ଭୁବନେଶ୍ୱର,୦୧/୦୫: ଯାଜପୁର ଜିଲ୍ଲା ବାଲିଚନ୍ଦ୍ରପୁର ପୋଲିସ ଦ୍ଵାରା ଡକାୟତି ଗ୍ୟାଙ୍ଗ ଠାବ। ଟ୍ରାନ୍ସଫର୍ମର ଚୋରି ଘଟଣାରେ ଗୁରୁବାର ବାଲିଚନ୍ଦ୍ରପୁର ପୋଲିସ ୯ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ସେମାନଙ୍କ ନିକଟରୁ ଟ୍ରାନ୍ସଫର୍ମରର ବିଭିନ୍ନ ସାମଗ୍ରୀ ଓ ଏହାକୁ ଚୋରି କରିବାରେ ବ୍ୟବହୃତ ବିଭିନ୍ନ ଯନ୍ତ୍ରପାତି ସହ ଗୋଟିଏ କାର୍, ସ୍କର୍ପିଓ ଜବତ କରିଛି ପୋଲିସ ।
ସୂଚନା ମୁତାବକ, ବିଭିନ୍ନ ସ୍ଥାନରେ ଟ୍ରାନ୍ସଫର୍ମର ଚୋରି ଘଟଣା ସାମ୍ନାକୁ ଆସିଥିବା ବେଳେ ବାଲିଚନ୍ଦ୍ରପୁର ପୋଲିସ ଡକାୟତି ଗ୍ୟାଙ୍ଗକୁ ଠାବ କରିବାରେ ସକ୍ଷମ ହୋଇଛି । ଗୋଟିଏ ସ୍ଥାନରେ ଡକାୟତି ଯୋଜନା କରୁଥିବା ବେଳେ ବାଲିଚନ୍ଦ୍ରପୁର ପୋଲିସ ଚଢ଼ାଉ କରି ଡକାୟତି ଗ୍ୟାଙ୍ଗକୁ ଧରିବାରେ ସକ୍ଷମ ହୋଇଛି । ସେମାନଙ୍କ ନିକଟରୁ ଟ୍ରାନ୍ସଫର୍ମରର ବିଭିନ୍ନ ସାମଗ୍ରୀ ଓ ଏହାକୁ ଚୋରି କରିବାରେ ବ୍ୟବହୃତ ବିଭିନ୍ନ ଯନ୍ତ୍ରପାତି ଜବତ କରିଛି ପୋଲିସ। କେବଳ ସେତିକି ନୁହେଁ, ଗୋଟିଏ କାର୍ ଏବଂ ସ୍କର୍ପିଓ ମଧ୍ୟ ଜବତ ହୋଇଛି । ଗିରଫ ଡକାୟତ ମାନେ ବିଭିନ୍ନ ଜିଲ୍ଲାର ବୋଲି ଜଣା ପଡିଛି । ଏମାନଙ୍କ ନାମରେ ବିଭିନ୍ନ ଥାନାରେ ମାମଲା ରହିଛି । ଏମାନଙ୍କ ସହ ଆଉ କେଉଁ ମାନଙ୍କ ସଂପୃକ୍ତି ରହିଛି, ସେନେଇ ପୋଲିସ ଘଟଣାର ଅଧିକ ତଦନ୍ତ ଚଳାଇଥିବା ବାଲିଚନ୍ଦ୍ରପୁର ଥାନା ଅଧିକାରୀ କହିଛନ୍ତି।
