ନୂଆଦିଲ୍ଲୀ,୨୪/୦୧: ଟି-୨୦ କ୍ରିକେଟ୍ ଯୁଗରେ, ବିସ୍ଫୋରକ ବ୍ୟାଟିଂ କୌଣସି ଛୋଟ ସଫଳତା ନୁହେଁ । କେବଳ ଟି-୨୦ରେ ନୁହେଁ, ବରଂ ଟି-୧୦ ଭଳି ଫର୍ମାଟର ଆଗମନ ସହିତ, କ୍ରିକେଟରେ ବ୍ୟାଟିଂ ବିସ୍ଫୋରଣ ସାଧାରଣ ହୋଇଗଲାଣି । ଏହା ଦିନିକିଆ ଏବଂ ଟେଷ୍ଟକୁ ମଧ୍ୟ ପ୍ରଭାବିତ କରୁଛି । ଟି-୨୦ ଆନ୍ତର୍ଜାତୀୟରେ ୩୦୦ ରନର ସଂଖ୍ୟା ଅତିକ୍ରମ କରିସାରିଛି । କିନ୍ତୁ କ'ଣ କୌଣସି ଦଳ ମାତ୍ର ୪ ଓଭରରେ ୧୪୮ ରନ କରିପାରିବ ? ଏହା ପଢ଼ିବା କିମ୍ବା ଶୁଣିବା ପରେ ଯେ କେହି ବି ଆଶ୍ଚର୍ଯ୍ୟ ହୋଇଯିବେ । ନିଜ ଆଖି ଏବଂ କାନକୁ ବିଶ୍ୱାସ କରି ପାରିବେ ନାହିଁ । କିନ୍ତୁ ଏହା ଘଟିଛି, ଏବଂ ତାହା ମଧ୍ୟ ସାକିବ ଅଲ୍ ହାସନଙ୍କ ଭଳି ବୋଲରଙ୍କ ବିରୋଧରେ, ଯେଉଁଠାରେ ଦୁଇଜଣ ବ୍ୟାଟସମ୍ୟାନ୍ ଏପରି ବିସ୍ପୋରଣ ଘଟାଇଛନ୍ତି ।

କେଉଁଠି ହେଲା ବିସ୍ଫୋରକ ବ୍ୟାଟିଂ ?
ଏହା କିପରି ହେଲା, କେଉଁ ବ୍ୟାଟସମ୍ୟାନ୍ ଏହି ସଫଳତା ହାସଲ କଲେ ନା ଏଥିରେ କୌଣସି ଟ୍ୱିଷ୍ଟ ଅଛି । ଏପରି ବିସ୍ପୋରଣ ରନ ଦେଖି ପାଠକଙ୍କ ମନରେ ପ୍ରଶ୍ନ ଉଠୁଥିବ । ଏହା ଏକ ମ୍ୟାଚରେ ଘଟିଥିଲା ​​ଯେଉଁଠାରେ ଦୁଇଜଣ ବ୍ୟାଟସମ୍ୟାନ୍ ମିଶି ମାତ୍ର ୪ ଓଭରରେ ୧୪୮ ରନ୍ କରିଥିଲେ । ଏହି ମ୍ୟାଚ୍ ସାଉଦି ଆରବ ଏବଂ ବାଂଲାଦେଶ ମଧ୍ୟରେ ଖେଳାଯାଇଥିଲା, ଯାହାକୁ ସାଉଦି ଆର ୬୧ ରନର ବିଶାଳ ବ୍ୟବଧାନରେ ଜିତିଛି ।

