ଚେନ୍ନାଇ : ତାମିଲନାଡୁରେ ଟିଭିକେ ମୁଖ୍ୟ ବିଜୟଙ୍କ ମୁଖ୍ୟମନ୍ତ୍ରୀ ହେବା ପରେ ଏବେ ସୁଦ୍ଧା ସବୁଠୁ ବଡ଼ ରାଜନୀତିକ ହଇଚଇ ସାମ୍ନାକୁ ଆସିଛି। AIDMKର ତିନି ଜଣ ବିଧାୟକ ଇସ୍ତଫା ଦେଇ TVKରେ ସାମିଲ ହୋଇଛନ୍ତି। ଏହି କ୍ରମରେ ଏବେ ରାଜ୍ୟର ତ୍ରିଚି ଇଷ୍ଟ ସମେତ ମୋଟ ଚାରୋଟି ସିଟ୍ରେ ଉପନିର୍ବାଚନ ହେବ। ବିଜୟଙ୍କ ଟିଭିକେକୁ ନିର୍ବାଚନରେ ୧୦୮ଟି ଆସନରେ ବିଜୟ ମିଳି ଥିଲା। ବିଜୟଙ୍କ ତ୍ରିଚି ଇଷ୍ଟ ଛାଡ଼ିବାରେ ବିଧାୟକଙ୍କ ସଂଖ୍ୟା ୧୦୭ ରହିଥିଲା। ଏଆଇଏଡିଏମକେର ଯେଉଁ ତିନି ଜଣ ବିଧାୟକ ଇସ୍ତଫା ଦେଇଛନ୍ତି , ସେମାନଙ୍କ ମଧ୍ୟରେ ସରଗଥମ କୁମାରେସନ (ମଧୁରନ୍ତକମ), ସତ୍ୟଭାମା (ଧାରାପୁରମ) ଓ ଜୟକୁମାର (ପେରୁନ୍ଦୁରଇ) ସାମିଲ ଅଛନ୍ତି।
AIDMKର ତିନି ଜଣ ବିଧାୟକ ବିଧାନସଭାର ବାଚସ୍ପତିଙ୍କୁ ଇସ୍ତଫା ପ୍ରଦାନ କରିବା ପରେ ସିଏମ୍ ବିଜୟଙ୍କର ନିକଟତମ ମନ୍ତ୍ରୀ ଆଧବ ଅର୍ଜୁନଙ୍କୁ ଭେଟି ଥିଲେ। ଏହାପରେ ସମସ୍ତେ ଟିଭିକେର ସଦସ୍ୟତା ଗ୍ରହଣ କରି ଥିଲେ। AIDMK ସିଏମ୍ ବିଜୟଙ୍କ ଫ୍ଲୋର ଟେଷ୍ଟ ବେଳେ ଦୁଇଭାଗ ହୋଇ ଯାଇ ଥିଲା। ଟିଭିକେରେ ସାମିଲ ହୋଇଥିବା ଏଆଇଏଡିଏମକେର ତିନି ଜଣ ବିଧାୟକଙ୍କ ମଧ୍ୟରେ ଦୁଇ ଜଣ ମହିଳା ଅଛନ୍ତି। ବିଧାନସଭା ନିର୍ବାଚନରେ ଏଡପ୍ପାଡି କେ. ପଲାନିସ୍ୱାମୀଙ୍କ ନେତୃତ୍ୱରେ ଏଆଇଏଡିଏମକେ ୪୭ଟି ଆସନ ଜିତି ଥିଲା।
କେଉଁ ବିଧାୟକ କେତେ ଭୋଟରେ ଜିତି ଥିଲେ ?
