ଜ୍ୟୋତିଷ ଶାସ୍ତ୍ରରେ ସୂର୍ଯ୍ୟପରାଗର ରହିଛି ବିଶେଷ ମହତ୍ତ୍ୱ । ୨୦୨୫ ବର୍ଷର ପ୍ରଥମ ସୂର୍ଯ୍ୟପରାଗ ୨୯ ମାର୍ଚ୍ଚ ଶନିବାର ଦିନ ହେବାକୁ ଯାଉଛି । ଏହି ସୂର୍ଯ୍ୟଗ୍ରହଣ ଭାରତୀୟ ସମୟ ଅନୁସାରେ ଅପରାହ୍ନ ୨ଟା ୨୦ ମିନିଟରେ ଆରମ୍ଭ ହେବ ଏବଂ ସନ୍ଧ୍ୟା ୬ଟା ୧୬ମିନିଟରେ ଶେଷ ହେବ । ଏହି ପରାଗ ମୋଟ ଅବଧି ୦୩ ଘଣ୍ଟା ୫୩ ମିନିଟ୍ ରହିବ । ବର୍ଷର ଏହି ପ୍ରଥମ ସୂର୍ଯ୍ୟପରାଗ ମୀନ ରାଶି ଏବଂ ଉତ୍ତର ଭାଦ୍ରପଦ ନକ୍ଷତ୍ରରେ ହେବ । ଯଦିଓ ଏହି ପରାଗ ଭାରତରେ ଦୃଶ୍ୟମାନ ହେବ ନାହିଁ,ତଥାପି ଏହାର ପ୍ରଭାବ ଆଗାମୀ ୩ ମାସ ପର୍ଯ୍ୟନ୍ତ ଅନେକ ରାଶି ଉପରେ ଅନୁଭୂତ ହୋଇପାରେ । ଏହି ସୂର୍ଯ୍ୟପରାଗ ପରେ କିଛି ରାଶିଙ୍କୁ ବିଶେଷ ସତର୍କ ରହିବାକୁ ପଡିବ । ତେବେ ଆସନ୍ତୁ ଜାଣିବା କେଉଁ ରାଶି ଉପରେ ଏହି ସୂର୍ଯ୍ୟ ପରାଗର ପ୍ରଭାବ ପଡ଼ିବ ।
ମେଷ ରାଶି: ସୂର୍ଯ୍ୟପରାଗ ଯୋଗୁଁ ମେଷ ରାଶିର ଲୋକମାନେ ଆର୍ଥିକ କ୍ଷତି ସହିପାରନ୍ତି । ଏହି ସମୟରେ ଯେକୌଣସି ପ୍ରକାରର ଅନାବଶ୍ୟକ ଖର୍ଚ୍ଚରୁ ଦୂରେଇ ରହିବା ଆବଶ୍ୟକ । ବ୍ୟବସାୟରେ କାରବାର କରିବା ସମୟରେ ସତର୍କ ରୁହନ୍ତୁ । କାହା ପ୍ରଭାବରେ କୌଣସି ନିଷ୍ପତ୍ତି ନିଅନ୍ତୁ ନାହିଁ, ନଚେତ୍ ଆପଣଙ୍କୁ କ୍ଷତି ସହିବାକୁ ପଡ଼ିପାରେ ।
କର୍କଟ ରାଶି: କର୍କଟ ରାଶିର ବ୍ୟକ୍ତିମାନଙ୍କୁ ୨୯ ମାର୍ଚ୍ଚ ପର ଠାରୁ ଜୁନ୍ ମାସ ପର୍ଯ୍ୟନ୍ତ ନିଜ କ୍ୟାରିଅର ପ୍ରତି ବହୁତ ସତର୍କ ରହିବାକୁ ପଡିବ । ଏହି ସମୟରେ କୌଣସି ବି ପ୍ରକାରର ଅସାବଧାନତା ଆପଣଙ୍କ ପାଇଁ କ୍ଷତିକାରକ ସାବ୍ୟସ୍ତ ହୋଇପାରେ । ଆପଣଙ୍କର ଏକ ଛୋଟ ଭୁଲ ମଧ୍ୟ ଆପଣଙ୍କୁ ବହୁତ ମହଙ୍ଗା ପଡ଼ିବ ଏବଂ ଆପଣଙ୍କ ଚାକିରି ମଧ୍ୟ ବିପଦରେ ପଡ଼ିପାରେ ।
ମୀନ ରାଶି: ବର୍ଷର ପ୍ରଥମ ସୂର୍ଯ୍ୟପରାଗ ମୀନ ରାଶିରେ ହେଉଛି। ତେଣୁ ଏହି ସମୟରେ ମୀନ ରାଶିର ଲୋକଙ୍କୁ ମାନସିକ ଚାପର ସମ୍ମୁଖୀନ ହେବାକୁ ପଡ଼ିପାରେ । କୌଣସି ପ୍ରକାରର ଚାପକୁ ନିଜ ଉପରେ ପ୍ରଭାବ ପକାଇବାକୁ ଦିଅନ୍ତୁ ନାହିଁ ଏବଂ ଧର୍ଯ୍ୟର ସହିତ ନିଜର କାର୍ଯ୍ୟ ଗୁଡ଼ିକୁ ସମାପ୍ତ କରିବାକୁ ଚେଷ୍ଟା କରନ୍ତୁ । ପରିବାରରେ ଦ୍ୱନ୍ଦ୍ୱ ହେତୁ ଆପଣ ଚାପ ମଧ୍ୟ ଅନୁଭବ କରିପାରନ୍ତି । ଶାନ୍ତ ରୁହନ୍ତୁ ଏବଂ ବିବାଦର ସମାଧାନ କରିବାକୁ ଚେଷ୍ଟା କରନ୍ତୁ ।
