ବେଙ୍ଗାଲୁରୁ,୧୬/୦୩: ଝିଅ ଭୁଲ ପାଇଁ ବାପାକୁ ସଜା । ଦୁବାଇରୁ ସୁନା ସ୍ମଗଲିଂ କରି ଧରାପଡିଥିବା ଅଭିନେତ୍ରୀ ରାନ୍ୟା ରାଓଙ୍କ ପାଇଁ ବଢିଲା ବାପା ଡିଜିପି ରାମାଚନ୍ଦ୍ର ରାଓଙ୍କ ଅଡୁଆ । କର୍ଣ୍ଣାଟକ ପୋଲିସ ହାଉସିଂବୋର୍ଡ ଡିଜିପି ତଥା ରାନ୍ୟାଙ୍କ ବାପା ରାମଚନ୍ଦ୍ର ରାଓଙ୍କୁ ବାଧ୍ୟତାମୂଳକ ଛୁଟିରେ ପଠାଇଛନ୍ତି କର୍ଣ୍ଣାଟକ ସରକାର । ତାଙ୍କ ସ୍ଥାନରେ ଆଡିସନାଲ ଡିଜିପି କେ.ଭି. ଶରଥଚନ୍ଦ୍ରାଙ୍କୁ ଦାୟିତ୍ବ ଦିଆଯାଇଛି । ସେପଟେ ନିଜକୁ ନିର୍ଦ୍ଦୋଶ ବୋଲି ଦର୍ଶାଇ ଜେଲ କର୍ତ୍ତୃପକ୍ଷଙ୍କ ମାଧ୍ୟମରେ ରାଜସ୍ବ ଗୁଇନ୍ଦା ନିର୍ଦ୍ଦେଶାଳୟ ତଥା ଡିଆରଆଇ ଅଧିକାରୀଙ୍କୁ ଚିଠି ଲେଖିଛନ୍ତି ରାନ୍ୟା ରାଓ । ତାଙ୍କୁ ଫସାଇ ଦିଆଯାଇଥିବା କହିଛନ୍ତି ।
କେମିତି ଧରା ପଡିଲେ ରାନ୍ୟା ? ମାର୍ଚ୍ଚ ୩ ତାରିଖରେ ରାନ୍ୟା ରାଓ ଦୁବାଇରୁ ବେଙ୍ଗାଲୁରୁର କେମ୍ପେଗୌଡା ଅନ୍ତରାଷ୍ଟ୍ରୀୟ ବିମାନ ବନ୍ଦରରେ ପହଞ୍ଚିଲେ । ସେ ଭିଆଇପି ପ୍ରୋଟୋକଲ ଅନୁସାରେ ଗ୍ରୀନ୍ ଚ୍ୟାନେଲରେ ବାହାରିବାକୁ ଚେଷ୍ଟା କରି ଥିଲେ।ଏହି ସମୟରେ ମେଟାଲ ଡିଟେକ୍ଟରରେ ଯାଞ୍ଚରେ ଅଧିକାରୀଙ୍କୁ ରାନ୍ୟାଙ୍କ ଶରୀରରେ କିଛି ସଦିଗ୍ଧ ଜିନିଷ ଥିବାର ସଙ୍କେତ ମିଳିଥିଲା। ଯେବେ ଅଧିକାରୀମାନେ ଯାଞ୍ଚ କଲେ ତ ପାଇଲେ କି , ରାନ୍ୟା ନିଜ ଅଣ୍ଟା ଓ ପାଦରେ ବ୍ୟାଣ୍ଡେଜ୍ ଓ ଟିସୁ ସାହାଯ୍ୟରେ ସୁନା ବିସ୍କୁଟ ଗୁଡ଼ାଇ ରଖିଥିଲେ। ଜବତ ସୁନା ୨୪ କ୍ୟାରେଟ୍ର ଥିଲା ଏବଂ ଏହାର ଓଜନ ୧୪.୨ କିଲୋଗ୍ରାମ୍ ଥିଲା, ଯାହାର ଦାମ୍ ପାଖାପାଖି ୧୨.୫୬ କୋଟି ଟଙ୍କା କୁହାଯାଉଛି।
ଅଧିକ ପଢନ୍ତୁ...ସୁନା ତସ୍କରୀ କେସ୍ରେ ଅଭିନେତ୍ରୀଙ୍କ ଜାମିନ ଆବେଦନ ଖାରଜ , ଜେଲ୍ରେ ରହିବେ ରାନ୍ୟା ରାଓ
ୟୁଟ୍ୟୁବରୁ ଶିଖିଥିଲେ କୌଶଳ- କର୍ଣ୍ଣାଟକ ସୁନା ଚୋରା ଚାଲାଣ ମାମଲାରେ ତଦନ୍ତ ଯେତିକି ଆଗଉଛି ସେତିକି ନୂଆ ଘଟଣା ସାମ୍ନାକୁ ଆସୁଛି । ଗିରଫ ହୋଇଥିବା କନ୍ନଡ ଅଭିନେତ୍ରୀ ରାନ୍ୟା ରାଓ ସୁନାକୁ କିଭଳି ଲୁଚାଇବାକୁ ହେବ ତାର କୌଶଳ ୟୁଟ୍ୟୁବରୁ ଶିଖିଥିଲେ । ସୁନା ଚୋରା ଚାଲାଣ କରିବା ଲାଗି ତାଙ୍କୁ ଅଜଣା ନମ୍ବରରୁ ଫୋନ ଆସୁଥିଲା । ଜେରା ବେଳେ ଏହା ସ୍ବୀକାର କରିଥିଲେ ରାନ୍ୟା । ଶରୀରରେ ସୁନା ଲୁଚାଇବା ଲାଗି ରାନ୍ୟା ବିମାନବନ୍ଦର ପୂର୍ବରୁ ଥିବା ଏକ ଦୋକନରୁ କଇଁଚି କିଣିଥିଲେ । ସେଥିରେ କ୍ରେପ ବ୍ୟାଣ୍ଡକୁ ଖଣ୍ଡ ଖଣ୍ଡ କରି କାଟିଥିଲେ । ବିମାନ ବିନ୍ଦରର ୩ ନମ୍ବର ଟର୍ମିନାଲର ଏକ ଗେଟ ନିକଟକୁ ଯିବାକୁ ଏକ ଅଜଣା ନମ୍ବରରୁ କଲ ଆସିଥିଲା । ସେଠାରେ ଜଣେ ଲୋକ ୨ଟି ପ୍ୟାକେଟ ହସ୍ତାନ୍ତର କରିଥିଲେ । ସେହି ପ୍ୟାକେଟରେ ସୁନା ଥିଲା । ତାକୁ କ୍ରେପ୍ ବ୍ୟାଣ୍ଡ ସାହାଯ୍ୟରେ ଶରୀରେ ଲୁଚାଇଥିଲେ ରାନ୍ୟା ।
