ନୂଆଦିଲ୍ଲୀ : ବେଙ୍ଗାଲୁରୁରେ ଅତ୍ୟାଧୁନିକ ଟେକନିକ୍‌ର ଏକ ନୂଆ ନମୂନା ବ୍ୟାପକ ଧ୍ୟାନ ଆକର୍ଷିତ କରୁଛି- ଏକ ରୋବୋଟ କୁକୁର ଯାହା ସହରରେ ବୁଲୁଛି ଏବଂ ଯୁଆଡ଼େ ବି ଯାଉଛି , ଲୋକଙ୍କ ମଧ୍ୟରେ ଉତ୍ସୁକତା ଜାଗ୍ରତ କରୁଛି। ଏହା ଆକର୍ଷକ , ଉଚ୍ଚ ଶକ୍ତି ସଂପନ୍ନ ମେସିନ ଖୁବ୍ ଜୋରରେ ଚର୍ଚ୍ଚାର ବିଷୟ ପାଲଟିଛି ଏବଂ ଏହାର କ୍ଷମତା ଗୁଡ଼ିକ ନିବାସୀଙ୍କୁ ଆଶ୍ଚର୍ଯ୍ୟଚକିତ ଓ ମୋହିତ କରି ଦେଇଛି।

@Runtime ଆକାଉଣ୍ଟ ଦ୍ୱାରା ଏକ୍ସରେ ସେୟାର କରାଯାଇ ଥିବା ଏକ ଭିଡ଼ିଓରେ , PARAM ନାମକ ଏକ ରୋବୋଟ କୁକୁର ବେଙ୍ଗାଲୁରୁର HSR ଲେଆଉଟ୍‌ରେ ବୁଲୁ ଥିବାର ଦେଖା ଯାଉଛି। ଏହା ବ୍ୟାପକ ରୂପେ ପ୍ରସାରିତ ପୋଷ୍ଟ ଅନୁସାରେ, PARAMର ଓଜନ ୩୫ କିଲୋଗ୍ରାମ୍ ଏବଂ ଏହା ହଟ୍-ସ୍ୱାପେବଲ ବ୍ୟାଟେରିଆର ଉପଯୋଗ କରି ପାଖାପାଖି ଆଠ ଘଣ୍ଟାଯାଏ ଚାଲିଥାଏ।

ଟେକ୍ ଇନଫ୍ଲୁଏନ୍ସର କୈଲେବ ଫୁଟେଜକୁ ପୁନଃ ପୋଷ୍ଟ କରି ଚର୍ଚ୍ଚାକୁ ଆହୁରି ବଢାଇ ଦେଇଛନ୍ତି ତଥା କହିଛନ୍ତି ଯେ, PARAM ପାଖାପାଖି ସଂପୂର୍ଣ୍ଣ ରୂପେ ସ୍ୱଦେଶୀ ତଥା ଏହାର କେବଳ କିଛି ଉପାଦାନ ଦେଶ ବାହାରୁ ଅଣାଯାଇଛି।

ସେ ଏକ୍ସରେ ଲେଖିଛନ୍ତି - “ ଏହା ଆହୁରି ମଧ୍ୟ ଗୁରୁତ୍ତ୍ୱପୂର୍ଣ୍ଣ ଲାଗି ଥାଏ ,ଯେବେ ଆପଣ ଜାଣିପାରନ୍ତି ଯେ ଏହି ରୋବୋଟ କୁକୁର ପାଖାପାଖି ସଂପୂର୍ଣ୍ଣ ରୂପେ ସ୍ୱଦେଶୀ। ଏଥିରେ କେବଳ ଅଣ-ଭାରତୀୟ ଅଂଶ ରହିଛି –ଏକ୍ୟୁଏଟର୍ସ ଓ ଏନଭିଡ଼ିୟା ଡେଟସନ ଜିପିୟୁ। ଏହାକୁ ୫ଜଣ ଲୋକଙ୍କ ଟିମ୍ ୩୦ଦିନରେ ତିଆରି କରିଛନ୍ତି। ଆଇପି ୬୭ ରେଟିଂ , ରନିଂ ତାପମାତ୍ରା – ୨୦ ଡିଗ୍ରୀ ସେଲସିୟସରୁ + ୫୫ ଡିଗ୍ରୀ ସେଲସିୟସ।

