ନୂଆଦିଲ୍ଲୀ ୧୪/୧୨: ଖାଦ୍ୟପ୍ରେମୀମାନେ ଅଧିକାଂଶ ସମୟରେ ବିଭିନ୍ନ ସ୍ଥାନର ସ୍ୱାଦିଷ୍ଟ ଓ ନିଆରା ବ୍ୟଞ୍ଜନର ମଜା ନେବାକୁ ଉଦ୍ୟମ କରିଥାନ୍ତି । ସେମାନଙ୍କ ଲାଗି ଖାଦ୍ୟ କେବଳ ପେଟ ପୂରାଏ ନାହିଁ, ଏହା ମନ ଓ ଆତ୍ମା ଲାଗି ମଧ୍ୟ ଉଦ୍ଦିଷ୍ଟ । କିଛି ସାହସୀ ଲୋକ ତ ଖାଦ୍ୟର ସ୍ୱାଦ ଅପେକ୍ଷା ଖାଉଥିବା ସ୍ଥାନର ଅନୁଭବକୁ ମହତ୍ତ୍ୱ ଦେଇଥାନ୍ତି । ମଧ୍ୟ ଆମେରିକା ସ୍ଥିତ ଗ୍ୱାଟେମାଲା ଏବେ ସେଭଳି ଏକ ଦୁଃସାହସିକ ସ୍ଥାନ ପାଲଟିଛି । ସାରା ବିଶ୍ୱରୁ ବହୁ ଲୋକ ସେଠାକୁ ଆଗ୍ନେୟଗିରି ଉପରେ ସିଧାସଳଖ ପ୍ରସ୍ତୁତ କରାଯାଉଥିବା ପିଜ୍ଜାର ସ୍ୱାଦ ଚାଖିବାକୁ ଆସିଥାନ୍ତି ।
ବିଗତ କିଛି ବର୍ଷ ହେଲା ସେଫ୍ ମାରିଓ ଡେଭିଡ୍ ଗାର୍ସିଆ ଏକ ଆଗ୍ନେୟଗିରି ଉପରେ ପିଜ୍ଜା ପ୍ରସ୍ତୁତ କରି ତାକୁ ପରଷି ଆସୁଛନ୍ତି । ଏହାକୁ ବିଶ୍ୱର ସବୁଠୁ ବିପପିଜ୍ଜା ବୋଲି ମଧ୍ୟ କୁହାଯାଉଛି । କାରଣ ଏହା ପାରମ୍ପରିକ ଭାବେ କୌଣସି ଓଭନ୍ରେ ନୁହଁ, ବରଂ ଏକ ଆଗ୍ନେୟଗିରିର ଗରମ ପାଉଁଶ ଉପରେ ପ୍ରସ୍ତୁତ କରାଯାଇଥାଏ ଯାହାକି ପିଜ୍ଜାକୁ ଏକ ନିଆରା ସ୍ୱାଦ ଦେଇଥାଏ । କିନ୍ତୁ ଏହା ମଧ୍ୟ ବିପଗ୍ୟାସ୍ର ସଂପର୍କରେ ଆସିଥାଏ ଯାହାକି ସ୍ୱାସ୍ଥ୍ୟ ପାଇଁ ହାନିକାରକ ।
ଆଗ୍ନେୟଗିରିରୁ ଅଗ୍ନି ଉଦ୍ଗୀରଣ ଫଳରେ ସୃଷ୍ଟି ହେଉଥିବା ସଲଫର ଡାଇଅକ୍ସସାଇଡ୍ ଗ୍ୟାସ୍ର ସ୍ତର ଏହି ଅଞ୍ଚଳରେ ବହୁତ ବେଶୀ । ସେହି ଗ୍ୟାସ୍ ବାୟୁମଣ୍ଡଳରେ ଘୂରି ବୁଲିଥିବାବେଳେ ବାୟୁର ଗୁଣବତ୍ତାକୁ ଖରାପ କରିଥାଏ । ଏହାସତ୍ତେ୍ୱ ସେହି ସ୍ଥାନକୁ ପିଜ୍ଜାର ସ୍ୱାଦ ନେବାକୁ ଅନେକ ଲୋକଙ୍କ ସୁଅ ଛୁଟୁଛି । ଏପରିକି ଗ୍ୱାଟେମାଲାରେ ଏହା ପର୍ଯ୍ୟଟନର ଏକ ଗୁରୁତ୍ୱପୂର୍ଣ୍ଣ ଅଂଶ ପାଲଟିଲାଣି । ସେଠାରେ ପର୍ଯ୍ୟଟକମାନେ ସକ୍ରିୟ ଆଗ୍ନେୟଗିରିର ମଧ୍ୟରେ ବସି ପିଜ୍ଜାର ମଜା ନେଇଥାନ୍ତି ।
