ଭୁବନେଶ୍ୱର ୨୩/୦୫: ଜ୍ୟୋତିଷ ଶାସ୍ତ୍ର ଅନୁସାରେ, ଶନିଙ୍କର ତିନୋଟି ଦୃଷ୍ଟି ରହିଥାଏ। ଶନି ତୃତୀୟ, ସପ୍ତମ ଏବଂ ଦଶମ ଦୃଷ୍ଟିରେ ଦେଖନ୍ତି। ବର୍ତ୍ତମାନ, ଶନି ମୀନ ରାଶିରେ ଅଛନ୍ତି ଏବଂ ଜୁନ୍ ୨୦୨୭ ପର୍ଯ୍ୟନ୍ତ ସେଠାରେ ରହିବେ। ମୀନରେ ଥିବା ଶନିଙ୍କ ତୃତୀୟ ଦୃଷ୍ଟି ବୃଷ ରାଶି ଉପରେ, ସପ୍ତମ ଦୃଷ୍ଟିରେ ଶନି କନ୍ୟା ରାଶିକୁ ଦେଖୁଛନ୍ତି ଏବଂ ଦଶମ ଦୃଷ୍ଟି ଧନୁ ରାଶି ଉପରେ ରହଛି। ତେବେ ଚାଲନ୍ତୁ ଜାମିବା ଶନିଙ୍କ ପ୍ରଭାବ ଯୋଗୁଁ ଏହି ତିନୋଟି ରାଶିର ଜୀବନରେ କ'ଣ ଫଳାଫଳ ଆସିବ ଏବଂ ସେମାନେ କ'ଣ ସତର୍କତା ଅବଲମ୍ବନ କରିବା ଉଚିତ ।
ବୃଷ ରାଶି :
ଶନିଙ୍କ ତୃତୀୟ ଦୃଷ୍ଟି ଯୋଗୁଁ, ସଂଘର୍ଷ ପରେ ହିଁ ସଫଳତା ମିଳିଥାଏ। ଏହା ସହିତ, ଜୀବନରେ ଚାପ ଏବଂ କଠିନ ସଂଘର୍ଷର ସମ୍ମୁଖୀନ ହେବାକୁ ପଡିଥାଏ। ବୃଷ ରାଶିର ବ୍ୟକ୍ତିମାନେ ମଧ୍ୟ ସମାନ ଫଳାଫଳ ପାଇବେ। ଏହି ରାଶିରେ ଜନ୍ମିତ ବ୍ୟକ୍ତିମାନେ କୌଣସି ସର୍ଟକଟ୍ ନେବାରୁ ଦୂରେଇ ରହିବା ଉଚିତ। କାର୍ଯ୍ୟରେ ସତର୍କ ରହିବେ; ସହକର୍ମୀଙ୍କ ସହିତ ଯୁକ୍ତିତର୍କ ହୋଇପାରେ। ଆପଣଙ୍କୁ ଆର୍ଥିକ କ୍ଷେତ୍ରରେ ସତର୍କତା ଅବଲମ୍ବନ କରିବେ ଏବଂ ଆଳସ୍ୟରୁ ଦୂରେଇ ରହିବେ । ପ୍ରତିକାର ସ୍ୱରୂପ, ଆବଶ୍ୟକ କରୁଥିବା ଲୋକଙ୍କୁ ସାହାଯ୍ୟ କରିବେ ।
କନ୍ୟା ରାଶି :
