ମାଲକାନଗିରି,୨/୫ ପ୍ରକାଶିତ ହୋଇସାରିଛି ଚଳିତବର୍ଷର ମାଟ୍ରିକ ପରୀକ୍ଷା ଫଳ। ଜିଲ୍ଲାର ୧୩୦ଟି ହାଇସ୍କୁଲର ୮୧୯୭ ଜଣ ପରିକ୍ଷା ଦେବା ପାଇଁ ଫର୍ମ ଫିଲପ କରିଥିଲେ । ମୋଟ ୮୦୩୯ ଜଣ ପରୀକ୍ଷାର୍ଥୀଙ୍କ ମଧ୍ୟରୁ ୭୭୫୦ଜଣ ପାସ କରିଛନ୍ତି । ୧୫୮ ଜଣ ଅନୁପସ୍ଥିତ ଥିଲେ । ଚଳିତ ବର୍ଷ ମାଟ୍ରିକରେ ଛାତ୍ର ଛାତ୍ରୀ ମାନେ ସଫଳତାର ସହିତ ଅଧକ ନମ୍ବର ରଖି ପାସ କରିଛନ୍ତି। ଜିଲ୍ଲାରେ ମୋଟ ପାସ ହାର ୯୬.୪୧ ପ୍ରତିଶତ ହୋଇଥିବ ଥିବା ବେଳେ ଜିଲ୍ଲାରେ ଏ୧ ଗ୍ରେଡରେ ମୋଟ ୧୨ ଜଣ ପାସ କରିଛନ୍ତି । ସେମାନଙ୍କ ମଧ୍ୟରୁ ଏମଭି ୭୯ ସାବେରୀ ବିଦ୍ୟାପିଠ ହାଇସ୍କୁଲର ଦୁଇଛାତ୍ର ତଥା ଜାଆଁଳା ଭାଇ ଡମ୍ବରୁ ଲେଙ୍କା ଓ ଡାନିଆଲ ଲେଙ୍କା ଉଭୟ ୫୬୦ ଲେଖା ସମାନ ନମ୍ବର ରଖି ଏ୧ ଗ୍ରେଡରେ ପାସ ହୋଇ ଜିଲ୍ଲାରେ ରେକେର୍ଡ କରିଛନ୍ତି । ଜିଲ୍ଲାରେ ମୋଟ ଏ-୧ ଗ୍ରେଡ ରେ ୧୨ଜଣ ଏ-୨ ଗ୍ରେଡରେ ୪୬ଜଣ, ବି ୧ଗ୍ରେଡରେ ୧୨୧ଜଣ, ବି- ୨ଗ୍ରେଡରେ ୫୪୬ଜଣ, ସି ଗ୍ରେଡରେ ୧୮୯୯ଜଣ, ଡି ଗ୍ରେଡରେ ୩୫୬୯ଜଣ, ଇ ଗ୍ରେଡରେ ୧୫୫୭ ଜଣ ପାସ କରିଥିବା ବେଳେ ଏଫ ଗ୍ରେଡରେ ରହି ୨୮୮ ଜଣ ପରୀକ୍ଷାର୍ଥୀ ଫେଲ ହୋଇଛନ୍ତି । ଜିଲ୍ଲାରେ ମୋଟ ୯୬.୪୧ ପ୍ରତିଶତ ଛାତ୍ର ଛାତ୍ରୀ ମାଟ୍ରିକ ପରୀକ୍ଷାରେ ପାସ କରିଛନ୍ତି । ଚଳିତ ବର୍ଷ ମାଲାକନଗିରି ଜିଲ୍ଲାରେ ହାଇସ୍କୁଲ ପରୀକ୍ଷାରେ ଗତବର୍ଷ ତୁଳନାରେ ପାସ ହାର ବୃଦ୍ଧିପାଇ ପରୀକ୍ଷା ଫଳ ଭଲ ହୋଇଛି ବୋଲି ଭାରପ୍ରାପ୍ତ ଜିଲ୍ଲା ଶିକ୍ଷା ଅଧିକାରୀ ଉମାପ୍ରସାଦ ଦାଶ ସୂଚନାଦେଇଛନ୍ତି।