ମାଲକାନଗିରି,୧୩/୧୧: ଗାଁକୁ ଆମ୍ବୁଲାନ୍ସ ଆସି ନପାରିବାରୁ ଭାରରେ ବୁହା ହେଲେ ରୋଗୀଣା ମାଆ । ରୋଗୀ ଜଣକ ପ୍ରତିମା ଖିଲ ବୋଲି ଜଣାପଡ଼ିଛି । ମାଲକାନାଗିରି ଜିଲ୍ଲା ଖଇରପୁଟ ବ୍ଲକ ଗୋବିନ୍ଦପାଲି ପଞ୍ଚାୟତର ଗୋଜିଆଗୁଡ଼ା ଗାଁରେ ଏଭଳି ଦୃଶ୍ୟ ଦେଖିବାକୁ ମିଳିଛି ।
ସୂଚନା ମୁତାବକ, ଗୋଜିଆଗୁଡ଼ା ଗାଁର ପ୍ରତିମା ଖିଲ ନାମକ ଜଣେ ମହିଳା ଅସୁସ୍ଥ ଥିଲେ । ତାଙ୍କ ସ୍ୱାସ୍ଥ୍ୟାବସ୍ଥା ଅଧିକ ଖରାପ ହେବାରୁ ଏକ ଆମ୍ବୁଲାନ୍ସକୁ ଖବର ଦିଆ ଯାଇଥିଲା । କିନ୍ତୁ ଗାଁକୁ ଆସିବା ରାସ୍ତାରେ ସପ୍ତଧରା ନଦୀ ପଡ଼ିଥାଏ । ତେଣୁ ଆମ୍ୱୁଲାନ୍ସଟି ନଦୀ ପାର ହୋଇ ଆସି ପାରିଲା ନାହିଁ । ଶେଷରେ ବାଧ୍ୟ ହୋଇ ପ୍ରତିମାଙ୍କ ପୁଅ ସହ ଗଜିଆଗୁଡା ୱାର୍ଡ ମେମ୍ବର ନିଜେ ମହିଳାଙ୍କୁ ଭାରରେ ବୋହି ନଦୀ ପାର କରାଇଲେ । ସେଠାରୁ ମହିଳା ଜଣକ ଆମ୍ବୁଲାନ୍ସ ଯୋଗେ ଡାକ୍ତରଖାନାକୁ ଯାଇଥିଲେ । ଅନ୍ୟପଟେ ଗାଁକୁ ଯାତାୟାତ ପାଇଁ ଏକ ବ୍ରିଜର ନିର୍ମାଣ କାମ ବହୁ ବର୍ଷ ଧରି ଚାଲୁ ରହିଛି କିନ୍ତୁ ତାହା ଏବେ ବି ଅଧାପନ୍ତରିଆ ହୋଇ ରହିଛି ।