କନ୍ୟା ରାଶିର ବ୍ୟକ୍ତିମାନେ ଶନିଙ୍କ ସପ୍ତମ ଦୃଷ୍ଟିର ପ୍ରଭାବରେ ଅଛନ୍ତି। ତେଣୁ, ଆପଣଙ୍କୁ ବୈବାହିକ ସମ୍ପର୍କକୁ ନେଇ ଅତ୍ୟନ୍ତ ସତର୍କ ରହିବାକୁ ପଡିବ। ଜୀବନସାଥୀଙ୍କ ସ୍ୱଭାବରରେ ଗମ୍ଭୀରତା ଦେଖାଦେଇପାରେ। ତଥାପି, ଆପଣ ସାମାଜିକ ସ୍ତରରେ ସକାରାତ୍ମକ ଫଳାଫଳ ଦେଖିବାକୁ ପାଇବେ; ଆପଣଙ୍କର ବାସ୍ତବବାଦୀ ମନୋଭାବ ଆପଣଙ୍କୁ ପ୍ରସିଦ୍ଧି ଦେଇପାରେ। ସଠିକ୍ ରଣନୀତି ବିକଶିତ କରି ଆଗକୁ ବଢ଼ିଲେ ଆପଣଙ୍କ କ୍ୟାରିଅର ଏବଂ ବ୍ୟବସାୟରେ ପ୍ରଗତି ହାସଲ କରିପାରିବେ। ବିଳମ୍ବ ହୋଇପାରେ, କିନ୍ତୁ ଯଦି ଆପଣ ଦୃଢ଼ ସ୍ଥିର ରହନ୍ତି, ତେବେ ଆପଣ ନିଶ୍ଚିତ ଭାବରେ ସଫଳ ହେବେ। ସ୍ୱାସ୍ଥ୍ୟ ପ୍ରତି ସତର୍କ ରହିବାକୁ ପଡିବ। ପ୍ରତିକାର ସ୍ୱରୂପ, ଶନିବାର ଦିନ ହନୁମାନ ଚାଳିଶା ପାଠ କରନ୍ତୁ।
ଧନୁ ରାଶି :
ଧନୁ ରାଶି ଉପରେ ଶନିଙ୍କ ଦଶମ ଦୃଷ୍ଟି ରହିଛି। ତେଣୁ ଆପଣଙ୍କୁ କାର୍ଯ୍ୟକ୍ଷେତ୍ରରେ କଠିନ ପରିଶ୍ରମ କରିବାକୁ ପଡିପାରେ। ଏହି ରାଶିର ବ୍ୟକ୍ତିଙ୍କୁ ସରକାରୀ କ୍ଷେତ୍ରରେ ଶନି ସଫଳତା ଦେଇପାରନ୍ତି। ଯଦି ସ୍ଥିତି ଆପଣଙ୍କ ପକ୍ଷରେ ନରୁହେ ତେବେ ଆପଣଙ୍କୁ ଧୈର୍ଯ୍ୟର ସହ ଆଗକୁ ବଢିବାର ଅଛି। ଟଙ୍କା ଖର୍ଚ୍ଚରୁ ଦୂରେଇ ରହିବେ। ନଚେତ୍ ଆର୍ଥିକ ସ୍ଥିତି ଉପରେ ଖରାପ ପ୍ରଭାବ ପଡିପାରେ। ଉଚ୍ଚ ଶିକ୍ଷା ପାଇଁ ପ୍ରସ୍ତୁତ ହେଉଥିବା ପିଲାଙ୍କ ସମୟ ଭଲ ରହିବ। ଆପଣଙ୍କ ସ୍ୱଭାବରେ ଗମ୍ଭୀରତା ଦେଖିବାକୁ ମିଳିପାରେ। ପାରିବାରିକ ଜୀବନରେ ସନ୍ତୁଳନ ବଜାୟ ରଖିବାକୁ ପ୍ରୟାସ କରିବାକୁ ହେବ। ପ୍ରତିକାର ସ୍ୱରୂପ, କଳା ରାଶି ଏବଂ କଳା ପୋଷାକ ଦାନ କରନ୍ତୁ ।
ଆହୁରି ପଢ଼ନ୍ତୁ...ରୋହିଣୀ ନକ୍ଷତ୍ରରେ ସୂର୍ଯ୍ୟ: ଆରମ୍ଭ ହେଉଛି ‘ନୌତପା’, ଏହି ୪ ରାଶି ପାଇଁ ବଢ଼ିବ ଅସୁବିଧା !
