- ବିମାନରେ ବସିଥିବା ଯାତ୍ରୀ ଅଳ୍ପକେ ବର୍ତ୍ତିଲେ
- ଏୟାର ଇଣ୍ଡିଆ ବିମାନର ଏପିୟୁରେ ଲାଗିଥିଲା ନିଆଁ
- ବଡ଼ ଘଟଣାରୁ ଅଳ୍ପକେ ବର୍ତ୍ତିଗଲା ଯାତ୍ରୀଙ୍କ ଜୀବନ
ନୂଆଦିଲ୍ଲୀ : ଦିଲ୍ଲୀରେ ୨୪ ଘଣ୍ଟା ଭିତରେ ଏୟାର ଇଣ୍ଡିଆର ଦୁଇଟି ବିମାନରେ ବସିଥିବା ଯାତ୍ରୀ ଅଳ୍ପକେ ବର୍ତ୍ତି ଯାଇଛନ୍ତି। ଗୋଟିଏ ବିମାନର ଏପିୟୁରେ ନିଆଁ ଲାଗିବା ପରେ ତାକୁ ତତ୍କାଳ ଇନ୍ଦିରା ଗାନ୍ଧୀ ଇଣ୍ଟରନ୍ୟାସନାଲ ଏୟାରପୋର୍ଟରେ ପୁଣି ରଖାଯାଇ ଆଉ ଏକ ଇଞ୍ଜିନରେ ଏକ କଣ୍ଟେନର ଲଗାଯାଇ ଥିଲା। ସୌଭାଗ୍ୟ ଯାଏ , କୌଣସି ବଡ଼ ଦୁର୍ଘଟଣା ଘଟି ନାହିଁ।
ସିଙ୍ଗାପୁର ଯାଉଥିବା ଏୟାର ଇଣ୍ଡିଆର ଏକ ବିମାନର ଯାନ୍ତ୍ରିକ ତ୍ରୁଟି କାରଣରୁ ବୁଧବାର ବିଳମ୍ୱିତ ରାତିରେ ରାଜଧାନୀ ଦିଲ୍ଲୀ ଫେରି ଆସିଥିଲା। ପିଟିଆଇ ସୂତ୍ରାନୁସାରେ ଦର୍ଶାଇଛି ଯେ, ବିମାନରେ ପାଖାପାଖି ୧୯୦ ଜଣ ଲୋକ ବସି ଥିଲେ। ସୂତ୍ରାନୁସାରେ, ଡ୍ରିମଲାଇନର ବିମାନରେ ଏପିୟୁ (ଅକ୍ସିଲିୟରୀ ପାୱାର ୟୁନିଟ୍)ରେ ଅଗ୍ନିକାଣ୍ଡର ସତର୍କ ସୂଚନା ମିଳିଥିଲା, ଏହାପରେ ବିମାନ ପାଖାପାଖି ଏକ ଘଣ୍ଟା ଯାଏ ବାୟୁରେ ରହିବା ପରେ ଦିଲ୍ଲୀ ଫେରିଆସି ଥିଲା।
ଯାତ୍ରୀଙ୍କୁ ବୈକଳ୍ପିକ ବିମାନ ଦ୍ୱାରା ସିଙ୍ଗାପୁର ପଠାଯାଇ ଥିଲା। ଏହି ସମ୍ୱନ୍ଧରେ ସଂପର୍କ କରିବା ପରେ ଏୟାର ଇଣ୍ଡିଆର ଜଣେ ପ୍ରବକ୍ତା କହିଥିଲେ ଯେ, ୧୪ ଜାନୁଆରୀରେ ଦିଲ୍ଲୀରୁ ସିଙ୍ଗାପୁର ଯାଉଥିବା ବିମାନ ଏଆଇ ୨୩୮୦ର ପରିଚାଳନା ଦଳ ସମ୍ଭାବିତ ଯାନ୍ତ୍ରିକ ତ୍ରୁଟି ଯୋଗୁଁ ଉଡ଼ାଣ ଭରିବାର କିଛି ହିଁ ସମୟ ପରେ ଦିଲ୍ଲୀ ଫେରିବାକୁ ନିଷ୍ପତ୍ତି ନେଇଥିଲା।
ପ୍ରବକ୍ତା ଏକ ଟିପ୍ପଣୀରେ କହିଥିଲେ – ବିମାନଟି ଦିଲ୍ଲୀରେ ସୁରକ୍ଷିତ ଅବତରଣ କରିଥିଲା। ଦିଲ୍ଲୀରେ ଆମର ଟିମ୍ ଯାତ୍ରୀଙ୍କୁ ସବୁ ଆବଶ୍ୟକତା ସହାୟତା ପ୍ରଦାନ କରିଥିଲେ ଏବଂ ତାଙ୍କୁ ବୈକଳ୍ପିକ ବିମାନରେ ସିଙ୍ଗାପୁର ଅଭିମୁଖେ ପ୍ରସ୍ଥାନ କରାଯାଇ ଥିଲା। ପ୍ରବକ୍ତା ଏହି ଅପ୍ରତ୍ୟାଶିତ ସ୍ଥିତି କାରଣରୁ ଯାତ୍ରୀଙ୍କୁ ହୋଇଥିବା ଅସୁବିଧାକୁ ନେଇ ଦୁଃଖ ପ୍ରକାଶ ମଧ୍ୟ କରିଛନ୍ତି।
ଅନ୍ୟ ଏକ ଘଟଣାରେ ଏୟାର ଇଣ୍ଡିଆର ଏକ ବିମାନ ଏୟାରପୋର୍ଟରେ ଏକ କଣ୍ଟେନରକୁ ନିଜ ଆଡ଼କୁ ଟାଣି ଥିଲା। ଏଥିରେ ଇଞ୍ଜିନ କ୍ଷତିଗ୍ରସ୍ତ ହୋଇ ଯାଇ ଥିଲା। ହିନ୍ଦୁସ୍ତାନ ଟାଇମ୍ସର ରିପୋର୍ଟ ମୁତାବିକ , ଏୟାର ଇଣ୍ଡିଆର ଏ୩୫୦ ବିମାନର ଇଞ୍ଜିନରେ ଗୁରୁବାର କଣ୍ଟେନର ପଶି ଯାଇଥିଲା । ବିମାନରେ ବସିଥିବା ଜଣେ ଯାତ୍ରୀ ଘଟଣାକୁ ନିଜ ମୋବାଇଲ କ୍ୟାମେରାରେ କଏଦ କରି ଥିଲେ। ଘଟଣାକୁ ନେଇ ଏୟାର ଇଣ୍ଡିଆର ବୟାନ ସାମ୍ନାକୁ ଆସିଛି।
