ନୂଆଦିଲ୍ଲୀ : ଏପଷ୍ଟିନ ମାମଲାରେ ବର୍ତ୍ତମାନ ସୁଦ୍ଧା ସବୁଠୁ ବଡ଼ କାର୍ଯ୍ୟାନୁଷ୍ଠାନ ହୋଇଛି। ବ୍ରିଟେନର ରାଜା କିଙ୍ଗ ଚାର୍ଲ୍ସଙ୍କ ସାନ ଭାଇ ପୂର୍ବତନ ପ୍ରିନ୍ସ ଆଣ୍ଡ୍ରିୟୁଙ୍କୁ ପୁଲିସ ଗିରଫ କରି ନେଇଛି। ରିପୋର୍ଟ ଅନୁସାରେ, ଗୁରୁବାର ବ୍ରିଟେନର ଥେମ୍ସ ଭାଲି ପୁଲିସ ପୂର୍ବ ଇଂଲଣ୍ଡର ସାଣ୍ଡ୍ରିଙ୍ଘମ ଏଷ୍ଟେନରେ ୱୁଡ ଫାର୍ମରୁ ଆଣ୍ଡ୍ରିୟୁଙ୍କୁ ଗିରଫ କରାଯାଇଛି। ରୟଟର୍ସର ରିପୋର୍ଟ ଅନୁସାରେ , ଛଅଟି ବିନା ନମ୍ୱର ଥିବା ପୁଲିସ କାର ଓ ପାଖାପାଖି ଆଠ ଜଣ ସାଧା ପୋଷାକରେ ପୁଲିସ ଅଧିକାରୀ ଦିନରେ ପ୍ରଥମେ ପୂର୍ବ ଇଂଲଣ୍ଡର ସାଣ୍ଡ୍ରିଙ୍ଘମ ଏଷ୍ଟେଟ୍ ସ୍ଥିତ ୱୁଡ୍ ଫାର୍ମରେ ପହଞ୍ଚି ଥିଲେ ଏବଂ ପ୍ରିନ୍ସଙ୍କୁ ଗିରଫ କରି ନିଆଯାଇ ଥିଲା।

କହି ରଖୁଛୁ କି, ଗତ ମାସରେ ଆମେରିକୀୟ ନ୍ୟାୟ ବିଭାଗ ପକ୍ଷରୁ ୩୦ ଲକ୍ଷରୁ ଅଧିକ ପୃଷ୍ଠାର କାଗଜପତ୍ର ଜାରି କରାଯାଇ ଥିଲା। ଏହି କାଗଜପତ୍ରରେ ଏମିତି ଇମେଲ ଅନ୍ତର୍ଭୁକ୍ତ ଅଛି, ଯେଉଁଥିରେ ଅଭିଯୋଗ ହୋଇଛି ଯେ, ଆଣ୍ଡ୍ରିୟୁ ୨୦୧୦ରେ ଜେଫ୍ରି ଏପଷ୍ଟିନଙ୍କ ସହ ଗୋପନୀୟ ବ୍ୟାପାରିକ ସୂଚନା ସେୟାର କରିଥିଲେ। ଧ୍ୟାନ ଦେବାର କଥା ଏହା ଯେ, ଏହି ଲେଣଦେଣ ଦିବଙ୍ଗତ ଅର୍ଥ ପ୍ରବନ୍ଧକଙ୍କୁ ଶିଶୁ ଯୌନ ଅପରାଧ ପାଇଁ ଦୋଷୀ ସାବ୍ୟସ୍ତ କରିବାର ଦୁଇ ବର୍ଷ ପରେ ହୋଇଥିଲା।

ଏହା ବ୍ୟତୀତ ଫାଇଲ ଗୁଡ଼ିକର ଇମେଲ ପରାମର୍ଶ ଦେଉଛି ଯେ, ପୂର୍ବତନ ପ୍ରିନ୍ସ ଆଣ୍ଡ୍ରିୟୁ ସିଙ୍ଗାପୁର , ହଂକଂ ଓ ଭିଏତନାମ ଯାତ୍ରା ସମ୍ୱନ୍ଧିକ ରିପୋର୍ଟ ଗୁଡ଼ିକ ସହ ଆଫଗାନିସ୍ତାନରେ ନିବେଶର ସମ୍ଭାବିତ ଅବସର ବିଷୟରେ ସମ୍ୱେଦନଶୀଳ ସୂଚନା ମଧ୍ୟ ସେୟାର କରିଥିଲେ। ଫାଇଲ ଅନୁସାରେ, କିଛି ସାମଗ୍ରୀ ଆଣ୍ଡ୍ରିୟୁଙ୍କ ତତ୍କାଳୀନ ପରାମର୍ଶଦାତାଙ୍କ ଠାରୁ ପ୍ରାପ୍ତ ହେବାର କିଛି ହିଁ ମିନିଟ୍ ପରେ ଆଗୁଆ ପଠାଇ ଦିଆ ଯାଇଥିଲା। ଏଥିରେ ଏହା ପ୍ରଶ୍ନ ଉଠୁଛି ଯେ, ଏଥିରେ କଣ ଅଫିସିଆଲି ଗୋପନୀୟତାର ଉଲ୍ଲଂଘନ କରାଯାଇ ଥିଲା ?

