ନୂଆଦିଲ୍ଲୀ : 'ଅପରେସନ ସିନ୍ଦୂର' ରେ ବିଚଳିତ ପାକିସ୍ତାନ ଏବେ ହମାସ ଆତଙ୍କୀ ଗ୍ରୁପ୍ ଷ୍ଟାଇଲ୍ରେ ଭାରତ ଉପରେ ହମଲା କରୁଛି। ପ୍ରତିରକ୍ଷା ସୂତ୍ର କହିଛି ଯେ, ପାକିସ୍ତାନୀ ହମଲା ପରେ ଜମ୍ମୁର ଆକାଶରେ ଯେଉଁ ଦୃଶ୍ୟ ଥିଲା, ତାହା ଇସ୍ରାଏଲ-ହମାସ ଯୁଦ୍ଧର ଦୃଶ୍ୟ ଭଳି ଥିଲା। ପ୍ରତିରକ୍ଷା ସୂତ୍ର ଏହି କଥାର ସ୍ପଷ୍ଟ କରିଛି ଯେ, ଗତ ମାସରେ ପାକ୍ ଅଧିକୃତ କାଶ୍ମୀର (ପିଓକେ )ରେ ପାକିସ୍ତାନର ଗୁଇନ୍ଦା ଏଜେନ୍ସି ଆଇଏସଆଇ ଓ ହମାସ ମଧ୍ୟରେ ହୋଇଥିଲା ସାକ୍ଷାତ୍।
ବିଚଳିତ ପାକିସ୍ତାନ ଆଜି (ଗୁରୁବାର, ୮ ମେ) ସନ୍ଧ୍ୟାରେ ଜମ୍ମୁରୁ ନେଇ ଜୈସଲମେର ଯାଏ ପାକିସ୍ତାନ ନିକଟସ୍ଥ ଅଞ୍ଚଳରେ ଜୋରଦାର ଡ୍ରୋନ୍ , ରକେଟ୍ ଓ ମିସାଇଲ ମାଡ଼ କରିଛି , ଯାହାକୁ ଭାରତୀୟ ସୁରକ୍ଷା ବାହିନୀ ଅସଫଳ କରି ଦେଇଛି। ପାକିସ୍ତାନ ପକ୍ଷରୁ ସତୱାରୀ , ସାମ୍ୱା, ଆପଏସ ପୁରା ଓ ଅରନିଆରେ ମୋଟ ୮ ମିସାଇଲ ମାଡ଼ କରାଯାଇଛି, ଯାହାକୁ ଏସ୍-୪୦୦ ଏୟାର ଡିଫେନ୍ସ ସିଷ୍ଟମକୁ ଭଣ୍ଡୁର କରିଦେଇଛି।
ପ୍ରତିରକ୍ଷା ସୂତ୍ର କହିଛି ଯେ, ପାକିସ୍ତାନ ପକ୍ଷରୁ କରାଯାଇ ଥିବା ହମଲା ପରେ ଜମ୍ମୁ, ସାମ୍ୱା ଓ ଅନ୍ୟ କ୍ଷେତ୍ରର ଆକାଶରେ ଯେଉଁ ଦୃଶ୍ୟ ଦେଖିବାକୁ ମିଳିଛି , ସେ ଦୃଶ୍ୟ ପୂରା ଇସ୍ରାଏଲ ଉପରେ ହମାସ ଶୈଳୀର ହମଲାର ମନେପକାଇଛି। ସୂତ୍ର କହିଛି ଯେ , ଏମିତି ଲାଗୁଛି ଯେ ଅନେକ ଶସ୍ତା ରକେଟ୍ ମାଡ଼ କରାଯାଇଛି। ପ୍ରତିରକ୍ଷା ସୂତ୍ର କହିଛି ଯେ, ଏହିପରି ହମଲା ପରେ ଏହି ଆଙ୍କଳନ କରାଯାଇଛି ଯେ, ପାକ୍ ସେନା ଏକ ଆତଙ୍କବାଦୀ ସଙ୍ଗଠନ ହମାସ ପକ୍ଷରୁ କାମ କରୁଛି ଏବଂ ବ୍ୟବହାର କରୁଛି।
ଏହା ବ୍ୟତୀତ ରାଜୌରୀରେ ଆତଙ୍କୀ ହମଲାର ଖବର ଅଛି। ରାଜୌରୀର ୧୨୦ ବ୍ରିଗେଡ୍ ଉପରେ ଆତଙ୍କୀ ହମଲା ହୋଇଛି। ଏହି ମଧ୍ୟରେ, ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲ ପ୍ରଧାନମନ୍ତ୍ରୀଙ୍କୁ ଭେଟିବାକୁ ପହଞ୍ଚିଛନ୍ତି।
