ମୁମ୍ୱାଇ : ସଲମାନ ଖାନଙ୍କ ଏକ୍ସ ଗର୍ଲଫ୍ରେଣ୍ଡ ସୋମୀ ଅଲୀ ଚର୍ଚ୍ଚାରେ ରହିଛନ୍ତି। ସେ ଏହି ସମୟରେ ଆଶ୍ଚର୍ଯ୍ୟକର ଦାବି ସବୁ କରୁଛନ୍ତି। ସେ ପ୍ରଥମେ ସଲମାନ ଓ ଐଶ୍ୱର୍ଯ୍ୟା ରାୟ ବଚ୍ଚନଙ୍କ ସଂପର୍କରେ ଅନେକ ଗୁଡ଼ିଏ ଆଶ୍ଚର୍ଯ୍ୟକର ଦାବି କରି ଥିଲେ। ଏବେ ସେ ଦିବଙ୍ଗତ ଅଭିନେତା ସୁଶାନ୍ତ ସିଂହ ରାଜପୂତଙ୍କ ବିଷୟରେ କହିଛନ୍ତି। ତାଙ୍କର କହିବାନୁସାରେ, ସୁଶାନ୍ତ ଆତ୍ମହତ୍ୟା କରି ନଥିଲେ, ତାଙ୍କର ହତ୍ୟା କରାଯାଇ ଥିଲା। 

ସୋମୀ ଅଲୀ ରେଡିଟ୍‌ରେ ଆସ୍କ ମି ଏନିଥିଙ୍ଗ (ଏଏମଏ) ପର୍ଯ୍ୟାୟରେ ଥିଲେ। ଏହି ପର୍ଯ୍ୟାୟ ବେଳେ ସୋମୀଙ୍କୁ ପଚରା ଗଲା, ସୁଶାନ୍ତ ସିଂହ ରାଜପୂତଙ୍କ ମାମଲାରେ ଆପଣଙ୍କ ମତ କଣ ? ଏହା ଉପରେ ସୋମୀ ଜବାବ ଦେଇ ଲେଖିଛନ୍ତି, ତାଙ୍କର ହତ୍ୟା କରାଯାଇ ଥିଲା। କିନ୍ତୁ ଏହାକୁ ଆତ୍ମହତ୍ୟାର ରୂପ ଦିଆ ଗଲା। ଏମ୍ସର ଡାକ୍ତର ସୁଧିର ଗୁପ୍ତାଙ୍କୁ ପଚାରନ୍ତୁ, ଯିଏକି ତାଙ୍କର ପୋଷ୍ଟମର୍ଟମ ରିପୋର୍ଟ ବଦଳାଇଛନ୍ତି। ପଚାରନ୍ତୁ ତାଙ୍କୁ ତାଙ୍କର ପୋଷ୍ଟମର୍ଟମ ରିପୋର୍ଟ କାହିଁକି ବଦଳାଇଲେ ? 

ମନେ ପକାଇ ଦେଉଛୁ କି , ସୁଶାନ୍ତ ସିଂହ ରାଜପୂତଙ୍କର ମୃତ୍ୟୁ ୪ବର୍ଷ ପୂର୍ବେ ହୋଇ ଥିଲା। ସୁଶାନ୍ତଙ୍କର ମୃତ୍ୟୁର ୪ ମାସ ପରେ ଏମ୍ସ ମେଡିକାଲ ବୋର୍ଡ ସୁଶାନ୍ତଙ୍କର ମୃତ୍ୟୁ ହତ୍ୟା ସମ୍ଭାବନାକୁ ମନା କରିଥିଲେ। ସେ ଏହାକୁ ଫାଶୀ ଓ ଆତ୍ମହତ୍ୟାର ମାମଲା କହିଥିଲେ। ଏମ୍ସ ଫରେନ୍ସିକ୍‌ ମେଡିକାଲ ବୋର୍ଡର ଅଧ୍ୟକ୍ଷ ଡାକ୍ତର ସୁଧୀର ଗୁପ୍ତା କଥିତ ଭାବେ ଏହା ମଧ୍ୟ କହିଥିଲେ ଯେ ସୁଶାନ୍ତଙ୍କ   ଶରୀରରେ ଫାଶୀ ବ୍ୟତୀତ ଆଉ କୌଣସି ଚିହ୍ନ ନାହିଁ ।