ପାଟନା,୨୩।୧: ବିହାରର ବୋତିଆ ଜିଲ୍ଲାର ଜିଲ୍ଲା ଶିକ୍ଷା ଅଧିକାରୀଙ୍କ ଘରେ ଭିଜିଲାନ୍ସ ଚଢାଉ। ଦୁର୍ନୀତି ଅଭିଯୋଗ ରେଡ୍ ବେଳେ ମିଳିଲା ୧ କୋଟି ୮୭ ଲକ୍ଷ ଟଙ୍କାର ନଗଦ କ୍ୟାସ୍। ଅଧିକାରୀଙ୍କ ସମ୍ପତ୍ତି ଦେଖି ତଦନ୍ତକାରୀ ଟିମ୍ ହୋଇଛନ୍ତି ତାଜୁବ୍। କ୍ୟାସ୍ ଗଣିବାକୁ ଭିଜିଲାନ୍ସ ଟିମ୍କୁ ୨ ଘଣ୍ଟା ସମୟ ଲାଗିଥିଲା। ଏହାପରେ ମଗାଯାଇଥିଲା କ୍ୟାସ୍ ଗଣିବା ମେସିନ୍।
ଉଲ୍ଳେଖନୀୟ ଯେ, ଜିଲ୍ଲା ଶିକ୍ଷା ପଦାଧିକାରୀ ରଜନୀକାନ୍ତ ପ୍ରବୀଣ ପ୍ରାୟ ୩ ବର୍ଷ ହେବ ବୋତିୟାରେ ଅବସ୍ଥାପିତ ଅଛନ୍ତି। କୁହାଯାଉଛ ଯେ, ଡେସ୍କ-ବେଞ୍ଜ କିଣିବା ମାମଲାରେ ଡିଇଓ ଖୁବ୍ ଦୁର୍ନୀତି କରିଛନ୍ତି। ଏହାଛଡା ସେ ଶିକ୍ଷକଙ୍କୁ ଖୁବ୍ ଶୋଷଣ କରୁଥିଲେ। ଏହି ଅଭିଯୋଗ ପରେ ଭିଜିଲାନ୍ସ ଟିମ୍ ତାଙ୍କ ଘରେ ଚଢାଉ କରିଥିଲା। ବସନ୍ତବିହାରରେ ଥିବା ଘରେ ହୋଇଥିଲା ରେଡ୍। ତାଙ୍କ ଘର ବେଡ୍ ଉପରୁ ଟଙ୍କା ଜବତ କରାଯାଇଛି। ଚଢାଉ ସମୟରେ ପ୍ରବୀଣ ପୂଜା କରୁଥିଲେ। ସବୁଠାରୁ ବଡ଼ କଥା ହେଲା ଏହି ସବୁ ଟଙ୍କା ସେ ଭଡାରେ ରହୁଥିବା ଘରୁ ଜବତ କରାଯାଇଛି।
କେବଳ ଡିଇଓଙ୍କ ବାସଭବନ ନୁହେଁ ସମସ୍ତୀପୁର ଓ ଦରଭଙ୍ଗାରେ ରେ ଥିବା ତାଙ୍କ ଶ୍ବଶୁର ଘରେ ଚଢାଉ ହୋଇଛି। ଭିଜିଲାନ୍ସର ୮ ସଦସ୍ୟ ବିଶିଷ୍ଟ ଟିମ୍ ଏହି ରେଡ୍ କରିଛନ୍ତି। ଡିଇଓ ରଜନୀକାନ୍ତଙ୍କ ବ୍ୟତୀତ ତାଙ୍କ ପତ୍ନୀ ସୁଷମାଙ୍କ ମଧ୍ୟ ବହୁ ବଡ ଠକେଇ ମାମଲାରେ ସାମିଲ ଅଛନ୍ତି। ସୁଷମା ତିରହୁତ ଏକାଡେମୀ ପ୍ଲସ ଟୁ ସ୍କୁଲରେ ଶିକ୍ଷୟତ୍ରୀ ଅଛନ୍ତି। କିନ୍ତୁ ସେ ସେଠାରେ ଏଜୁକେସନ୍ ଲିଭ୍ ନେଇ ଦରଭଙ୍ଗାରେ ବଡ ଘରୋଇ ସ୍କୁଲର ପରିଚାଳନା କରୁଛନ୍ତି। ଭିଜିଲାନ୍ସ ସୁତ୍ରରୁ ମିଳିଥିବା ସୂଚନା ଅନୁସାରେ, ରଜନୀକାନ୍ତ ଓ ତାଙ୍କ ପରିବାର ନିକଟରେ ପାଟନା ଦରଭଙ୍ଗା, ମଧୁବନୀ ଓ ମୁଜଫରପୁରରେ ସମ୍ପତ୍ତି ରହିଛି।
