ମାଲକାନଗିରି, ୨୫।୬(ଆପ୍ର): ଲୋକଙ୍କର ସୁରକ୍ଷା ବଳ ଉପରେ ବଢୁଛି ବିଶ୍ବାସ। ଏପରି କିଛି ଦୃଶ୍ୟ ଦେଖିବାକୁ ମିଳିଛି ମାଲକାନଗିରି ଜିଲ୍ଲା ସୀମାନ୍ତ ଛତିଶଗଡରେ। ଯେଉଁଠି ଜଣେ ବିବାହ ହେଉଥିବା କନ୍ୟାକୁ ବିଦାୟ ଜଣାଇଲେ ସିଆରପିଏଫ୍ ଯବାନମାନେ। କୁଖ୍ୟାତ ମାଓ ନେତା ହିଡମାଙ୍କ ଗାଁ ନିଜ ଗ୍ରାମରୁ ଏପରି ଚିତ୍ର ଆସିଛି।
ସୂଚନା ଅନୁଯାୟୀ ଛତିଶଗଡର ସୁକୁମା ଜିଲ୍ଲା ପୁବର୍ତୀ ଠାରେ ଜଣେ ଯୁବତୀର ବାହାଘର ଅନୁଷ୍ଠିତ ହୋଇ ଥିଲା। ସମସ୍ତ ରୀତିନୀତି ପରେ ଝିଅ ବିଦାୟ ସମୟରେ ଗ୍ରାମବାସୀ ଯବାନଙ୍କ ଆର୍ଶିବାଦ ନେବା ଲାଗି ୧୫୦ ବାଟାଲିୟନର ଯବାନଙ୍କ କ୍ୟାମ୍ପ ନିକଟକୁ ନାଚି ନାଚିପହଞ୍ଚି ଥିଲେ। ସିଆରପିଏଫ୍ ଅଧିକାରୀ ଓ ଯବାନ କ୍ୟାମ୍ପରୁ ବାହାରି କନ୍ୟାକୁ ଆଶିର୍ବାଦ ପ୍ରଦାନ ସହ ଉପହାର ସ୍ୱରୁପ କିଛି ଟଙ୍କା ପ୍ରଦାନ କରି ବନ୍ଦାପନା କରି ଥିଲେ। ଆଉ ଯବାନ ଗ୍ରାମବାସୀଙ୍କ ସହ ମିଶି ନୃତ୍ୟ ମଧ୍ୟ କରିଥିଲେ। ମାଓ ଗଡରେ ଏପରି ଚିତ୍ର ସାମ୍ନାକୁ ଆସିବା ପରେ ମାଓବାଦୀଙ୍କ ଉପରେ ଲୋକଙ୍କ ଭରସା ତୁଟୁଥିବା କୁହାଯାଉଛି।