ଏହି ସମୟରେ ଆଣ୍ଡ୍ରିୟୁ ଏକ ସରକାରୀ ବ୍ୟାପାର ପ୍ରତିନିଧି ଭାବେ କାର୍ଯ୍ୟରତ ଥିଲେ। ଏହା ଏକ ଏମିତି ପଦ ଥିଲା, ଯେଉଁଠି ସମ୍ୱେଦନଶୀଳ ବାଣିଜ୍ୟିକ ଓ ରାଜନୀତିକ ସୂଚନାର ସୁରକ୍ଷା ପାଇଁ ଦୃଢ ନୀତି ନିର୍ଦ୍ଦେଶର ପାଳନ କରିବା ବାଧ୍ୟତାମୂଳକ ଥିଲା। ପୂର୍ବତନ ପ୍ରିନ୍ସ ଲଗାତାର କୌଣସି ବି ଭୁଲ୍ କାମ କରିବା ନେଇ ଖଣ୍ଡନ କରିଛନ୍ତି ଏବଂ କାଗଜପତ୍ରର ନୂଆ ବ୍ୟାଚ୍ ଜାରି ହେବା ପର ଠାରୁ କୌଣସି ସାର୍ବଜନିକ ଟିପ୍ପଣୀ କରି ନାହାନ୍ତି। ବ୍ରିଟେନରେ ‘ଟେମ୍ସ ଭ୍ୟାଲି ପୁଲିସ’ ର ଅଧିକାରୀମାନେ ସ୍ପଷ୍ଟ କରିଛନ୍ତି ଯେ ସେ ଏହି କଥାକୁ ଅନୁଶୀଳନ କରୁଛନ୍ତି କି , ଏହାର ଆନୁଷ୍ଠାନିକ ତଦନ୍ତ ଆରମ୍ଭ କରିବାର କୌଣସି ପ୍ରମୁଖ ଆଧାର ଅଛି ନା ନାହିଁ।

କହି ରଖୁଛୁ କି , ଆଣ୍ଡ୍ରିୟୁ ୱିଣ୍ଡସର ୨୦୧୯ରେ ଏପଷ୍ଟିନଙ୍କ ସହ ନିଜର ସଂପର୍କ ଯୋଗୁଁ ଖୁବ୍ ବିବାଦ ଓ ସମାଲୋଚନାର ଶିକାର ହୋଇଥିଲେ। ଫଳରେ ସେ ସାର୍ବଜନିକ କର୍ତ୍ତବ୍ୟ ଠାରୁ ଦୂରେଇ ଯାଇଥିଲେ । ୨୦୨୨ରେ ସେ ଭର୍ଜିନିଆ ଗ୍ୟୁଫେଙ୍କ ସହ ଆର୍ଥିକ ବୁଝାମଣା କରିଥିଲେ । ଗ୍ୟୁଫେ ତାଙ୍କ ଉପରେ ସେତେବେଳେ ଯୌନ ଶୋଷଣ କରିବାର ଅଭିଯୋଗ ଲଗେଇ ଥିଲେ,ଯେବେ ସେ ଟିନଏଜର ଥିଲେ। ଏହିସବୁ ଅଭିଯୋଗକୁ ଆଣ୍ଡ୍ରିୟୁ ବାରମ୍ୱାର ମନା କରିଥିଲେ। ସେତେବେଳେ ୨୦୨୨ରେ ଆଣ୍ଡ୍ରୟୁଙ୍କ ଠାରୁ ତାଙ୍କର ସେନା ଉପାଧୀ ଓ ’ହିଜ ରୟାଲ ହାଇନେସ୍ ‘ ଷ୍ଟାଇଲର ବ୍ୟବହାର କରିବାର ଅଧିକାରୀକୁ ଛଡ଼େଇ ନିଆଯାଇ ଥିଲା। ଗ୍ୟୁଫେ ଗତ ବର୍ଷ ଆତ୍ମହତ୍ୟା କରିଥିଲେ।