବୋଲି ସୂଚନା ମିଳିଛି । ପ୍ରାୟ ୨୦ ଜଣ ଏହି ଘଟଣାରେ ସମ୍ପୃକ୍ତ ଥିଲେ ବୋଲି ଜଣାପଡ଼ିଛି।
ଅପରପକ୍ଷରେ ଗୁରୁବାର ଅଖିଳ ଭାରତୀୟ କଂଗ୍ରେସ କମିଟିର ତିନି ଜଣିଆ ଟିମ୍ ପୀଡ଼ିତଙ୍କ ଗାଁ ସିଙ୍ଗିପୁର ଗସ୍ତ କରିବା କାର୍ଯ୍ୟକ୍ରମ ରହିଛି । ସେମାନେ ଦୁଇ ପୀଡ଼ିତ ବାବୁଲା ନାୟକ ଓ ବୁଲୁ ନାୟକଙ୍କ ପରିବାରକୁ ଭେଟିବେ ।
