ସୋନପୁର ୨୦/୦୫: ବଢ଼ିଲାନି ମୁଖ୍ୟମନ୍ତ୍ରୀ ବସ ସେବା ଡ୍ରାଇଭରଙ୍କ ଦରମା। ପ୍ରତିବାଦରେ ଆନ୍ଦୋଳନକୁ ଓହ୍ଲାଇଲେ ବସ୍ ଡ୍ରାଇଭର। ବସ୍ ଗୁଡ଼ିକୁ ବସଷ୍ଟାଣ୍ଡରେ ରଖି ଆନ୍ଦୋଳନ ଜାରି ରଖିଛନ୍ତି। ଫଳରେ ଯାତ୍ରୀସେବା ବାଧାପ୍ରାପ୍ତ ହୋଇଥିବା ବେଳେ ଜନସାଧାରଣ ଅସୁବିଧାର ସମ୍ମୁଖୀନ ହୋଇଥିବା ଅଭିଯୋଗ ହେଉଛି। ଏଭଳି ଘଟଣା ସୋନପୁର ଜିଲ୍ଲା ବୀରମହାରାଜପୁର ସମେତ ରାଜ୍ୟ ବିଭିନ୍ନ ଅଞ୍ଚଳରେ ଦେଖିବାକୁ ମିଳିଛି।
ସୂଚନା ଥାଉ ତତ୍କାଳୀନ ସରକାର ସମୟରେ ଆରମ୍ଭ ହୋଇଥିବା ମୁଖ୍ୟମନ୍ତ୍ରୀ ବସ (ଲକ୍ଷ୍ମୀ ବସ) ସେବା। ଉକ୍ତ ସମୟ ଡ୍ରାଇଭରମାନଙ୍କୁ ୬ ମାସ ପରେ ଦରମା ବୃଦ୍ଧି ନେଇ ପ୍ରତିଶ୍ରୁତି ଦେଇଥିଲେ। ହେଲେ ଆଜକୁ ୧୫ ମାସ ବିତି ଯାଇଥିଲେ ମଧ୍ୟ ଦରମା ବୃଦ୍ଧି ହୋଇନାହିଁ। ତେଣୁ ଆଜି ସମସ୍ତ ବସ ଚାଳକମାନେ ବସଷ୍ଟାଣ୍ଡ ଭିତରେ ଗାଡ଼ି ରଖି ଆନ୍ଦୋଳନକୁ ଓହ୍ଲାଇଛନ୍ତି। ବସ ନ ଚଳାଇ ପ୍ରତିବାଦ ଜାରି ରଖିଛନ୍ତି। ଏଥିପାଇଁ ଯାତ୍ରୀ ବହୁ ହଇରାଣ ହେଉଥିବା ଅଭିଯୋଗ ହେଉଛି l
