ନୂଆଦିଲ୍ଲୀ, ୨୬।୭: ଲୋକପ୍ରିୟ ହଲିଉଡ୍ ସିଙ୍ଗର ଡେମ୍ କ୍ଲିଓ ଲାଇନଙ୍କ ଦେହାନ୍ତ ହୋଇଛି । ଲେଡି ଡାଙ୍କୱର୍ଥ ନାମରେ ଜଣାଶୁଣା ଏହି ଗାୟିକା ୯୭ ବର୍ଷ ବୟସରେ ଦୁନିଆକୁ ଅଲବିଦା କହିଛନ୍ତି । କ୍ଲିଓ ଲେନ୍ ଜଣେ ଲୋକପ୍ରିୟ ଜାଜ୍ ଗାୟିକା ଥିଲେ । ତାଙ୍କୁ ଆମେରିକୀୟ ସଙ୍ଗୀତରେ ବ୍ରିଟେନର ସର୍ବଶ୍ରେଷ୍ଠ ଅବଦାନକାରୀ ଭାବେ ମଧ୍ୟ ବିବେଚନା କରାଯାଏ । ସେ ସ୍ୱର୍ଗତ ଜାଜ୍ ସଂଗୀତଜ୍ଞ ଜନ୍ ଡାଙ୍କୱର୍ଥଙ୍କ ପତ୍ନୀ ଥିଲେ । ଡେମ୍ କ୍ଲିଓ ଲେନ୍ ତାଙ୍କ ସ୍ୱର୍ଗତ ଜାଜ୍ ସଂଗୀତଜ୍ଞ ସ୍ୱାମୀ ଜନ୍ ଡାଙ୍କୱର୍ଥଙ୍କ ସହ ମିଳିତ ଭାବେ 'ଦି ଷ୍ଟେବଲ୍ସ' ନାମକ ଏକ ଚାରିଟି ସଂସ୍ଥା ଏବଂ ସ୍ଥାନ ପ୍ରତିଷ୍ଠା କରିଥିଲେ ।
ଶୁକ୍ରବାର ଏହି ଚାରିଟି ସଂସ୍ଥା କହିଛି ଯେ, ଏହି ସଂସ୍ଥାର ପ୍ରତିଷ୍ଠାତା ଏବଂ ସ୍ଥାୟୀ ସଭାପତି ଡେମ୍ କ୍ଲିଓଙ୍କ ମୃତ୍ୟୁ ହୋଇଛି । ଗାୟିକାଙ୍କ ମୃତ୍ୟୁ ଖବର ଶୁଣି ସଂସ୍ଥାର ସଦସ୍ୟ ଦୁଃଖ ପ୍ରକାଶ କରିଛନ୍ତି । 'ଦ ଷ୍ଟେବଲ୍ସ'ର କଳା ନିର୍ଦ୍ଦେଶକ ମୋନିକା ଫର୍ଗୁସନ୍ କହିଛନ୍ତି ଯେ, କ୍ଲିଓ ଲେନ୍ଙ୍କୁ ବହୁତ ମନେ ପକାଇବେ । ତାଙ୍କର ଅନନ୍ୟ ପ୍ରତିଭାକୁ ବିଶ୍ୱ ସର୍ବଦା ମନେ ରଖାଯିବ । ସେ ଅନେକ ପ୍ରତିଭାର ଅଧିକାରୀ ଥିଲେ । ସେ କର୍ଟ ୱେଲ୍, ଆର୍ନୋଲ୍ଡ ସ୍କୋଏନବର୍ଗ ଏବଂ ରବର୍ଟ ସ୍କୁମ୍ୟାନଙ୍କ ଗୀତ ଗାଇଥିଲେ । ସେ ଚଳଚ୍ଚିତ୍ରରେ ଅଭିନୟ କରିବା ସହ ବେଞ୍ଜାମିନ୍ ବ୍ରିଟେନଙ୍କ 'ନଏଜ୍ ଫ୍ଲୁଇଡ୍'ର ଏକ ପ୍ରଯୋଜନାରେ ଈଶ୍ୱରଙ୍କ ଭୂମିକା ମଧ୍ୟ କରିଥିଲେ ।
୨୮ ଅକ୍ଟୋବର ୧୯୨୭ରେ ୟୁନାଇଟେଡ୍ କିଙ୍ଗଡମର ଅକ୍ସବ୍ରିଜ୍ରେ ଜନ୍ମଗ୍ରହଣ କରିଥିବା କ୍ଲିଓ ଲେନ୍ଙ୍କ ଜୀବନ ବିଶେଷ ଭାବରେ ଆର୍ଟ ଡାଙ୍କୱର୍ଥ ସହିତ ଜଡ଼ିତ ଥିଲା । ଡାଙ୍କୱର୍ଥ ୧୯୫୧ ମସିହାରେ କ୍ଲିଓ ଲେନ୍ଙ୍କୁ ଚାକିରି ଦେଇଥିଲେ ଏବଂ ୭ ବର୍ଷ ପରେ ତାଙ୍କୁ ବିବାହ କରିଥିଲେ । ଉଭୟେ ସେମାନଙ୍କର ୮୦ତମ ଜନ୍ମଦିନ ପରେ ମଧ୍ୟ ନିଜର ଷ୍ଟେଜ୍ ସୋ ଜାରି ରଖିଥିଲେ । ୨୦୧୦ରେ ୮୨ ବର୍ଷ ବୟସରେ ଡାଙ୍କୱର୍ଥଙ୍କ ମୃତ୍ୟୁ ହୋଇଥିଲା । ପ୍ରାୟ ୧୫ ବର୍ଷ ପରେ କ୍ଲିଓ ଲେନ୍ ମଧ୍ୟ ଦୁନିଆରୁ ବିଦାୟ ନେଇଛନ୍ତି ।
