ରାଉରକେଲା, ୧୨।୪ : ଚାକିରି ଦେବା ଆାଳରେ ଜଣେ ଯୁବତୀଙ୍କୁ ନେଇ ମଧ୍ୟପ୍ରଦେଶରେ ବିବାହ କରାଇ ଦେଲେ। ଏ ନେଇ ଯୁବତୀଙ୍କ ପରିବାର ଲୋକ ବୀରମିତ୍ରପୁର ଥାନାରେ ଅଭିଯୋଗ କରିଛନ୍ତି। ଏପରିକି ଯୁବତୀଙ୍କୁ ଦେଢ଼ ଲକ୍ଷ ଟଙ୍କାରେ ବିକ୍ରି କରାଯାଇଥିବା ଅଭିଯୋଗ ହୋଇଛି ।
ଚାକିରି କରାଇଦେବା କହି ବୀରମିତ୍ରପୁର ଥାନା ଅଧୀନ ଏକ ଗାଁ ର ଜଣେ ଯୁବତୀଙ୍କୁ ସେହି ଗାଁର ଜଣେ ମହିଳା ଏବଂ ତାଙ୍କ ସ୍ୱାମୀ ରାଉରକେଲା ନେଇ ଆସିଥିଲେ । ପରେ ରାଉରକେଲାର ଜଣେ ମହିଳା ଏବଂ ତାଙ୍କ ପୁରୁଷ ବନ୍ଧୁଙ୍କ ସହାୟତାରେ ଯୁବତୀ ଙ୍କୁ ମଧ୍ୟ ପ୍ରଦେଶ ନେଇ ବିବାହ କରାଇ ଦେଇଛନ୍ତି । ପରେ ଯୁବତୀ ଜଣକ ପରିବାର ଲୋକଙ୍କୁ ଫୋନ୍ ଯୋଗେ ସମସ୍ତ ଘଟଣା କହିଥିଲା। ଏ ନେଇ ପରିବାର ଲୋକେ ଏବେ ଥାନାର ଦ୍ୱାରସ୍ଥ ହୋଇଛନ୍ତି । ଯୁବତୀଙ୍କୁ ଫେରାଇ ଆଣିବାକୁ ପୁଲିସ ଉଦ୍ୟମ କରୁଛି।