ଉକ୍ତ କ୍ଲିପ୍ ଖୁବ୍ ଜୋରରେ ଲୋକପ୍ରିୟ ହାସଲ କରିଛି ଏବଂ ଏହି ଉପଲବ୍ଧିରେ ପ୍ରଭାବିତ ହୋଇ ଅନେକ ୟୁଜର୍ସ ଏହା ଉପରେ କମେଣ୍ଟସର ବର୍ଷା କରି ଦେଇଛନ୍ତି ଏବଂ ଅନେକ ଲୋକ ଗୁରୁତର ପ୍ରଶ୍ନ ପଚାରିଛନ୍ତି। ଜଣେ କମେଣ୍ଟେଟର PARAM ପଛରେ ଥିବା ଟିମ୍‌ର ପ୍ରଶଂସା କରି କହିଛନ୍ତି , ପ୍ରଭାବଶାଳୀ କାମ , ଆମର ଟେକ୍ନୋକ୍ରେଟ୍ସ ଓ ଆପଣଙ୍କ ରିପୋର୍ଟିଂକୁ ଆହୁରି ଅଧିକ ପ୍ରଶଂସା ଓ ସମର୍ଥନର ଆବଶ୍ୟକ ରହିଛି।

କିଛି ଲୋକ ରୋବୋଟର ଟେକ୍ନିକାଲର ଜଟିଳତାକୁ ନେଇ ଚିନ୍ତା ପ୍ରକାଶ କରିଛନ୍ତି। ଜଣେ ୟୁଜର ଲେଖିଛନ୍ତି , ସଫ୍ଟୱେୟାର ବିଷୟରେ କଣ ? ଏହା ଯେକୌଣସି ରୋବୋଟର ସବୁଠାରୁ ଗୁରୁତ୍ତ୍ୱପୂର୍ଣ୍ଣ ଦିଗ। ଏମିତି ସଫ୍ଟୱେୟାର ବିକଶିତ କରିବା ପାଇଁ ୩୦ ଦିନ ନିଶ୍ଚିତ ରୂପେ ଯଥେଷ୍ଟ ନୁହେଁ। କମ୍ପ୍ୟୁଟରକୁ ଆସେମ୍ୱଲ କରିବା ଓ କମ୍ପ୍ୟୁଟର ତିଆରି କରିବା ଏକାଭଳି ନୁହେଁ।

କିଛି ଲୋକ PARAMର ବ୍ୟାବସାୟିକ କ୍ଷମତାର ମୂଲ୍ୟାଙ୍କନ କରିଛନ୍ତି , ଅନ୍ୟ ଜଣେ ୟୁଜର କହିଛନ୍ତି , ଏମିତି ଲାଗୁଛି ଯେ, ଏହାର କେବଳ ବ୍ୟାବସାୟିକ ଉପଯୋଗ ହିଁ ଅଛି ଏବଂ ଯଦି ବୋଷ୍ଟନ ଡାଇନାମିକ୍ସ ଏହାକୁ ଶସ୍ତା ମୂଲ୍ୟରେ ବଡ଼ ସ୍ତରରେ ଉତ୍ପାଦନ କରି ପାରେ ତ ଏହା ତାଙ୍କ ସହ ପ୍ରତିଯୋଗିତା କରିବ। ଆଉ ଜଣେ ଟିପ୍ପଣୀରେ ଏହି ନବସୃଜନ ସହ ଜଡ଼ିତ ଉତ୍ସାହକୁ ଦର୍ଶାଯାଇଛି- ଭାରତ ନିଜର କ୍ଷମତାକୁ ପରିଚିତ କରାଇଛି।