ମୋହନା, ୧୨।୫ :   ଗୋଟିଏ ଗାଈକୁ ବଞ୍ଚାଇବାକୁ ଯାଇ ରାସ୍ତା କଡ଼କୁ ଖସିଲା ବସ l ଏଭଳି ଦୁର୍ଘଟଣା ଘଟିଛି ଗଜପତି ଜିଲ୍ଲା ରା.ଉଦୟଗିରି ଥାନା ଛେଳିଗଡ଼ ହାଟପଦାରେ l ବସ ଧକ୍କାରେ ଗାଈ ଆହତ ହୋଇଥିବା ବେଳେ ସୌଭାଗ୍ୟ ବଶତଃ ବର୍ତ୍ତୀ ଯାଇଛନ୍ତି ୫୦ ରୁ ଅଧିକ ବସଯାତ୍ରୀ l 

ସୋମବାର ସକାଳେ ଏକ ଯାତ୍ରୀବାହି ବସ ପାରଳାଖେମୁଣ୍ଡିରୁ ମୋହନା ଆସୁଥିଲା l ଛେଳିଗଡ ହାଟପଦା ନିକଟରେ ବସଟି ଘାଟି ଗଡୁଥିବା ବେଳେ ଅଚାନକ ଗୋଟିଏ ଗାଈ ରାସ୍ତା ଉପରକୁ ଦୌଡ଼ି ଆସିଥିଲା l ଫଳରେ ଡ୍ରାଇଭର ନିୟନ୍ତ୍ରଣ ହରାଇଥିଲେ l ବସଟି ଭାରସାମ୍ୟ ହରାଇ ରାସ୍ତା କଡକୁ ଖସିଯିବା ସହ ବୁଦା ଭିତରକୁ ପଶିଯାଇଛି l ତେବେ ସୌଭାଗ୍ୟ ବଶତଃ ବସରେ ଥିବା ୫୦ ରୁ ଅଧିକ ଯାତ୍ରୀ ବର୍ତ୍ତୀ ଯାଇଥିବା ବେଳେ ଅନ୍ୟ ଏକ ବସ ରେ ଗନ୍ତବ୍ୟ ସ୍ଥଳକୁ ଯାଇଥିଲେ ଯାତ୍ରୀ l ଆହତ ଗାଈକୁ ସ୍ଥାନୀୟ ଲୋକେ ଉଦ୍ଧାର କରି ଛେଳିଗଡ ପ୍ରାଣୀ ଚିକିତ୍ସାଳୟରେ ଭର୍ତ୍ତି କରିଛନ୍ତି l ରା. ଉଦୟଗିରି ଥାନା ପୁଲିସ ଘଟଣା ସ୍ଥଳରେ ପହଞ୍ଚି ତଦନ୍ତ କରିଛି l