ନୂଆଦିଲ୍ଲୀ: କୋଲକାତା ବିମାନବନ୍ଦରରେ ତୁର୍କୀସ୍ ଏୟାରଲାଇନ୍ସର ଏକ ବିମାନ ସମ୍ପୂର୍ଣ୍ଣ ଜରୁରୀକାଳୀନ ଅବତରଣ କରିଛି। ଏହାର ଇଞ୍ଜିନରୁ ସ୍ପାର୍କିଂ ହୋଇଥିବା ଜଣାପଡ଼ିଛି। କାଠମାଣ୍ଡୁରୁ ଇସ୍ତାନବୁଲ ଯାଉଥିବା ତୁର୍କୀସ୍ ଏୟାରଲାଇନ୍ସର ବିମାନ ୭୨୭ କୋଲକାତା ବିମାନବନ୍ଦରରେ ସମ୍ପୂର୍ଣ୍ଣ ଜରୁରୀକାଳୀନ ଅବତରଣ କରିଛି। ବିମାନର କ୍ୟାପ୍ଟେନ୍ କୋଲକାତା ATC କୁ ସ୍ପାର୍କିଂ ଇଞ୍ଜିନରେ ସମ୍ଭାବ୍ୟ ଅଗ୍ନିକାଣ୍ଡର ସୂଚନା ଦେଇଥିଲେ। ବିମାନଟି ୨୩୬ ଜଣ ଯାତ୍ରୀଙ୍କୁ ନେଇ ଅପରାହ୍ନ ୨:୪୯ ରେ କୋଲକାତା NSCBI ବିମାନବନ୍ଦରରେ ପହଞ୍ଚିଥିଲା।
ଇଞ୍ଜିନରେ ସ୍ପାର୍କିଂ ଦେଖାଯାଇଥିବାରୁ ଜରୁରୀକାଳୀନ ଅବତରଣ…
କୋଲକାତାର ନେତାଜୀ ସୁଭାଷ ଚନ୍ଦ୍ର ବୋଷ ଅନ୍ତର୍ଜାତୀୟ ବିମାନବନ୍ଦରର ନିର୍ଦ୍ଦେଶକ କହିଛନ୍ତି ଯେ, ବିମାନଟି ବର୍ତ୍ତମାନ କୋଲକାତା ବିମାନବନ୍ଦରରେ ଅଛି ଏବଂ ଯାଞ୍ଚ କରାଯାଉଛି। ଇଞ୍ଜିନରେ ସ୍ପାର୍କିଂ ଦେଖାଯାଇଥିବାରୁ ତୁର୍କୀସ୍ ଏୟାରଲାଇନ୍ସର ବିମାନକୁ କୋଲକାତା ବିମାନବନ୍ଦରରେ ଜରୁରୀକାଳୀନ ଅବତରଣ କରିବାକୁ ପଡିଲା ବୋଲି ଜଣାପଡ଼ିଛି।
କାଠମାଣ୍ଡୁରୁ ଇସ୍ତାନବୁଲ ଯାଉଥିଲା ବିମାନ…
ତୁର୍କୀସ୍ ଏୟାରଲାଇନ୍ସର ବିମାନ ୭୨୭ କାଠମାଣ୍ଡୁରୁ ଇସ୍ତାନବୁଲ ଅଭିମୁଖେ ଯାତ୍ରା କରୁଥିଲା, ଯେତେବେଳେ ପାଇଲଟ୍ କୋଲକାତା ଉପରେ ଇଞ୍ଜିନରେ ସ୍ପାର୍କିଂ ଦେଖିଥିଲେ। ପାଇଲଟ୍ ତୁରନ୍ତ କୋଲକାତା ATC ସହିତ ଯୋଗାଯୋଗ କରିଥିଲେ ଏବଂ ସବୁଜ ସଙ୍କେତ ପାଇବା ପରେ ଜରୁରୀକାଳୀନ ଅବତରଣ କରିଥିଲେ। ବର୍ତ୍ତମାନ ବିମାନଟି ମରାମତି କରାଯାଉଛି ଏବଂ ଯାତ୍ରୀମାନେ ଅପେକ୍ଷା କରିଛନ୍ତି ।
