ନୂଆଦିଲ୍ଲୀ: ଉତ୍ତରପ୍ରଦେଶ ସୁଲତାନପୁର ମାନହାନି ମାମଲାରେ କଂଗ୍ରେସ ନେତା ରାହୁଲ ଗାନ୍ଧିଙ୍କ ମିଳିଲା ବଡ଼ ଆଶ୍ବସ୍ତି । ସାଂସଦ-ବିଧାୟକଙ୍କ ଭଏସ ନମୁନା ପରୀକ୍ଷା ଦାବିକୁ ଖାରଜ କରିଛନ୍ତି । ଏହାକୁ ଭିତ୍ତିହିନ ବୋଲି କୋର୍ଟ ରାୟ ଶୁଣାଇଛନ୍ତି । କହି ରଖୁଛୁ କି, ୨୦୧୮ ମସିହାରେ ରାହୁଲ ଗାନ୍ଧି ଅମିତ ଶାହଙ୍କ ବିଷୟରେ ଦେଇଥିବା ଏକ ମନ୍ତବ୍ୟ ସହ ଜଡ଼ିତ । ତେବେ ଏହି ମନ୍ତବ୍ୟ ବିପକ୍ଷରେ କୋର୍ଟଙ୍କ ଦ୍ବାରସ୍ଥ ହୋଇଥିଲେ ହନୁମାନଗଞ୍ଜର ବିଜେପି ନେତା ବିଜୟ ମିଶ୍ର । ମାମଲା ସେବେଠାରୁ କୋର୍ଟରେ ରହିଥିବାବେଳେ ଏବେ ରାୟ ଶୁଣାଯାଇଛି । କୋର୍ଟ ରାୟ ପରେ ରାହୁଲଙ୍କୁ ମିଳିଛି ଆଶ୍ବସ୍ତି ।
କହି ରଖୁଛୁ କି, କୋର୍ଟ ପୂର୍ବରୁ ରାହୁଲଙ୍କୁ ତାଙ୍କର ଜାମିନ୍ ଦଣ୍ଡ ଦାକଲ କରିବାକୁ ଏବଂ ଚୂଡ଼ାନ୍ତ ଯୁକ୍ତି ପାଇଁ ପ୍ରସ୍ତୁତ ହେବାକୁ କହିଥିଲେ । ମାତ୍ର ଅଭିଯୋଗକାରୀଙ୍କ ପକ୍ଷ ଏକ ନୂତନ ଦାବି କରିଥିଲେ । ସେମାନେ ଏକ ଆବେଦନରେ ପ୍ରକାଶ କରିଥିଲେ କି, ରାହୁଲଙ୍କ କଥିତ ବୟାନର ସତ୍ୟତା ନିର୍ଣ୍ଣୟ ପାଇଁ ତାଙ୍କ ସ୍ବରର ନମୁନାକୁ ଫରେନସିକ୍ ଲ୍ୟାବକୁ ପଠାଯାଉ । ପୂର୍ବ ଶୁଣାଣିରେ ଏହି ପ୍ରସଙ୍ଗରେ ଉଭୟ ପକ୍ଷ ମଧ୍ୟରେ ପ୍ରବଳ ବିତର୍କ ହୋଇଥିଲା । ଯାହାପରେ କୋର୍ଟ ତାଙ୍କର ନିଷ୍ପତ୍ତି ସଂରକ୍ଷିତ ରଖିଥିଲେ । ଏବେ ଚୂଡ଼ାନ୍ତ ରାୟ ଶୁଣାଇଛନ୍ତି ।
କୋର୍ଟ ସ୍ପଷ୍ଠ କରିଛନ୍ତି କି, ସ୍ବର ନମୁନା ପରୀକ୍ଷା କରିବାର କୌଣସି ଆବଶ୍ୟକତା ନାହିଁ ଏବଂ ଏହାସହ ଏହି ଦାବିକୁ ପ୍ରତ୍ୟାଖ୍ୟାନ କରିଛନ୍ତି । ଏହା ସହିତ, କୋର୍ଟ ପୁରୁଣା ପ୍ରକ୍ରିୟା ଜାରି ରଖିବାକୁ ନିଷ୍ପତ୍ତି ନେଇଛନ୍ତି। ରାହୁଲ ଗାନ୍ଧୀଙ୍କୁ ଏବେ ମେ ୧୧ ତାରିଖରେ ତାଙ୍କର ଜାମିନ ବଣ୍ଡ ଦାଖଲ କରିବାକୁ ପଡିବ, ଏବଂ ସେହି ଦିନ ମାମଲାର ଚୂଡ଼ାନ୍ତ ଯୁକ୍ତି ମଧ୍ୟ ହେବ। କୋର୍ଟଙ୍କ ଏହି ମତ ସ୍ପଷ୍ଟ କରୁଛି ଯେ ଏହି ସମ୍ପୂର୍ଣ୍ଣ ମାମଲା ଏବେ ଶେଷ ପର୍ଯ୍ୟାୟରେ ପହଞ୍ଚିଛି । ତଥାପି, ଅଭିଯୋଗକାରୀମାନେ ଏହି ନିଷ୍ପତ୍ତିରେ ଅସନ୍ତୁଷ୍ଟ ମନେ ହେଉଛନ୍ତି। ସେମାନଙ୍କ ଓକିଲ ସନ୍ତୋଷ ପାଣ୍ଡେ ସୂଚିତ କରିଛନ୍ତି ଯେ ସେମାନେ କୋର୍ଟଙ୍କ ଆଦେଶକୁ ଚ୍ୟାଲେଞ୍ଜ କରିବେ ସେସନ୍ସ କୋର୍ଟରେ ଏକ ସଂଶୋଧନ ଆବେଦନ ଦାଖଲ କରିବେ।
ଏହାସହ ପଢ଼ନ୍ତୁ : ଟସ୍ ଜିତି ବ୍ୟାଟିଂ ନିଷ୍ପତ୍ତି ନେଲା ମୁମ୍ବାଇ, ବୋଲିଂ କରିବ ଚେନ୍ନାଇ
