ନୂଆଦିଲ୍ଲୀ,୦୮/୦୫; ନିର୍ବାଚନ ସରିଲା । ଫଳାଫଳ ବାହାରିଲା । ତାମିଲନାଡୁରେ ବିଜୟଙ୍କ ଟିଭିକେ ବମ୍ଫର ବିଜୟ ହାସଲ କରି ରାଜ୍ୟରେ ସରକାର ଗଠନ କରିବାକୁ ପ୍ରସ୍ତୁତି ଚଳାଇଛି । ହେଲେ ତାମିଲନାଡୁରେ ସରକାର ଗଠନ ପ୍ରକ୍ରିୟା ଜଟିଳ ହେବାରେ ଲାଗିଛି । ରାଜ୍ୟରେ କୌଣସି ଦଳ କିମ୍ବା ମେଣ୍ଟ ବହୁମତ ହାସଲ ନକରିବାରୁ, ସରକାର ଗଠନର ପଥ ଅସ୍ପଷ୍ଟ ରହିଛି । ଏହା ଦକ୍ଷିଣ ଭାରତୀୟ ରାଜ୍ୟରେ ଏପରି ଏକ ରାଜନୈତିକ ବିକାଶ ଆଡ଼କୁ ନେଇଯାଉଛି ଯାହା ଗତ ୫୦ ବର୍ଷରେ କେହି କେବେ କଳ୍ପନା କରିନଥିଲେ । ତାମିଲନାଡୁରେ ରାଜନୈତିକ ଖେଳ ପ୍ରତ୍ୟେକ ମୁହୂର୍ତ୍ତରେ ପରିବର୍ତ୍ତନ ହେଉଛି, କାରଣ କୌଣସି ଦଳ ବହୁମତ ହାସଲ କରିନାହାଁନ୍ତି। ବିଜେପି ସହିତ ମେଣ୍ଟ କରି ନିର୍ବାଚନ ଲଢ଼ିଥିବା ଏଆଇଏଡିଏମକେ ଏବେ ଏନଡିଏରୁ ଅଲଗା ହେବାକୁ ଚିନ୍ତା କରୁଛି । ଏଆଇଏଡିଏମକେ କାହା ସହିତ ରହିବ ? ବିଜୟ ନା ଷ୍ଟାଲିନ କାହାକୁ କରିବ ସପୋର୍ଟ ।
ତାମିଲନାଡୁରେ ସରକାର ଗଠନ ନେଇ ସସ୍ପେନ୍ସ ଲାଗିରହିଛି । ଥଲାପତି ବିଜୟଙ୍କ ଟିଭିକେ ସଂଖ୍ୟା ଖେଳରେ ଫସିରହିଛି । ବହୁମତ ପାଇଁ ଆଉ ମାତ୍ର ୫ ବିଧାୟକଙ୍କ ସମର୍ଥନ ଆବଶ୍ୟକ । ଦଳ ଗୁରୁବାର ସିପିଆଇ(ଏମ୍)କୁ ଚିଠି ଲେଖି ସମର୍ଥନ ଲୋଡ଼ିଛି । ଆଜି ଏ ନେଇ ନିଷ୍ପତ୍ତି ନିଆଯିବ ବୋଲି ସିପିଆଇ(ଏମ୍) ନେତା ପି. ସନ୍ମୁଗମ୍ କହିଛନ୍ତି । ଥଲାପତି ବିଜୟ ୨ଥର ଲୋକ ଭବନରେ ରାଜ୍ୟପାଳ ରାଜେନ୍ଦ୍ର ଅର୍ଲେକରଙ୍କୁ ଭେଟି ସାରିଛନ୍ତି । କିନ୍ତୁ ତାଙ୍କୁ ଖାଲି ହାତରେ ଫେରିବାକୁ ପଡ଼ିଛି । ପ୍ରଥମେ ବହୁମତ ପ୍ରମାଣ ପାଇଁ ରାଜ୍ୟପାଳ କହିଛନ୍ତି । ଅଭିନେତାରୁ ରାଜନେତା ହୋଇଥିବା ବିଜୟଙ୍କ ଦଳ ଟିଭିକେ ତାମିଲନାଡୁରେ ସବୁଠାରୁ ବଡ଼ ଦଳ ଭାବରେ ଉଭା ହୋଇଛି । କିନ୍ତୁ ସେମାନେ ବହୁମତ ପାଇବାର ସଂଖ୍ୟାରୁ ବଞ୍ଚିତ ଅଛନ୍ତି । କଂଗ୍ରେସ ବିଜୟଙ୍କ ଟିଭିକେକୁ ସମର୍ଥନ କରିଥାଇପାରେ, କିନ୍ତୁ ସେମାନେ ସରକାର ଗଠନ ପାଇଁ ଆବଶ୍ୟକ ମ୍ୟାଜିକ ନମ୍ବର ହାସଲ କରିପାରିନାହିଁ । ବିଜେପି ସହିତ ମେଣ୍ଟ କରି ତାମିଲନାଡୁ ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିବା ଏଆଇଏଡିଏମକେ ଏବେ ଏନଡିଏରୁ ଓହରି ଯିବାକୁ ପ୍ରସ୍ତୁତ ହେଉଛି । ବିଜେପି ସହିତ ମେଣ୍ଟ ଭାଙ୍ଗିବା ପରେ ତାମିଲନାଡୁରେ ଏଆଇଏଡିଏମକେ ଦୁଇଟି ଦଳ ମଧ୍ୟରୁ କେଉଁ ଦଳ ସହିତ ମିଶିବ ଏହେ ଏବେ ବଡ଼ ପ୍ରଶ୍ନ ।
ବିଜେପିଠୁ ଅଲଗା ହେବ ଏଆଇଏଡିଏମକେ- ଏଆଇଏଡିଏମକେ ବିଜେପି ସହିତ ମେଣ୍ଟ କରି ତାମିଲନାଡୁ ବିଧାନସଭା ନିର୍ବାଚନରେ ପ୍ରତିଦ୍ୱନ୍ଦ୍ୱିତା କରିଥିଲା, କିନ୍ତୁ ଅଭିନେତାରୁ ରାଜନେତା ହୋଇଥିବା ବିଜୟ କୁମାରଙ୍କ ଦଳକୁ ପଛରେ ପକାଇ ପାରିନଥିଲା । ଏଆଇଏଡିଏମକେ ରାଜ୍ୟରେ ୧୦୮ ଆସନ ଜିତିଥିଲା, କିନ୍ତୁ ସରକାର ଗଠନ କରିବା ପାଇଁ ୧୧୮ ବିଧାୟକଙ୍କ ସମର୍ଥନ ଆବଶ୍ୟକ। କଂଗ୍ରେସ ନିଶ୍ଚିତ ଭାବେ ବିଜୟଙ୍କ ଦଳକୁ ସମର୍ଥନ କରିବ ବୋଲି ପ୍ରତିଶ୍ରୁତି ଦେଇଛି । ଯାହାର ମୋଟ୍ ୧୧୩ ଜଣ ବିଧାୟକ ଅଛନ୍ତି । ବିଜୟ ସରକାର ଗଠନ କରିବା ପାଇଁ ରାଜ୍ୟପାଳଙ୍କୁ ଦୁଇଥର ଭେଟିଛନ୍ତି, କିନ୍ତୁ ରାଜ୍ୟପାଳ ଏପର୍ଯ୍ୟନ୍ତ ତାଙ୍କର ଅନୁମୋଦନ ଦେଇନାହାଁନ୍ତି। ରାଜ୍ୟପାଳ ବିଜୟଙ୍କୁ ସମର୍ଥନ କରୁଥିବା ୧୧୮ ଜଣ ବିଧାୟକ ତାଲିକା ମାଗିଛନ୍ତି । ଜୟଲଳିତାଙ୍କ ମୃତ୍ୟୁ ପରେ ଲଗାତାର ଚାରି ଥର ନିର୍ବାଚନରେ ପରାଜିତ ହୋଇଥିବା ଏଆଇଏଡିଏମ୍କେ ନିଜର ରାଜନୈତିକ ଅସ୍ତିତ୍ୱକୁ ବଞ୍ଚାଇବା ପାଇଁ ଏହି ମେଣ୍ଟ ଉପରେ ବିଚାର କରୁଛି । ବିଜେପି ସହିତ ମଧ୍ୟ ସହଯୋଗୀ ବିଜୟ ଏଆଇଏଡିଏମକେ ସହିତ ମିଶିବାକୁ ଅନିଚ୍ଛୁକ । ସୂତ୍ର ଅନୁସାରେ ଏଆଇଏଡିଏମକେ ଏନଡିଏରୁ ଅଲଗା ହେବାକୁ ନିଷ୍ପତ୍ତି ନେଇପାରେ ଏବଂ ଆଲୋଚନା ଆରମ୍ଭ ହୋଇସାରିଛି ।