ଇସ୍ତଫା ଦେଇଥିବା AIDMK ବିଧାୟକ / ବିଧାନସଭା -
- ମରଗଥମ କୁମାରୱେଲ-ମଦୁରନ୍ତକମ - ବିଜୟର ପାର୍ଥକ୍ୟ (୭୧୯୪ ଭୋଟ )- ଟିଭିକେକୁ ହରାଇ ଥିଲେ
- ଜୟକୁମାର-ପେରୁନଦୁରଇ , ବିଜୟର ପାର୍ଥକ୍ୟ ( ୯୬୯୩ ଭୋଟ) , ଡିଏମକେକୁ ହରାଇ ଥିଲେ
- ସତ୍ୟଭାମା –ଧାରାପୁରମ , ବିଜୟର ପାର୍ଥକ୍ୟ ୧୬୭୨୭ ଭୋଟ୍, ଡିଏମକେକୁ ହରାଇ ଥିଲେ।
ତାମିଲନାଡୁ ରାଜନୀତିରେ ବଡ଼ ଖେଳ –
ଏଆଇଏଡିଏମକେର ତିନି ଜଣ ବିଧାୟକଙ୍କ ଟିଭିକେ ଯିବାରେ ଏବେ ଚାରୋଟି ସିଟ୍ରେ ନିର୍ବାଚନ ହେବ। ଯଦି ବିଜୟଙ୍କ ନେତୃତ୍ୱର ଟିଭିକେ ୪ଟି ସିଟ୍ ଜିତି ଯାଏ , ତ ସେ ବହୁମତର ନିକଟର ହୋଇଯିବ। ଉଲ୍ଲେଖନୀୟ ଯେ, ଯେବେ ମୁଖ୍ୟମନ୍ତ୍ରୀ ସି.ଜୋସେଫ ବିଜୟ ନିଜର ମନ୍ତ୍ରିମଣ୍ଡଳର ସଂପ୍ରସାରଣ କରିଥିଲେ , ତାଙ୍କୁ ବାମଦଳ ଗୁଡ଼ିକ ଧମକ ଦେଇଥିଲେ ଯେ, ଯଦି ଏଆଇଏଡିଏମକେର ବିଧାୟକଙ୍କୁ ମନ୍ତ୍ରୀ କରନ୍ତି ତ ସେ ସମର୍ଥନ ଉପରେ ବିଚାର କରିବେ । ଯଦି ଇସ୍ତଫା ଦେଇଥିବା ବିଧାୟକ ନିର୍ବାଚନରେ ବିଜୟୀ ହୁଅନ୍ତି ତ ବିଜୟଙ୍କ ସରକାର ସ୍ଥିରତାକୁ ସୁଦୃଢ ହେବ। ଏଆଇଏଡିଏମକେର ବିଧାୟକ ଏସ୍ କାମରାଜ ପୂର୍ବରୁ ବିଜୟଙ୍କ ସହ ଆସି ସାରିଛନ୍ତି। ସେ ଦିନାକରନଙ୍କ ଦ୍ୱାରା ନିଲମ୍ୱିତ ହୋଇଛନ୍ତି। ଟିଭିକେର ବିଧାୟକଙ୍କ ସଂଖ୍ୟା ବୃଦ୍ଧିରେ ତାଙ୍କର ସରକାର ଚଲାଇବା ପାଇଁ ସହଯୋଗୀ ଦଳ ଗୁଡ଼ିକ ଉପରେ ନିର୍ଭରତା କମିଯିବ।
ଦେଖନ୍ତୁ ଏହି ଭିଡ଼ିଓ : ବିଜେଡି ଦେବାଶିଷଙ୍କୁ ରଖି ପାରୁନି ଆମେ କଣ କରିବୁ, ସେ ଇସ୍ତଫା ଦେଲେ ..ଭବିଷ୍ୟତ କହିବ କଣ ହେବ
ଇସ୍ତଫାକୁ ବାଚସ୍ପତିଙ୍କ ଅନୁମୋଦନ –
ଏଆଇଏଡିଏମକେ ବିଧାୟକଙ୍କ ଇସ୍ତଫା ଉପରେ ବିଧାନସଭାର ବାଚସ୍ପତି ଜେ ସି ଡି ପ୍ରଭାବକରଙ୍କ ମନ୍ତବ୍ୟ ସାମ୍ନାକୁ ଆସିଛି। ସେ କହିଛନ୍ତି ଯେ, ଏଆଇଏଡିଏମକେ ତିନିଜଣ ବିଧାୟକଙ୍କ ଇସ୍ତଫା ଅନୁମୋଦନ କରି ନେଇଛି। ସେ କହିଛନ୍ତି , ଏଆଇଏଡିଏମକେର ତିନି ଜଣ ବିଧାୟକ ମରଗଥମ କୁମରାୱଲ , ସତ୍ୟଭାମା ଓ ଜୟକୁମାର ଇସ୍ତଫା ପତ୍ର ଦେଇଛନ୍ତି। ଇସ୍ତଫା ଏଥିପାଇଁ ମଞ୍ଜୁର କରାଯାଇଛି , କାରଣ ବିଧାନସଭା ନିୟମାନୁସାରେ। ସମସ୍ତ ଇସ୍ତଫା ପତ୍ର ସଠିକ୍ କ୍ରମରେ ମିଳିଛି। ଇସ୍ତଫା ଦେଇଥିବା ବିଧାୟକଙ୍କୁ ଏହାର କୌଣସି କାରଣ କହିବାର ଆବଶ୍ୟକତା ନାହିଁ।
ଆହୁରି ମଧ୍ୟ ପଢନ୍ତୁ : ସେଦିନ କେଶବ ପ୍ରସାଦ ମୌର୍ଯ୍ୟ ଅତୀକ ଅହମଦଙ୍କୁ ମାରି ଥାନ୍ତେ ଗୁଳି , ବାହାର କରି ଦେଇ ଥିଲେ ଲାଇସେନ୍ସ ରାଇଫଲ
