ନୂଆଦିଲ୍ଲୀ: କେରଳର କୋଡୁଭ୍ୟାଲି ଅଞ୍ଚଳରେ ଯାଞ୍ଚ ସମୟରେ ଏକ ବେନାମି ଗାଡିରୁ ପୋଲିସ 4କୋଟିରୁ ଉର୍ଦ୍ଧ ଟଙ୍କା ଜବତ କରିଛି। ଗାଡିରେ ଥିବା ଏକ ଗୁପ୍ତ କମ୍ପାଟମେଣ୍ଟରେ ଏହି ଟଙ୍କା ରହିଥିବା ନେଇ ପୋଲିସ ସୁଚନା ପ୍ରଦାନ କରିଛି। ତେବେ ଉକ୍ତ ଗାଡିରେ କର୍ଣ୍ଣାଟକର ଦୁଇଜଣ ଯୁବକ ଯାତ୍ରା କରୁଥିଲେ। ପୋଲିସ ଉକ୍ତ ଦୁଇଜଣଙ୍କୁ   ଅଟକ ରଖିବା ସହ ଏନେଇ ପଚରା ଉଚରା ଜାରି ରଖିଛି। 

ସୁଚନା ମୁତାବକ, ଶନିବାର ସକାଳ ୧୦ଟା ସମୟରେ କୋଡୁଭ୍ୟାଲି ପୋଲିସ ରାସ୍ତାରେ ରୁଟିନ ଯାଞ୍ଚ କରୁଥିଲେ। ଏହି ସମୟରେ ରାସ୍ତାରେ ଯାଉଥିବା ଗାଡି ଉପରେ ପୋଲିସର ସନ୍ଦେହ ହେବାରୁ ପୋଲିସ ଗାଡିକୁ ଅଟକାଇ ଥିଲା। ଉକ୍ତ ଗାଡିରେ ଚୋରାରେ ନିଶା କାରବାର ହେଉଥିବା ନେଇ ପୋଲିସ ସନ୍ଦେହ ପ୍ରକଟ କରିଥିଲା। କିନ୍ତୁ ଯାଞ୍ଚ ସମୟରେ ଗାଡିରୁ ବିପୁଳ ପରିମାଣରେ ଟଙ୍କା ଜବତ ହୋଇଥିଲା। 

ଏତେ ପରିମାଣର ଟଙ୍କା ଦେଖି ପ୍ରଥମେ ପୋଲିସ ଆଶ୍ଚର୍ଯ୍ୟ ହୋଇଯାଇଥିଲା। ପରେ ଗାଡିରେ ଯାତ୍ରା କରୁଥିବା ରାଘବେନ୍ଦ୍ର ଓ ନିଜିନ ଏହମ୍ମଦଙ୍କୁ ପୋଲିସ ଏନେଇ ପ୍ରଶ୍ନ କରିବା ପରେ ସେମାନେ ପୋଲିସକୁ ସନ୍ତୋଷଜନକ ଉତ୍ତର ଦେଇପାରି ନଥିଲେ। ତେଣୁ ପୋଲିସ ଜବତ ହୋଇଥିବା ସମସ୍ତ ଟଙ୍କାକୁ ସିଜ କରିବା ସହ ଅଭିଯୁକ୍ତ ଦ୍ୱୟଙ୍କୁ ଥାନାକୁ ଚାଲାଣ କରିଥିଲା। ଆୟକର ବିଭାଗକୁ ମଧ୍ୟ ଏନେଇ ସୁଚନା ପ୍ରଦାନ କରାଯାଇଛି।

ଜବତ ହୋଇଥିବା ଟଙ୍କା କେଉଁଠିକୁ ଯାଉଥିଲା ତାହା ସମ୍ୱଦ୍ଧର୍ ଅଧିକ ସୂଚନା ପାଇଁ ପୋଲିସ ଏହି ମାମଲାରେ ଛାନଭିନ ଜାରି ରଖିଛି।