କୋରାପୁଟ, ୨୦।୧୦: କମିବାରେ ନାଁ ଧରୁନି ଜନନୀ ଯନ୍ତ୍ରଣା । ଅନ୍ଧାର ରାତିରେ ଗାଁକୁ ଆସି ପାରିଲାନି ଆମ୍ବୁଲାନ୍ସ । ଗାଁଠାରୁ ୨ କିଲୋମିଟର ଦୂର ଭାରରେ ବୋହି ଆମ୍ବୁଲାନ୍ସ ପାଖକୁ ନିଆଯାଇଥିଲା । ରାସ୍ତା ନଥିବାରୁ ଅଧ ବାଟରେ ଆମ୍ବୁଲାନ୍ସ ଅଟକିଥିଲା। ହାତରେ ଟର୍ଚ୍ଚ ଧରି ଅନ୍ଧାର ରାତିରେ ଭାରରେ ବୁହା ହୋଇ ନାହିଁନଥିବା ଅସୁବିଧାର ସମ୍ମୁଖିନ ହେଇଛନ୍ତି ଗର୍ଭବତୀ । ଏଭଳି ଦୃଶ୍ୟ ଦେଖିବାକୁ ମିଳିଛି କୋରାପୁଟ ଜିଲ୍ଲା ଦଶମନ୍ତପୁର ବ୍ଲକ ଅନ୍ତର୍ଗତ ନନ୍ଦି ଗାଁ ପଞ୍ଚାୟତ ଅଧିନସ୍ଥ ମଧୁବିଶାଳୀ ଗାଁରେ ।
ଗ୍ରାମର ଜଣେ ଗର୍ଭବତୀ ମହିଳାଙ୍କୁ ଗର୍ଭ ଯନ୍ତ୍ରଣା ଆରମ୍ଭ ହୋଇଥିଲା । ଆଶାକର୍ମୀ ୧୦୮ ଆମ୍ବୁଲାନ୍ସକୁ ଯୋଗାଯୋଗ କରିଥିଲେ । ହେଲେ ଗାଁକୁ ପକ୍କା ରାସ୍ତା ସୁବିଧା ନଥିବାରୁ ଗାଁଠାରୁ ୨ କିଲୋମିଟର ଦୂର ମାଳିବିଶାଳି ଛକ ନିକଟରେ ଆମ୍ବୁଲାନ୍ସ ଗାଡ଼ି ଅଟକି ଅପେକ୍ଷା କରି ରହିଥିଲା । ଭାରରେ ବୋହି ଆଣିବା ପାରେ ପୋଡ଼ାଗଡ଼ ଡାକ୍ତରଖାନାକୁ ସ୍ଥାନାନ୍ତରିତ କରାଯାଇଥିବା ସୂଚନା ମିଳିଛି ।
