କଙ୍କଡ଼ାହାଡ଼,୨୯/୧୦: ଢେଙ୍କାନାଳ ଜିଲ୍ଲା କଙ୍କଡ଼ାହାଡ଼ ବ୍ଲକ ମହାବିରୋଡ଼ ଥାନା ଇଲାକା ଘାଗରାମୁଣ୍ଡା ହାଟ ଛକ ନିକଟରେ ଯାତ୍ରୀବାହି ବସ ପଛକୁ ପିଟିଲା ଆଇରନ ବୋଝେଇ ଟ୍ରକ। ଏଥିରେ ୩ ଜଣ ଯାତ୍ରୀ ଗୁରୁତର ହୋଇଛନ୍ତି।
ପାଲଲହଡ଼ାରୁ ଭୁବନେଶ୍ୱର ଯାତ୍ରୀ ନେଇ ବିଜୟା ନାମକ ବସ ଯାଉଥିଲା । ଘାଗରାମୁଣ୍ଡା ହାଟ ଛକ ନିକଟରେ ଯୋଡ଼ାରୁ ଆଇରନ ବୋଝେଇ ନେଉଥିବା ଟ୍ରକ ପଛ ପଟୁ ଧକା ଦେଇଥିଲା। ବସଟି ଘାଗରାମୁଣ୍ଡା ହାଟ ଛକ ନିକଟରେ ଯାତ୍ରୀ ଓହ୍ଲାଇ ଛାଡିବା ସମୟରେ ଏହି ଦୁର୍ଘଟଣା ଘଟିଥିଲା। ଏହି ଦୁର୍ଘଟଣାରେ ବସରେ ଯାତ୍ରା କରୁଥିବା ୩ ଜଣ ଯାତ୍ରୀ ଗୁରୁତର ହୋଇଛନ୍ତି। ଖବର ପାଇ ମହାବିରୋଡ଼ ଥାନା ପୁଲିସ କର୍ମଚାରୀମାନେ ପହଞ୍ଚି ଗୁରୁତର ଥିବା ୩ ଜଣଙ୍କୁ ଚିକିତ୍ସା ପାଇଁ ପରଜଙ୍ଗ ମେଡ଼ିକାଲକୁ ପଠାଇଛନ୍ତି। ମହାବିରୋଡ଼ ପୁଲିସ ଅଧିକ ତଦନ୍ତ ଚଳାଇଛି।
