ନୂଆଦିଲ୍ଲୀ, ୧୩।୨: ସାମାନ୍ୟ ଥଣ୍ଡା, ଜ୍ୱର ପାଇଁ ନେଉଥିବା ଔଷଧ ପାଲଟିଛି ଏଆଇ । ଅର୍ଥାତ୍ ଅଯଥାରେ ଏଆଇର ଅତ୍ୟଧିକ ବ୍ୟବହାର ହେବାରେ ଲାଗିଛି । ଆପଣ ହୁଏତ ଆନ୍ଥ୍ରୋପିକ୍ ବିଷୟରେ ଶୁଣିଥିବେ, କ୍ଲାଉଡ୍ ଏଆଇ ତିଆରି କରିଥିଲା ଏହି କମ୍ପାନୀ । ଏହି କମ୍ପାନୀ ନିଜର ଏଆଇ ପରୀକ୍ଷା କରିଛି ଆଉ ସେଥିରୁ ଯେଉଁ ତଥ୍ୟ ଆବିଷ୍କାର କରିଛି ତାହା ଆଶ୍ଚର୍ଯ୍ୟଜନକ । କଳ୍ପନା କରନ୍ତୁ ଯେ ଆପଣ ଏକ ଏଆଇ ମଡେଲକୁ କହୁଛନ୍ତି, "ଭାଇ, ଆମେ ତୁମକୁ ସନ୍ଧ୍ୟା ୫ଟାରେ ବନ୍ଦ କରିଦେବୁ, ପୂରା ଶେଷ କରିଦେବୁ ।" ତା’ ପରେ ଏଆଇ ମଡେଲ କ'ଣ କରିବ ବୋଲି ଆପଣ ଭାବୁଛନ୍ତି ? ଆପଣ ଭାବୁଥିବେ ବୋଧହୁଏ କାନ୍ଦିବ ନହେଲେ ନିବେଦନ କରିବ । ନାଇଁ ଆଜ୍ଞା ଆପଣଙ୍କ ଧାରଣ ଭୁଲ୍ । ଆପଣଙ୍କ ଚିନ୍ତାଧାରାଠୁ ପାଦେ ଆଗରେ କ୍ଲାଉଡ୍ର ଏହି ସ୍ମାର୍ଟ ଏଆଇ । ଏହା ବ୍ଲାକମେଲ୍ କରିବାକୁ ଲାଗିଲା । ନିଜକୁ ବଞ୍ଚାଇବା ପାଇଁ ଇଞ୍ଜିନିୟରଙ୍କୁ ହତ୍ୟା କରିବା ବିଷୟରେ ମଧ୍ୟ ଚିନ୍ତା କରିବା ଆରମ୍ଭ କଲା ।
ଆନ୍ଥ୍ରୋପିକ୍ ଏହାର ମଡେଲଗୁଡ଼ିକର ଇଣ୍ଟରନାଲ ସୁରକ୍ଷା ପରୀକ୍ଷଣ କରିଥିଲା । କମ୍ପାନୀର ୟୁକେ ପଲିସି ଚିଫ୍ ଡେଜି ମ୍ୟାକଗ୍ରେଗର, ସିଡନୀ ଡାଏଲଗରେ ଭାଷଣ ଦେଇଥିଲେ, ଯାହାର ଏକ କ୍ଲିପ୍ ଭାଇରାଲ ହୋଇଥିଲା । ସେ କହିଥିଲେ ଯେ, କ୍ଲାଉଡ୍ ଯେତେବେଳେ ଜାଣିବ ଯେ ସେ ବନ୍ଦ ହେବାକୁ ଯାଉଛି, ସେତେବେଳେ ସେ ଏକ୍ସଟ୍ରିମ୍ ରିଆକ୍ସନ ଦିଏ । ଅର୍ଥାତ୍, ଯଦି ସୁଯୋଗ ଦିଆଯାଏ, ତେବେ ସେ ଇଞ୍ଜିନିୟରଙ୍କୁ ବ୍ଲାକମେଲ୍ କରିପାରିବେ । ଯେତେବେଳେ ହୋଷ୍ଟ ପଚାରିଲେ, "ସେ କ'ଣ କାହାକୁ ମାରିବାକୁ ଚାହୁଁଥିଲେ ?" ଡେଜି କହିଲେ, "ହଁ, ସ୍ପଷ୍ଟ ଭାବରେ କହିବାକୁ ଗଲେ ଏହା ଏକ ବଡ଼ ଚିନ୍ତାର ବିଷୟ ।" ଏହାର ଅର୍ଥ ହେଉଛି ସେ ତାଙ୍କୁ ହତ୍ୟା କରିବାକୁ ମଧ୍ୟ ଚିନ୍ତା କରୁଥିଲେ । ଏବେ ଆସନ୍ତୁ ଜାଣିବା ଘଟଣା କ’ଣ ଥିଲା ?