ଏହା ବି ପଢନ୍ତୁ...Vijay majority crisis : ସଂଖ୍ୟା ପାଉ ନାହାଁନ୍ତି ବିଜୟ, ବହୁମତ ପ୍ରମାଣ ପାଇଁ ଆହୁରି ୫ ବିଧାୟକ ଲୋଡ଼ା, ସମର୍ଥନ ନେଇ ଆଜି CPI(M)ର ନିଷ୍ପତ୍ତି
କାହା ସହ ହାତ ମିଳାଇବ AIADMK ? ତାମିଲନାଡୁ ରାଜନୀତିରେ କଂଗ୍ରେସ ଏବଂ ବିଜୟଙ୍କ ମଧ୍ୟରେ ମେଣ୍ଟକୁ ନେଇ ବିଜେପି ଅସନ୍ତୁଷ୍ଟ। କୁହାଯାଉଛି ଯେ ବିଜେପି ଚାହୁଁନାହିଁ ଯେ ବିଜୟ କଂଗ୍ରେସ ସହିତ ସରକାର ଗଠନ କରନ୍ତୁ। ତେଣୁ ପରଦା ପଛରେ, DMK ଏବଂ AIADMK ଏକ ମେଣ୍ଟର ଜାଲ ବିଛାଉଛନ୍ତି । ଡିଏମକେ ମୁଖ୍ୟ ଏମକେ ଷ୍ଟାଲିନ ଏବଂ ଅନ୍ୟାନ୍ୟ ବରିଷ୍ଠ ନେତାମାନେ ଏହି ଅସାଧାରଣ ପରୀକ୍ଷଣ ପ୍ରତି ସତର୍କ ଅଛନ୍ତି । ସେମାନେ ଭୟ କରୁଛନ୍ତି ଯେ, ଏହି ଅସଙ୍ଗତ ମେଣ୍ଟ ସମର୍ଥକଙ୍କ ମଧ୍ୟରେ ବ୍ୟାପକ ଅସନ୍ତୋଷ ସୃଷ୍ଟି କରିପାରେ। ତେଣୁ, ଡିଏମକେ କହିଛି ଯେ ରାଜ୍ୟପାଳ ବିଜୟଙ୍କୁ ସରକାର ଗଠନ କରିବାକୁ ଅନୁମତି ଦେବା ଉଚିତ, ଏବଂ ବିଜୟଙ୍କ ନେତୃତ୍ୱାଧୀନ ସରକାରକୁ ଛଅ ମାସ ପର୍ଯ୍ୟନ୍ତ୍ ସମୟ ଦେବାକୁ ଚାହୁଁଛି ।
ବିଜୟଙ୍କ ଚାଲ- ତାମିଲନାଡୁରେ DMK ଏବଂ AIADMK ମଧ୍ୟରେ ସମ୍ଭାବ୍ୟ ମେଣ୍ଟର ଖବର ପ୍ରସାରିତ ହେବା ମାତ୍ରେ, ବିଜୟଙ୍କ ଦଳ, TVK ଏକ ବଡ଼ ପଦକ୍ଷେପ ନେଇଛି । ଟିଭିତେ ଘୋଷଣା କରିଛି ଯେ, ଯଦି DMK-AIADMK ମେଣ୍ଟ ସରକାର ଗଠନ କରିବାକୁ ଦାବି କରେ, ତେବେ ଏହାର ସମସ୍ତ 108 ବିଧାୟକ ସାମୂହିକ ଭାବରେ ଇସ୍ତଫା ଦେବେ। ଏହି ପଦକ୍ଷେପକୁ ଜନସାଧାରଣ ଏବଂ ଏହାର ସମର୍ଥକମାନଙ୍କୁ ରାସ୍ତାକୁ ଆଣିବା ପାଇଁ ଏକ ସୁଚିନ୍ତିତ ରଣନୀତି ଭାବରେ ଦେଖାଯାଉଛି ।
