ଦାରିଙ୍ଗବାଡି,୧୭/୨(ଆପ୍ର): ଦାରିଙ୍ଗବାଡି ବ୍ଲକର ଝିଞ୍ଜିରିଗୁଡ଼ା ଉନ୍ନୀତ ଉଚ୍ଚ ବିଦ୍ୟାଳୟ ଠାରେ  ପ୍ରଧାନ ଶିକ୍ଷକ ଓ ଶିକ୍ଷୟିତ୍ରୀଙ୍କୁ ନେଇ ୩ ଦିନିଆ  ବିଦ୍ୟାଳୟ ବିକାଶ କାର୍ଯ୍ୟକ୍ରମ "ପ୍ରଗତି " ତାଲିମ କାର୍ଯ୍ୟକ୍ରମର ଶୁଭାରମ୍ଭ ହୋଇଯାଇଛି I ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ ଟିକାବାଲି ଜିଲ୍ଲା ଶିକ୍ଷା ପ୍ରଶିକ୍ଷଣ ଓ ପ୍ରତିଷ୍ଠାନର ଅଧକ୍ଷ ଶିବ ପ୍ରସାଦ ପଣ୍ଡା ଯୋଗ ଦେଇଥିଲେ । ସାମଗ୍ରିକ ବିଦ୍ୟାଳୟ ବିକାଶର ପରିସର ଗୁଡ଼ିକ ସମ୍ପର୍କରେ ଅବଗତ, ବିଦ୍ୟାଳୟ ଉପଲବ୍ଧ ସମ୍ବଳ କୁ ଆଧାର କରି ବିଦ୍ୟାଳୟ ବିକାଶ ଯୋଜନା ପ୍ରସ୍ତୁତି କରି କାର୍ଯ୍ୟକାରୀ କରିବା ଓ ସାମଗ୍ରିକ ବିଦ୍ୟାଳୟ ବିକାଶ ଯୋଜନା ଆଧାରରେ ପ୍ରଧାନ ଶିକ୍ଷକ ଙ୍କ ବୃତ୍ତିଗତ ବିକାଶ ଦିଗରେ ପ୍ରଶିକ୍ଷଣ ଦିଆ ଯାଇଥିଲା। ସିଆରସିସି ରାକେଶ ସାହୁ,ରମାକାନ୍ତ ଦିଗାଳ, ସଲିମ ନାୟକ, ଟିକାବାଲି ବ୍ଲକ କଟିମାହା ଆଞ୍ଚଳିକ ସାଧନ କେନ୍ଦ୍ର ସଂଯୋଜକ ଅରବିନ୍ଦ ମହାପାତ୍ର ଓ କମ୍ପୁଟର ଶିକ୍ଷକ ଅଭିଜିତ ମହାପାତ୍ର ପ୍ରମୁଖ ସହଯୋଗ କରିଥିଲେ ।