ନୂଆଦିଲ୍ଲୀ,୨୪/୧୧: ଆଇପିଏଲ୍‌ ୨୦୨୫ର ମେଗା ନିଲାମର ପ୍ରଥମ ଘଣ୍ଟା ଅତ୍ୟନ୍ତ ରୋମାଞ୍ଚକର ଥିଲା। ପ୍ରାରମ୍ଭରେ କୋଲକାତା ନାଇଟ୍ ରାଇଡର୍ସର ପୂର୍ବତନ ଅଧିନାୟକ ଶ୍ରେୟସ୍ ଆୟର ସବୁଠାରୁ ମହଙ୍ଗା ଖେଳାଳି ହୋଇଥିଲେ। ତାଙ୍କୁ ପଞ୍ଜାବ କିଙ୍ଗସ୍ ୨୬.୭୫ କୋଟି ଟଙ୍କାରେ କିଣିଥିଲା, କିନ୍ତୁ କିଛି ସମୟ ମଧ୍ୟରେ ଏହି ରେକର୍ଡ ଭାଙ୍ଗିଛି। ୱିକେଟ୍ କିପର ବ୍ୟାଟର ଋଷଭ ପନ୍ତ ଆଇପିଏଲର ସବୁଠାରୁ ଦାମୀ ଖେଳାଳି ହୋଇପାରିଛନ୍ତି। ଲକ୍ଷ୍ମୌ ସୁପର ଜଏଣ୍ଟସ୍ ଋଷଭ ପନ୍ତଙ୍କୁ ୨୭ କୋଟି ଟଙ୍କାରେ କିଣିଛି । ଦିଲ୍ଲୀ କ୍ୟାପିଟାଲ୍ସ ଆରଟିଏମ୍ ଚେଷ୍ଟା କରିକଲା, କିନ୍ତୁ ଲକ୍ଷ୍ନୌ ତୁରନ୍ତ ଏହାର ପରିମାଣ ବୃଦ୍ଧି କରିଥିଲା। ଏହିପରି ଲକ୍ଷ୍ନୌ ଋଷଭ ପନ୍ତଙ୍କୁ ୨୭ କୋଟିରେ କିଣିଛି।

୧୫.୭୫ ରେ ଜୋସ୍‌ ବଟ୍‌ଲର୍‌ଙ୍କୁ କିଣିଲା ଗୁଜରାଟ ଟାଇଟନ୍ସ: 

ଇଂଲଣ୍ଡର ବିସ୍ଫୋରକ ୱିକେଟ୍ କିପର ବ୍ୟାଟର ଜୋସ୍ ବଟଲରଙ୍କୁ କିଣିବା ପାଇଁ ଅନେକ ଦଳ ମଧ୍ୟରେ ପ୍ରତିଯୋଗିତା ହୋଇଥିଲା। ତେବେ ଶେଷରେ ଗୁଜୁରାଟ ଟାଇଟାନ୍ସ ଏହି ଷ୍ଟାର ଓପନରର୍ଙ୍କୁ ୧୫.୭୫ କୋଟିରେ କିଣିଛି। ଗତ ସିଜନ୍‌ ପର୍ଯ୍ୟନ୍ତ ବଟଲର ରାଜସ୍ଥାନ ରୟାଲ୍ସ ଦଳରେ ଥିଲେ। ଲକ୍ଷ୍ନୌ ସୁପର ଜିଆଣ୍ଟସ୍ ମଧ୍ୟ ଜୋସ୍ ବଟଲର୍‌ଙ୍କୁ କିଣିବା ପାଇଁ ଏକ ବଡ଼ ନିଲାମୀ ଡାକିଥିଲା। ଲକ୍ଷ୍ନୌ ଏବଂ ଗୁଜୁରାଟ ମଧ୍ୟରେ ଏକ ସଂଘର୍ଷପୂର୍ଣ୍ଣ ନିଲାମ ଡାକରା ହୋଇଥିଲା। ତେବେ ଶେଷରେ ଗୁଜୁରାଟ ବଟଲରଙ୍କୁ କିଣିବାରେ ସଫଳ ହୋଇଥିଲା। ଲକ୍ଷ୍ନୌ ଏହି ଖେଳାଳିଙ୍କ ପାଇଁ ୧୫.୨୫ କୋଟି ଟଙ୍କା ପର୍ଯ୍ୟନ୍ତ ଟେଣ୍ଡର କରିଥିଲା। କିନ୍ତୁ ଏଥିରୁ ସ୍ପଷ୍ଟ ଜଣାପଡୁଥିଲା ଯେ ଗୁଜୁରାଟ ଟାଇଟାନ୍ସ ଏହି ପ୍ଲେୟାର କିଣିବାକୁ ଯୋଜନା କରିସାରିଛି।