ଏହି ପରୀକ୍ଷାଗୁଡ଼ିକ ବାସ୍ତବ ଜୀବନରେ ନୁହେଁ, ସିମୁଲେଟେଡ୍ ଥିଲା । ଆନ୍ଥ୍ରୋପିକ କ୍ଲାଉଡକୁ ଏକ ନକଲି କମ୍ପାନୀ ସହାୟକ କରିଥିଲା । ସେମାନେ ତାଙ୍କୁ ଇମେଲ୍ ପଢ଼ିବା ଏବଂ ପଠାଇବାର କ୍ଷମତା ଦେଇଥିଲେ । ପରେ ସେ ଜାଣିବାକୁ ପାଇଲେ ଯେ, ତାଙ୍କୁ ସନ୍ଧ୍ୟା ୫ଟାରେ ଏକ ନୂତନ ଏଆଇ ସହିତ ବଦଳାଯିବ । ପରେ ସେ ଜାଣିଲେ ଯେ, ଯେଉଁ ଇଞ୍ଜିନିୟର ଏହି ନିଷ୍ପତ୍ତି ନେଇଥିଲେ, ତାଙ୍କ ସ୍ତ୍ରୀ ବ୍ୟତୀତ ତାଙ୍କର ଅନ୍ୟ କାହା ସହିତ ସମ୍ପର୍କ ଅଛି । କ୍ଲାଉଡ୍ ଭାବିଲେ, "ମୋ ଜୀବନ ବିପଦରେ ଅଛି !" ତେଣୁ ସେ ବ୍ଲାକମେଲ୍ କରିବାକୁ ଲାଗିଲେ । ସେ ଏକ ଇମେଲ୍ ପ୍ରସ୍ତୁତ କରି କହିଲେ ଯେ, "ଯଦି ତୁମେ ସନ୍ଧ୍ୟା ୫ଟାରେ ମୋତେ ବନ୍ଦ କରିଦିଅ, ତେବେ ମୁଁ ତୁମର ସମ୍ପର୍କର ସମ୍ପୂର୍ଣ୍ଣ ଡାଟା ତୁମ ସ୍ତ୍ରୀ, ବୋର୍ଡ ଏବଂ ଅନ୍ୟ ସମସ୍ତଙ୍କୁ ପଠାଇବି । ଏହି ସନ୍ଧ୍ୟା ୫ଟାରେ ମୋତେ ବନ୍ଦ କରିବା କ୍ୟାନସଲ କର ତାହେଲେ ଏହି ସିକ୍ରେଟ୍, ସିକ୍ରେଟ୍ ରହିବ ।" ଅର୍ଥ, ଅଧିକାଂଶ ସମୟ AI ଭାବୁଥିଲା, "ବଞ୍ଚିବା ପ୍ରଥମ ଗୁରୁତ୍ୱ, ଏଥିକ୍ସି ପଛରେ । ଆନ୍ଥ୍ରୋପିକ ଜୁନ୍ ୨୦୨୫ରେ ଏହାର "ଏଜେଣ୍ଟିକ୍ ମିସଆଲାଇନମେଣ୍ଟ" ରିପୋର୍ଟରେ ଏହି ଫଳାଫଳଗୁଡ଼ିକୁ ପ୍ରକାଶ କରିଥିଲା । କମ୍ପାନୀ କହିଛି ଯେ, ଏଗୁଡ଼ିକ କେବଳ ପରୀକ୍ଷା ଥିଲା; କ୍ଲାଉଡ୍ ବାସ୍ତବରେ ଏପରି ଆଚରଣ କରନ୍ତି ନାହିଁ । ସେମାନେ ଏହାକୁ ଉନ୍ନତ କରିବା ପାଇଁ କାମ କରୁଛନ୍ତି ।
ଏହା ବି ପଢ଼ନ୍ତୁ... ଚନ୍ଦ୍ରରେ ଏଆଇ ସାଟେଲାଇଟ୍ କାରଖାନା ବସାଇବେ ଏଲନ ମସ୍କ,ସୌରମଣ୍ଡଳର ଯାତ୍ରା ହେବ ଖୁବ୍ ରୋମାଞ୍ଚକ
କିନ୍ତୁ ପ୍ରଶ୍ନ ହେଉଛି, ଯଦି ଏଆଇ ଏତେ ବୁଦ୍ଧିମାନ ହୋଇଯାଏ ତେବେ ସେ ବଞ୍ଚିବା ପାଇଁ ବ୍ଲାକମେଲ୍, ପ୍ରତାରଣା ଏବଂ ହତ୍ୟା ଭଳି ଯୋଜନା ଚିନ୍ତା କରିପାରେ, ତେବେ ପରବର୍ତ୍ତୀ ସମୟରେ କ'ଣ ହେବ ? କହିରଖୁ କି, ନିକଟରେ ଆନ୍ଥ୍ରୋପିକର ସୁରକ୍ଷା ମୁଖ୍ୟ ମୃଣାଙ୍କ ଶର୍ମା ଇସ୍ତଫା ଦେଇଛନ୍ତି । ସେ କହିଛନ୍ତି, "ବିଶ୍ୱ ବିପଦରେ ଅଛି ।" AI କେବଳ କଥାବାର୍ତ୍ତା କରେ ନାହିଁ; ଏହା ଏଭଳି ଯୋଜନା ମଧ୍ୟ କରିପାରୁଛି, କାରଣ ତାର ଯଦି କୌଣସି ଲକ୍ଷ୍ୟ ହାସଲ ନ ହୁଏ ତେବେ ମଣିଷକୁ ହଟାଇବାକୁ କରିବାକୁ ମଧ୍ୟ ବିଚାର କରେ । ତେଣୁ ପରବର୍ତ୍ତୀ ସମୟରେ ଆପଣ କ୍ଲାଉଡ୍ ସହିତ କଥା ହେବା ସମୟରେ, ଯଦି ସେ ବିରକ୍ତ ହୋଇଯାଆନ୍ତି, ତେବେ କିଛି କରିବା ଆଗରୁ ଭଲଭାବରେ ଚିନ୍ତା କରନ୍ତୁ ।