ସାଉଦି ଆରବର ଅବଦୁଲ ୱାହିଦ ଏବଂ ୱାଜିହ ଉଲ ହାସନ ଏହି ସଫଳତା ହାସଲ କରିଛନ୍ତି । ଏହି ଦୁଇ ବ୍ୟାଟର ସାଉଦି ଆରବରେ ଅନୁଷ୍ଠିତ ଏଫ୨ ଡବଲ୍ ୱିକେଟ୍ ବିଶ୍ୱକପ୍ ଟୁର୍ଣ୍ଣାମେଣ୍ଟରେ ଏହି ବିସ୍ଫୋରକ ବ୍ୟାଟିଂ କରିଛନ୍ତି । ସାଉଦି ଆରବରେ କ୍ରିକେଟକୁ ଲୋକପ୍ରିୟ କରିବା ପାଇଁ ଚାଲିଥିବା "କ୍ରିକେଟ୍ ମହୋତ୍ସବ"ର ଏକ ଅଂଶ ଭାବରେ ଏହି ଟୁର୍ଣ୍ଣାମେଣ୍ଟ ଖେଳାଯାଇଥିଲା । ଇରଫାନ ପଠାନ, ସୋଏବ ମାଲିକ, ସାକିବ ଅଲ ହାସନ ଏବଂ ଅବୈସ ଶାହଙ୍କ ଭଳି ଅନ୍ତର୍ଜାତୀୟ କ୍ରିକେଟର ସମେତ ମୋଟ ୧୦ଟି ଦଳ ଅଂଶଗ୍ରହଣ କରିଥିଲେ ।

ଏହା ବି ପଢନ୍ତୁ...ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜ୍ ପାଇଁ ଘୋଷଣା ହେଲା ଭାରତୀୟ ମହିଳା ଦଳ, ଏହି ଷ୍ଟାର ଖେଳାଳିଙ୍କୁ ମିଳିଲା ସୁଯୋଗ


ଟୁର୍ଣ୍ଣାମେଣ୍ଟର ନିୟମ ଏବଂ ଫର୍ମାଟ୍ କ’ଣ ?
ଏହି ଟୁର୍ଣ୍ଣାମେଣ୍ଟର ଫର୍ମାଟ ଯେ କେବଳ ୪ ଓଭରରେ ନିରପେକ୍ଷ ଭାବରେ ରନ ସ୍କୋର କରାଯାଏ ।  ପ୍ରତ୍ୟେକ ମ୍ୟାଚ୍ ୪ ଓଭର ବିଶିଷ୍ଟ ଥିଲା। ପ୍ରତ୍ୟେକ ଦଳରୁ କେବଳ ଦୁଇଜଣ ବ୍ୟାଟ୍ସମ୍ୟାନ ବ୍ୟାଟିଂ ଏବଂ ବୋଲିଂ କରିପାରିବେ । ଏହି ମ୍ୟାଚ୍ ଗୁଡିକ ପିଚ୍ ପରିବର୍ତ୍ତେ ମ୍ୟାଟରେ ଖେଳାଯାଉଥିଲା, ପିଚ୍ ପ୍ରାୟ ୨୨ ୟାର୍ଡ ପରିବର୍ତ୍ତେ ୧୫ ୟାର୍ଡ ଚଉଡା ଥିଲା । ଏହି ୪ ଓଭର ମଧ୍ୟରୁ ଗୋଟିଏ ଫାୟାର ଓଭର ଥିଲା, ଯେଉଁଥିରେ ସାଧାରଣ ୪ କିମ୍ବା ୫ ପରିବର୍ତ୍ତେ ପ୍ରତି ସୀମା ପାଇଁ ୧୨ ରନ ଦିଆଯାଇଥିଲା । ସମଗ୍ର ଟୁର୍ଣ୍ଣାମେଣ୍ଟରେ ହାଇସ୍କୋର ଦେଖିବାକୁ ମିଳିଥିଲା । ୪ ଓଭରରେ ୧୪୬ ରନ ହୋଇଥିଲା । ଏହି ଟୁର୍ଣ୍ଣାମେଣ୍ଟ ଇଂଲଣ୍ଡ ଜିତିଛି । ଫାଇନାଲରେ ସାଉଦି ଆରବକୁ ପରାସ୍ତ କରିଥିଲା ଇଂଲଣ୍ଡ ।
​​​​​​​