ନୂଆଦିଲ୍ଲୀ: ରାଜସ୍ଥାନ ରୟାଲ୍ସ (RR) IPL ୨୦୨୫ରେ ବିଜୟ ସହିତ ତା’ର ଅଭିଯାନ ଶେଷ କରିଛି। ଦଳ ଶେଷ ଲିଗ୍ ମ୍ୟାଚ୍ରେ ଚେନ୍ନାଇ ସୁପର କିଙ୍ଗସ୍କୁ ୬ ୱିକେଟ୍ରେ ପରାସ୍ତ କରିଛି। ରୟାଲ୍ସ ୧୮୮ ରନର ଟାର୍ଗେଟକୁ ୧୭.୧ ଓଭରରେ ୪ ୱିକେଟ୍ ବିନିମୟରେ ହାସଲ କରିନେଇଥିଲା। ଚେନ୍ନାଇ ୨୦ ଓଭରରେ ୮ ୱିକେଟ୍ ହରାଇ ୧୮୭ ରନ୍ କରିଥିଲା। ଅରୁଣ ଜେଟଲି କ୍ରିକେଟ ଷ୍ଟାଡିୟମରେ ରାଜସ୍ଥାନ ଟସ୍ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।
ଧ୍ରୁବ ଜୁରେଲ ମାଥିଶା ପାଥିରାନାଙ୍କ ବଲରେ ଛକା ମାରି ରାଜସ୍ଥାନକୁ ବିଜୟୀ କରାଇଥିଲେ। ସେ ୧୨ଟି ବଲ୍ ରୁ ୩୧ ରନ୍ କରି ଅପରାଜିତ ରହିଥିଲେ। ବୈଭବ ସୂର୍ଯ୍ୟବଂଶୀ ୫୭ ରନ ଏବଂ ସଞ୍ଜୁ ସାମସନ ୪୧ ରନ କରି ଆଉଟ ହୋଇଥିଲେ। ଦୁହେଁ ୯୮ ରନର ଭାଗୀଦାରି ଖେଳିଥିଲେ। ଓପନର ଯଶସ୍ୱୀ ଜୟସୱାଲ ୧୯ ବଲରୁ ୩୬ ରନ୍ ସଂଗ୍ରହ କରିଥିଲେ। ରବିଚନ୍ଦ୍ରନ ଅଶ୍ୱିନ ୨ଟି ୱିକେଟ ହାସଲ କରିଥିଲେ।
ସିଏସକେ ପାଇଁ ଅଧିନାୟକ ଏମଏସ ଧୋନି ୧୭ ବଲରୁ ୧୬ ରନ ସଂଗ୍ରହ କରିଥିଲେ। ସେ ଟି-୨୦ ଫର୍ମାଟରେ ନିଜର ୩୫୦ଟି ଛକା ପୂରଣ କରିଥିଲେ। ଧୋନିଙ୍କ ବ୍ୟତୀତ ଡେୱାଲ୍ଡ ବ୍ରେଭିସ୍ ୪୨ ରନ୍ ଏବଂ ଆୟୁଷ ମହାତ୍ରେ ୪୩ ରନ୍ କରିଥିଲେ। ଶିବମ୍ ଦୁବେ ୩୯ ରନ୍ କରିଥିଲେ। ଯୁଦ୍ଧବୀର ସିଂହ ଏବଂ ଆକାଶ ମାଧୱାଲ ୩ଟି ଲେଖାଏଁ ୱିକେଟ ନେଇଥିଲେ।
