ନୂଆଦିଲ୍ଲୀ,୧୬।୫: ଦେଶର ସବୁଠାରୁ ବଡ ମେଡିକାଲ ପ୍ରବେଶିକା ପରୀକ୍ଷା ନିଟ୍ ୟୁଜିକୁ ରଦ୍ଦ କରିଥିବା ପେପର ଲିକ୍ ଦୁର୍ନିତୀରେ ସିବିଆଇକୁ ବଡ଼ ସଫଳତା ମିଳିଛି। ସିବିଆଇ ଏହି ପୁରା ଖେଳ ପଛରେ ଥିବା ପ୍ରକୃକ ‘କିଙ୍ଗପିନ୍’ ଅର୍ଥାତ ମାଷ୍ଟର ମାଇଣ୍ଡକୁ ମହାରାଷ୍ଟ୍ରର ପୁନେ ସହରରୁ ଧରି ନେଇଛି। ଗିରଫ ହୋଇଥିବା ଅଭିଯୁକ୍ତ ପିଭି କୁଲକର୍ଣ୍ଣୀ କୌଣସି ପ୍ରଫେସନାଲ ଅପରାଧ ନୁହଁନ୍ତି। ସେ ରିଟାୟର୍ଡ କେମେଷ୍ଟ୍ରୀ ଟିଚର ବୋଲି ଜଣାପଡିଛି। ଯାଞ୍ଚ ପରେ ଜଣାପଡିଛି ସେ ୩ ମଇରେ ହୋଇଥିବା ନିଟ୍ ୟୁଜି ପରୀକ୍ଷାରେ କିଛି ଦିନ ପୂର୍ବରୁ ପୁଣେ ସ୍ଥିତ ନିଜରେ ଖୁବ୍ ଗୋପନ ଭାବରେ ‘ସ୍ପେଶାଲ କୋଚିଂ କ୍ଳାସେସ୍’ ଚଳାଉଥିଲେ। ସେଠାରେ ଛାତ୍ରଛାତ୍ରୀଙ୍କ ସହିତ ସିଧା ସଳଖ ଅସଳ ପ୍ରଶ୍ନପତ୍ର ଉତ୍ତର ଘୋଷି ମନେ ରଖିବାକୁ କହିଥିଲେ।
୨୨ ଲକ୍ଷରୁ ଅଧିକ ଛାତ୍ରଛାତ୍ରୀଙ୍କ ଭବିଷ୍ୟତକୁ ଅନ୍ଧାକାର ଟାଣି ଆସିଥିବା ଏହି ମହାଦୁର୍ନୀତିର ରାଜ ଏବେ ଆସ୍ତେ ଆସ୍ତେ କରି ଖୋଲିବାରେ ଲାଗିଛି। ସିବିଆଇ ଯାଞ୍ଚ ବେଳେ ପ୍ରାର୍ଥୀଙ୍କ ହାତରେ ଯେଉଁ କପି ଲାଗିଛି ଓ ହାତରୁ ଲେଖାଥିବା ନୋଟ୍ ମିଳିଛି, ତାହା ନିଟ୍ ୟୁଜି ପରୀକ୍ଷାର କେମେଷ୍ଟ୍ରୀ ସେକସନ୍ରେ ପ୍ରଶ୍ନପତ୍ର ଭଳି ୧୦୦% ମ୍ୟାଚ୍ କରୁଛି। ଏହି ଚକିତ କରିଦେବା ଭଳି ଖୁଲାସା ପରେ ନିଟ୍ ପରୀକ୍ଷା ସମ୍ପୂର୍ଣ୍ଣ ଭାବରେ ରଦ୍ଦ ହୋଇସାରିଛି।
ସିବିଆଇ ଅନୁଯାୟୀ, ନିଟ୍ ୟୁଜି ପରୀକ୍ଷା ଲିକ୍ କରିବାର ଏହି ପଦ୍ଧତି ଅତ୍ୟନ୍ତ ଚତୁର ଢଙ୍ଗରେ ହୋଇଛି। ପିଭି କୁଲକର୍ଣ୍ଣି ଜାଣିଥିଲେ ଯେ ଡିଜିଟାଲ୍ କପି କିମ୍ବା ପ୍ରିଣ୍ଟଆଉଟ୍ ଚିହ୍ନଟ ପାଇଁ ସବୁଠାରୁ ଅଧିକ ଦୁର୍ବଳ। ତେଣୁ, ସେ ତାଙ୍କ ସହଯୋଗୀ ମନୀଷା ୱାଘମାରେ (ଯାହାଙ୍କୁ ମେ ୧୪ରେ ଗିରଫ କରାଯାଇଥିଲା) ଙ୍କ ସହିତ ମିଶି କିଛି ସିଲେକ୍ଟେଡ୍ ଛାତ୍ରଙ୍କୁ ଏକତ୍ରିତ କରିଥିଲେ। ପିଭି କୁଲକର୍ଣ୍ଣି ତା'ପରେ ତାଙ୍କ ଘରେ ଗୁପ୍ତ କ୍ଲାସ ଆୟୋଜନ କରିଥିଲେ, ଯେଉଁଠାରେ ସେ ପ୍ରଶ୍ନ, ସେମାନଙ୍କର ଉତ୍ତର ଏବଂ ପ୍ରାର୍ଥୀମାନଙ୍କୁ ସଠିକ୍ ଉତ୍ତର ଲେଖିବାର ନିର୍ଦ୍ଦେଶ ଦେଇଥିଲେ। ସେହି ଛାତ୍ରଙ୍କ ନୋଟବୁକରେ ଏହି ପ୍ରଶ୍ନଗୁଡ଼ିକର ହାତଲେଖା ନୋଟ୍ ଥିଲା।
ପିଭି କୁଲକର୍ଣ୍ଣି ମୂଳତଃ ମହାରାଷ୍ଟ୍ରର ଲାଟୁର ଜିଲ୍ଲାର ବାସିନ୍ଦା, ଯାହାକୁ ରାଜ୍ୟର ଏକ ପ୍ରମୁଖ ଶିକ୍ଷା କେନ୍ଦ୍ର ଭାବରେ ବିବେଚନା କରାଯାଏ। ସେ ଲାଟୁରର ଏକ ପ୍ରତିଷ୍ଠିତ କଲେଜରେ ଜଣେ ବରିଷ୍ଠ ରସାୟନ ବିଜ୍ଞାନ ପ୍ରଫେସର ଥିଲେ ଏବଂ ପ୍ରାୟ ଚାରି ବର୍ଷ ପୂର୍ବେ ଅବସର ନେଇଥିଲେ। ସବୁଠାରୁ ଗମ୍ଭୀରତାର ସହିତ, ସିବିଆଇର ଦାବି ଅନୁଯାୟୀ, କୁଲକର୍ଣ୍ଣି ନ୍ୟାସନାଲ ଟେଷ୍ଟିଂ ଏଜେନ୍ସି ଏନ୍ଟିଏ ମାଧ୍ୟମରେ ନିଟ୍ ପରୀକ୍ଷା ସହିତ ଜଡିତ ଗୋପନୀୟ ପ୍ରକ୍ରିୟାରେ ମଧ୍ୟ ସାମିଲ ଥିଲେ। ଏହି ଭିଆଇପି ଏଣ୍ଟ୍ରିର ସୁଯୋଗ ନେଇ, ସେ ନିଟ୍ ୟୁଜି ପରୀକ୍ଷାର ପ୍ରାୟ ଗୋଟିଏ ସପ୍ତାହ ପୂର୍ବରୁ ଏପ୍ରିଲ ପେପର ଲିକ୍ କରିଥିଲେ।
