ମୁମ୍ବାଇ ୧୨/୧୨: ସାଜିଦ୍ ନାଡିଆଡ୍ୱାଲାଙ୍କ ଅପ୍କମିଂ ଆକ୍ସନ୍ ଫିଲ୍ମ ‘ବାଗୀ-୪’କୁ ନେଇ ଚର୍ଚ୍ଚା ଜାରି ରହିଛି । ‘ବାଗୀ’ ସିରିଜ୍ର ପୂର୍ବ ୩ଟି ଫିଲ୍ମ ଭଳି ଏଥିରେ ବି ଟାଇଗର ଶ୍ରଫ୍ ହିରୋ ଭୂମିକାରେ ନଜର ଆସିବେ । ସଂଜୟ ଦତ୍ତଙ୍କୁ ମୁଖ୍ୟ ଭିଲେନ୍ ଭାବେ ଦେଖିବାକୁ ମିଳିବ । ତେବେ ଫିଲ୍ମର ହିରୋଇନ୍ କିଏ ହେବେ ତାର ଖୁଲାସା ହୋଇନଥିଲା । ମଙ୍ଗଳବାର ଫିଲ୍ମର ନିର୍ମାତାମାନେ ଆନୁଷ୍ଠାନିକ ଭାବେ ସୋସିଆଲ ମିଡିଆ ହ୍ୟାଣ୍ଡଲରେ ଫିମେଲ୍ ଲିଡ୍ଙ୍କ ସଂପର୍କରେ ଘୋଷଣା କରିଛନ୍ତି ।
ସେ ଅନୁସାରେ, ପଞ୍ଜାବୀ ଫିଲ୍ମ ଇଣ୍ଡଷ୍ଟ୍ରିର ପ୍ରସିଦ୍ଧ ଅଭିନେତ୍ରୀ ସୋନମ୍ ବାଜୱା ଟାଇଗରଙ୍କ ବିପକ୍ଷରେ ସ୍କ୍ରିନ୍ ସେୟାର କରିବେ । ସୋନମ୍ଙ୍କୁ ମଧ୍ୟ ସେଥିରେ କିଛିଟା ଆକ୍ସନ୍ ଦୃଶ୍ୟରେ ଦେଖିବାକୁ ମିଳିପାରେ । କିଛି ଦିନ ପୂର୍ବରୁ ‘ବାଗୀ-୪’ରେ ଟାଇଗର ଶ୍ରଫ୍ ଓ ସଞ୍ଜୟ ଦତ୍ତଙ୍କ ଫାଷ୍ଟ ଲୁକ୍ ପୋଷ୍ଟର ସାମ୍ନାକୁ ଆସିଥିଲା । ଖୁବ୍ ଶୀଘ୍ର ଫିଲ୍ମର ସୁଟିଂ ଆରମ୍ଭ ହେବାର ଅଛି । ‘ବାଗୀ-୪’କୁ କନ୍ନଡ଼ ଭାଷାର ପ୍ରସିଦ୍ଧ ନିର୍ଦ୍ଦେଶକ-କୋରିଓଗ୍ରାଫର ଏ.ହର୍ଷ ନିର୍ଦ୍ଦେଶନା ଦେବେ । ଆସନ୍ତାବର୍ଷ ସେପ୍ଟେମ୍ବର ୫ ତାରିଖରେ ଫିଲ୍ମଟି ରିଲିଜ୍ ହେବ । ‘ବାଗୀ-୪’ ବ୍ୟତୀତ ସାଜିଦ୍ ନାଡିଆଡ୍ୱାଲାଙ୍କ ସହିତ ସୋନମ୍ ‘ହାଉସ୍ଫୁଲ୍-୫’ରେ ମଧ୍ୟ କାମ କରୁଛନ୍ତି । ସେହି ଫିଲ୍ମ ଜରିଆରେ ସେ ବଲିଉଡ୍ରେ ଏଣ୍ଟ୍ରି କରିବେ ।
