ସାଲେପୁର, ୨୮/୦୨: ସାଲେପୁର ବଜାରରୁ ଏକ ବିରଳ ପ୍ରଜାତିର ଧଳା ପେଚା ଉଦ୍ଧାର ହୋଇଛି । ପେଚାଟିକୁ କୁଆମାନେ ଆକ୍ରମଣ କରିବାରୁ ସେ ଭୟରେ ଏକ ଦେକାନ ଭିତରକୁ ପଶି ଯାଇଥିଲା। ଏହା ଦେଖି ବଜାରର କିଛି ଲୋକମାନେ ପେଚାଟିକୁ ଉଦ୍ଧାର କରିଥିଲେ। କଟକ ଜିଲ୍ଲା ସାଲେପୁର ବଜାରରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
କହିରଖୁ କି, ଏକ ଧଳା ପେଚା ଦିନ ବେଳେ ବସା ଛାଡି ପଳାଇ ଆସିଥିଲା । ଦିନ ହୋଇଥିବାରୁ ପେଚା ଛୁଆଟି କୁଆଡେ ଯାଇ ନପାରିବାରୁ କୁଆ ମାନେ ପେଚା ଛୁଆଟିକୁ ଆକ୍ରମଣ କରିଥିଲେ । ଫଳରେ ପେଚାଟି ଭୟରେ ଏକ ଦେକାନ ଭିତରକୁ ପଶି ଆସିଥିଲା। ଏହା ଦେଖି ବଜାରର କିଛି ଲୋକମାନେ ପେଚାଟିକୁ ଉଦ୍ଧାର କରିଥିଲେ । ସ୍ଥାନୀୟଲୋକେ ପେଚାଟିକୁ ଉଦ୍ଧାର କରି ରଖିଥିବା ବେଳେ ସନ୍ଧ୍ୟାରେ ନିକଟସ୍ଥ ଜଙ୍ଗଲରେ ଛାଡ଼ିବେ ବୋଲି ସୂଚନା ମିଳିଛି ।
