ନୂଆଦିଲ୍ଲୀ,୨୯/୧୧: ଭାରତୀୟ କ୍ରିକେଟ ଦଳ ପିଙ୍କ୍ ବଲ୍ ଟେଷ୍ଟ ନେଇ ପ୍ରସ୍ତୁତି ଆରମ୍ଭ କରି ଦେଇଛି । ବର୍ଡର-ଗାଭାସ୍କର ଟ୍ରଫିର ଦ୍ବିତୀୟ ଟେଷ୍ଟ ଆଡିଲେଡରେ ଡିସେମ୍ବର ୬ ତାରିଖରେ ଖେଳାଯିବ । ଏହାପୂର୍ବରୁ ପୂର୍ବରୁ ଏକ ପ୍ରାକ୍ଟିସ ମ୍ୟାଚ ଖେଳିଯିବ । ଆସନ୍ତାକାଲି ୩ ଦିନ ଧିରେ ୱାର୍ମଅଫ ମ୍ୟାଚ ଖେଳାଯିବ । ଏହାରି ମଧ୍ୟରେ ଭାରତୀୟ କ୍ରିକେଟ ଦଳ ପାଇଁ ଏକ ଖୁସି ଖବର ଆସିଛି । ଟିମ୍ ଇଣ୍ଡିଆର ଷ୍ଟାର ପ୍ଲେୟାର ଶୁଭମନ ଗିଲ ଦଳକୁ କମବ୍ୟାକ କରିବାକୁ ଯାଉଛନ୍ତି । ଶୁଭମନ ଅଷ୍ଟ୍ରେଲିଆ ବିପକ୍ଷ ଦ୍ବିତୀୟ ଟେଷ୍ଟରେ ଖେଳିବାର ସମ୍ଭାବନା ରହିଛି ।
ପ୍ରଥମ ଟେଷ୍ଟ ଖେଳିନଥିଲେ ଶୁଭମନ- ବର୍ଡର-ଗାଭାସ୍କର ଟ୍ରଫିରେ ଭାରତୀୟ ଦଳରେ ଶୁଭମନ ଗିଲ ସାମିଲ ଅଛନ୍ତି । ମାତ୍ର ପ୍ରଥମ ଟେଷ୍ଟ ସେ ଖେଳି ନଥିଲେ । ଆହତ ସମସ୍ୟା ପାଇଁ ପ୍ରଥମ ଟେଷ୍ଟରୁ ବାଦ ପଡିଥିଲେ ଶୁଭମନ । ତାଙ୍କ ସ୍ଥାନରେ ଦେବଦତ୍ତ ପାଡିକର ଦଳରେ ସାମିଲ ହୋଇଥିଲେ । ବର୍ତମାନ ଶୁବମନ ସୁସ୍ଥ ଥିବାରୁ ସେ ଦଳକୁ ଫେରିବାର ସମ୍ଭାବନା ରହିଛି । ନେଟ ପ୍ରାକ୍ଟିସ କରୁଥିବା ମଧ୍ୟ ଦେଖିବାକୁ ମିଳିଛି ।
ଭାରତ ବନାମ ପିଏମ ୧୧ ମଧ୍ୟରେ ହେବ ପିଙ୍କ୍ ବଲ ପ୍ରାକ୍ଟିସ ମ୍ୟାଚ- ଭାରତୀୟ କ୍ରିକେଟ ଦଳ ବର୍ତମାନ କାନବେରାରେ ଅଛି । ଆସନ୍ତାକାଲିଠୁ ଭାରତ ଓ ଅଷ୍ଟ୍ରେଲିଆ ପ୍ରଧାନମନ୍ତ୍ରୀ ଏକାଦଶ ମଧ୍ୟରେ ଏକ ଦିବାରାତ୍ର ଅଭ୍ୟାସ ମ୍ୟାଚ୍ ଆରମ୍ଭ ହେବ । ଶୁବମନ ଗିଲ ନେଟରେ ପ୍ରାକ୍ଟିସ କରିବାକୁ ଓହ୍ଲାଇଛନ୍ତି । ନ୍ୟୁଜିଲାଣ୍ଡ ବିପକ୍ଷ ଟେଷ୍ଟ ସିରିଜରେ ଶୁଭମନଙ୍କ ପ୍ରଦର୍ଶନ ଭଲ ନଥିଲା । ଅଷ୍ଟ୍ରେଲିଆ ବିପକ୍ଷ ଟେଷ୍ଟ ସିରିଜରେ ସେ ଭଲ ପ୍ରଦର୍ଶନ କରିବେ ବୋଲି ଆଶା କରାଯାଉଛି ।
ପ୍ରକାଶ ଥାଉ କି, ବର୍ଡର-ଗାଭାସ୍କର ଟ୍ରଫିର ପ୍ରଥମ ଟେଷ୍ଟରେ ଭାରତ ଚମତ୍କାର ପ୍ରଦର୍ଶନ କରିଥିଲା । ଅଷ୍ଟ୍ରେଲିଆ ମାଟିରେ ୨୯୫ ରନ୍ର ବୃହତ ବିଜୟ ହାସଲ କରିଥିଲା ଦଳ । ୧-୦ ସିରିଜରେ ଆଗରେ ରହିଛି ଟିମ୍ ଇଣ୍ଡିଆ । ଅଭ୍ୟାସ ମ୍ୟାଚ୍ ଶେଷ ହେବା ପରେ ଡିସେମ୍ବର ୬ ତାରିଖରୁ ଆଡିଲେଡରେ ଦ୍ୱିତୀୟ ଟେଷ୍ଟ ଖେଳାଯିବ ।
